Húsnæði skólans

Húsnæði Kvennaskólans er á þremur stöðum; Fríkirkjuvegi 9 (Aðalbygging), Fríkirkjuvegi 1 (Miðbæjarskóli) og Þingholtsstræti 37 (Uppsalir).

  • Í Aðalbyggingu, A og N, Fríkirkjuvegi 9, er aðalskrifstofa skólans á 2. hæð, skrifstofa skólameistara, skrifstofa fjármálastjóra, aðstaða kerfisstjóra, borðstofa starfsmanna, bókasafn á jarðhæð, aðstaða nemendafélagsins, níu kennslustofur og vinnuherbergi kennara.
  • Í Miðbæjarskóla, M, Fríkirkjuvegi 1, á neðstu hæðinni er nemendaaðstaða (Litli Kvennó), aðstaða umsjónarmanns fasteigna og vinnuaðstaða fyrir nemendur, vinnuherbergi kennara og búningsklefar íþróttasalarins. Á miðhæð er fyrirlestrarsalur, skrifstofa aðstoðarskólameistara og námsstjóra, kaffistofa starfsmanna og íþróttasalur auk kennslustofa. Á efstu hæð eru viðtalsherbergi náms- og starfsráðgjafa og skólasálfræðings, viðtalsherbergi kennara, tölvustofa auk venjulegra kennslustofa. Í húsinu eru 17 kennslustofur og vinnuaðstaða hluta kennarahópsins.
  • Í Uppsölum, U, Þingholtsstræti 37 er mötuneyti og matsalur nemenda sem jafnframt er samkomusalur og aðstaða leikfélagsins. Á efri hæð eru fjórar kennslustofur og vinnuherbergi kennara.



Aðalbygging (A)

Miðbæjarskóli (M)


Uppsalir (U)