ÍSLE1SC04 - Goðafræði

Lýsing

Kjarnaáfangi á starfsbraut
Einingafjöldi: 4
Þrep: 1

Í áfanganum verður fjallað um norræna goðafræði, heimsmynd ásatrúarmanna til forna, helstu æsi og hlutverk þeirra. Fjallað verður um goðafræðina í tengslum við menningu, sögu, siði, hefðir og áhrif á nútímasamfélög. Unnið verður með alla þætti íslenskunnar og fá nemendur tækifæri til að vinna með efnið á fjölbreyttan hátt. Áhersla verður lögð á þjálfun í lestri, hlustun, ritun, tjáningu og málnotkun á fjölbreyttan hátt.

Þekkingarviðmið

Nemandi skal hafa öðlast þekkingu og skilning á:

• heimsmynd norrænnar goðafræði

• helstu goðum, gyðjum og hlutverkum þeirra
• innihaldi og söguþræði umfjöllunarefnisins
• fjölbreyttum aðferðum við úrvinnslu verkefna

Leikniviðmið

Nemandi skal hafa öðlast leikni í að:

• fjalla um goðafræði
• átta sig á áhrifum goðafræðinnar á nútímasamfélag
• nýta sér fjölbreyttar aðferðir við verkefnavinnu
• vinna verkefni af vandvirkni

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• greina innihald efnisins
• taka þátt í málefnalegum umræðum í tengslum við námsefnið
• útskýra hugmyndir norrænna manna um heimsmynd og trú á landnámsöld
• skilja að norræn goðafræði er hluti af menningararfi Íslendinga

Námsmat:
Leiðsagnarmat er viðhaft í hverjum tíma. Fjölbreytt verkefni eru metin yfir önnina og áhersla lögð á umsagnir sem leiða nemandann áfram. Virkni nemenda og mæting skiptir öllu máli.