Einkunnir, námsmatssýning og endurtökupróf

Sjúkraprófin miðvikudaginn 17. desember kl. 9:00 verða í N-stofum. Raðað verður í stofur þegar nemendur mæta. 

Lokaeinkunnir áfanga verða birtar í Innu fyrir námsmatssýninguna 19. desember. Námsmats-/prófsýning verður í N og M milli kl. 9:00 og 10:00. Hér má sjá hvar námsmatssýningin verður: https://www.kvenno.is/static/files/profsyning-19.-desember-2025.pdf og hvar umsjónarkennarar verða til viðtals að henni lokinni (kl. 10:00 - 10:30): https://www.kvenno.is/static/files/vidtalstimar-19.-desember-2025.pdf. 

Nemendur sem þurfa að taka endurtökupróf þurfa að skrá sig í þau föstudaginn 19. desember með því að fylla út í viðeigandi form sem sett verður á heimasíðu skólann. 

Próftöflu endurtökuprófa verður einnig þar að finna á föstudaginn en endurtökuprófin verða kl. 13:00 föstudaginn 2. janúar og kl. 8:30 mánudaginn 5. janúar. Prófstofur verða settar á heimasíðu skólans milli jóla og nýárs. Hér má sjá reglur sem gilda um endurtökupróf: https://www.kvenno.is/is/nam-kennsla/namsmat-og-namsframvinda/reglur-um-endurtokuprof.

Við minnum einnig á þjónustu náms- og starfsráðgjafa: https://www.kvenno.is/is/foreldrar/nemendathjonusta/nams-og-starfsradgjof. 

Ef einhverjir nemendur hyggjast ekki þiggja áframhaldandi skólavist er mikilvægt að láta Ásdísi aðstoðarskólameistara eða Björk áfangastjóra vita sem allra fyrst. 

Kennsla hefst kl. 10:40 mánudaginn 5. janúar. 

Við þökkum kærlega samfylgdina á önninni og óskum ykkur og fjölskyldum ykkar gleðilegra jóla. Hafið það sem allra best í jólafríinu og hlökkum til að sjá ykkur á nýju ári.