Styrkur úr Afreks- og hvatningarsjóði stúdenta Háskóla Íslands

Marta Carrasco hlaut ágætiseinkunn og Menntaverðlaun Háskóla Íslands þegar hún útskrifast úr Kvennó vorið 2018. Hún á að baki langan keppnisferil í samkvæmisdönsum og hefur unnið ötult starf í þágu umhverfisverndarmála víða um heim. Hún ætlar sér að læra landfræði í vetur.

Ástrós Hind Rúnarsdóttir brautskráðist með ágætiseinkunn síðastliðið vor. Hún er öflugt ljóðskáld og er að hefja nám í bókmenntafræði og ritlist. Hún skrifaði mikið á námsárunum í Kvennó í ýmsa miðla nemendafélagsins og flutti meðal annars frumsamið ljóð við útskriftarathöfn skólans í ágúst síðastliðnum.

Við óskum þeim innilega til hamingju og vonum að framtíðin brosi við þeim.