Sigur í fyrstu umferð Gettu betur

Frá vinstri: Jón Kristján Sigurðarson, Embla María Möller Atladóttir og Árni Jónsson

Fyrsta umferð í Gettu betur kláraðist í gærkvöldi. Ein af viðureignum kvöldsins var þegar lið Kvennaskólans mætti liði Verkmenntaskóla Austurlands. Að loknum hraðaspurningum var staðan 12-8 fyrir Kvennaskólanum og að lokum var það Kvennó sem hafði sigur með 28 stigum gegn 9 stigum Verkmenntaskóla Austurlands.

Í gærkvöldi var einnig dregið í 16-liða úrslitin sem fara fram 17. og 19. janúar. Mótherji Kvennaskólans verður lið Tækniskólans. Keppnin verður miðvikudaginn 17. janúar og verður streymt á vef Ríkisútvarpsins.

Lið Kvennaskólans skipa Árni Jónsson, Embla María Möller Atladóttir og Jón Kristján Sigurðarson . Þjálfarar liðsins eru þau , Ari Borg Helgason, Hafsteinn Breki Gunnarsson, Hekla Sól Hafsteinsdóttir og Hildur Sigurbergsdóttir

Við óskum þeim öllum innilega til hamingju með sigurinn í gær og hlökkum mikið til að fylgjast með næstu viðureign.

Spyrill í Gettu betur er Kristinn Óli Haraldsson (Króli) og spurningahöfundar eru Helga Margrét Höskuldsdóttir, Sigurlaugur Ingólfsson og Vilhjálmur B. Bragason.

Keppendur ásamt þjálfurum sínum í keppninni í gær.