Umsjónarkennarar

Allir bekkir hafa sinn umsjónarkennara, sjá hér. 
Markmið umsjónarinnar er að styðja við bakið á nemendum og tryggja sem best velferð þeirra í skólanum, 
Umsjónarkennarar veita nemendum sínum ráðgjöf er lýtur að námi og ástundum og eru jafnframt tengiliðir skólans við heimili þegar samskipta við það er þörf. 

Nemendur í 1. bekk hafa einn tíma í stundatöflu fyrir umsjón sem lítur út eins og hver önnur kennslustund. 

Helstu verkefni umsjónarkennara í 1. og 2. bekk: 

• Tekur þátt í móttöku nýrra nemenda á fyrsta skóladegi og kynnir fyrir þeim skólann og skólastarfið. 
• Fylgist með ástundun og námsárangri umsjónarnemenda sinna og kemur athugasemdum á framfæri við nemendur, forráðamenn og námstjóra ef þessir þættir eru ekki sem skyldi.
• Boðar umsjónarnemendur í einstaklingsviðtal um miðja önn.
• Kynnir skólareglur fyrir umsjónarnemendum.
• Sér um tengsl milli heimilis og skóla og er einn af þeim aðilum innan skólans sem forráðamenn geta leitað til eftir upplýsingum.
• Tekur þátt í kynningarfundi í byrjun haustannar sem forráðamönum nýnema er boðið á. 
• Kemur ábendingum um námsvanda á framfæri við náms- og starfsráðgjafa. 
• Miðlar upplýsingum til umsjónarnemenda og til stjórnenda um umsjónarnemendur ef þörf krefur. 
• Stuðlar að góðum bekkjaranda í umsjónarhópnum. 

Helstu verkefni umsjónarkennara 3. bekkjar:

• Fylgist með ástundun og námsárangri umsjónarnemenda sinna og kemur athugasemdum á framfæri við nemendur og námstjóra ef þessir þættir eru ekki sem skyldi. 
• Er umsjónarnemendum sínum til ráðuneytis um mál er varða skólavist þeirra. 
• Kemur ábendingum um námsvanda á framfæri við náms- og starfsráðgjafa. 
• Miðlar upplýsingum til umsjónarnemenda og til stjórnenda um umsjónarnemendur ef þörf krefur. 
• Stuðlar að góðum bekkjaranda í umsjónarhópnum.