Glæsilegur árangur í "Þýskuþraut"

Verðlaunahafarnir ásamt Hjalta Jóni Sveinssyni skólameistara
Verðlaunahafarnir ásamt Hjalta Jóni Sveinssyni skólameistara

 

Nemendur Kvennaskólans stóðu sig með glæsibrag í hinni árlegu Þýskuþraut sem nú var haldin í 33. sinn. Félag þýskukennara stendur fyrir keppninni og alls tóku tæplega 50 nemendur framhaldsskólanna þátt að þessu sinni.

Alfa Magdalena Birnir Jórunnardóttir í 3.H gerði sér lítið fyrir og sigraði í þrautinni á stigi 2 sem er fyrir lengra komna nemendur. Hún hlýtur að launum námsferð til Þýskalands í sumar. Á stigi 1 lenti Ingibjörg Sigurðardóttir í 3. sæti, Sigurður Ari Stefánsson í 4. sæti og Ingibjörg Ólafsdóttir í 5. sæti, þau eru öll í 2.NA.

Við óskum nemendunum hjartanlega til hamingju með árangurinn.

Alfa Magdalena, Ingibjörg Sigurðardóttir, Ingibjörg Ólafsdóttir og Sigurður Ari við verðlaunaafhendinguna