Innritunargjöld haustannar (gjalddagi)

Greiðsluseðlar hafa verið sendir í netbanka fyrir nemendur  Kvennaskólans í Reykjavík vegna haustannar 2021. Gjalddagi er 1. júlí en eindagi 15. júlí 2021.

Innritunargjöld haustannar eru fjórskipt:

• Innritunargjald kr. 6.000 á önn er ákvarðað með reglugerð nr. 614 frá 7. júlí 2009.
• Skólasjóður kr. 12.500 á önn. Skólasjóð er ráðstafað í þágu nemenda og skólastarfs, m.a. er innifalinn leikhúsmiði, vettvangsferðir, netaðgangur, tölvupóstfang og pappírskvóti til prentunar og ljósritunar. Leiklistarstarfsemi, kór og ýmis önnur verkefni eru studd eftir því sem tilefni gefst.
• Nemendafélagsgjald kr. 5.500 á önn. Aðild að nemendafélaginu er frjáls. Nemendafélagið notar gjaldið til fjölbreyttra félagsstarfa en í því felst m.a. skóladagbók, útgáfa skólablaðs og lægra verð á samkomur. Þeir nemendur sem velja að standa utan nemendafélags sendi tölvupóst á netfangið gudnyrun@kvenno.is fyrir eindaga greiðsluseðils.
• Foreldrafélag Kvennó, kr. 500 á önn. Stjórn félagsins er kosin á haustfundi ár hvert og mun nýta félagsgjöld í þágu forvarna og fræðslustarfs fyrir foreldra og forráðamenn. Aðild að félaginu er frjáls og þeir sem kjósa að standa utan foreldrafélags sendi tölvupóst á áðurnefnt netfang fyrir eindaga greiðsluseðils.
  
  

Greiðsluseðlar verða sýnilegir undir “Mínar síður” á vefsíðunni www.island.is en eftir sem áður birtist greiðslukrafa í heimabanka nemenda sem eru orðnir 18 ára á álagningardegi. Hjá nemendum yngri en 18 ára birtist krafan hjá foreldri/ forráðamanni sem elst er í fjölskyldunúmeri skv. Þjóðskrá. Greiðsluseðlar verða ekki sendir í bréfapósti nema þess sé óskað með tölvupósti á áðurnefnt netfang.