Lið úr Kvennó í úrslitum Fyrirtækjasmiðju ungra frumkvöðla

 

Þær frábæru fréttir bárust okkur að eitt lið úr Kvennó, Talía - The Label, er komið í úrslit í Fyrirtækjasmiðju ungra frumkvöðla - JA Iceland. Kvennó sendir lið í keppnina í tengslum við frumkvöðlafræði-valáfangann sem kenndur er á hverju ári.

 

Liðið skipa Katla Líf Ólafsdóttir og Silja Ómarsdóttir og varan eru litlar töskur úr endurnýttu efni frá Rauða krossi Íslands. Töskurnar eru í mismunandi stærðum og litum og eru ætlaðar undir snyrtivörur eða aðra smærri hluti. Alls komust 30 fyrirtæki af 160 áfram. Nú taka við viðtöl við dómara og svo er lokaathöfnin í Arion banka fimmtudaginn 27. apríl þar sem verðlaun verða veitt.