SÁLF2ÍÞ05 - Íþróttasálfræði

Lýsing

Einingafjöldi: 5
Þrep: 2

Markmið áfangans er að nemendur kynnist hugmyndum og kenningum í þróttasálfræði og læri hvernig hægt er að nýta sálfræðilega þekkingu til að aðstoða íþróttafólki að ná betri árangri. Í áfanganum verður farið yfir helstu atriði íþróttasálfræðinnar og fjallað þá þætti sem hafa áhrif á frammistöðu íþróttafólks eins og tilfinningar, sjálfstraust, áhuga og metnað, andlegan styrk og þrautseigju. Kennslan fer fram í fyrirlestrum, umræðum og verkefnavinnu. Í fyrirlestrum verður fjallað um helstu þætti námsefnisins og í umræðum takast nemendur á við spurningar út frá námsefninu.

Þekkingarviðmið

Nemandi skal hafa öðlast þekkingu og skilning á:

• Helstu hugrænu þáttum sem hafa áhrif á frammistöðu íþróttafólks
• Mikilvægi sálfræðilegrar þekkingar til að aðstoða íþróttafólk
• Mikilvægi þess að huga að andlegri vellíðan og andlegum styrk
• Áhrif jákvæðrar sjálfsmyndar og sjálfstrausts á frammistöðu
• Hvaða atriði skipta máli þegar kemur að andlegri hlið íþrótta

Leikniviðmið

Nemandi skal hafa öðlast leikni í að:

• Vinna með sálfræðilega þekkingu sem kemur að notum í íþróttum
• Koma auga á og vinna með andlega þætti sem hafa neikvæð áhrif á frammistöðu
• Skilja fólk út frá sálfræðilegum kenningum

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• Hjálpa sjálfum sér og öðrum að ná árangri í sinni íþróttagrein
• Efla andlega heilsu og andlegan styrk