ENSK3SB05 - Shakespeare og 19. öldin í bókmenntum

shakespeare og 19. öldin í bókmenntum

Einingafjöldi: 5
Þrep: 3
Forkröfur: ENSK3BR05
Unnið verður áfram með þá færni sem nemendur hafa tileinkað sér í fyrri áföngum og lögð áhersla á alla færniþætti í náminu. Markvisst verður unnið með bókmenntir frá 19. öld en einnig frá 16. öld (Shakespeare) með það fyrir augum að nemendur geti tekist á við lestur texta frá þeim tíma. Einnig verður horft á kvikmyndir byggðar á 19. aldar bókmenntum. Samfélagsmynd þessara tímabila verður skoðuð í tengslum við efnið. Nemendur velja sér einnig kjörbók frá 16. og 19. öld af lista sem afhentur verður í upphafi annar og flytja á henni munnlega kynningu.

Þekkingarviðmið

  • enskri tungu og þróun hennar frá fyrri tímabilum
  • ólíkum viðhorfum og samfélagsgildum fyrri alda og hvernig þau hafa breyst í tímans rás
  • mismunandi stefnum og straumum í leikrita- og skáldsagnagerð fyrri tíma
  • helstu hugtökum í bókmenntafræði

Leikniviðmið

  • lesa sér til fræðslu og/eða ánægju texta sem gera miklar kröfur til lesandans, ýmist hvað varðar orðaforða og uppbyggingu eða myndmál og stílbrögð í klassískum bókmenntaverkum
  • greina sögulegt, félagslegt, menningarlegt eða pólitískt samhengi í bókmenntatextum
  • leggja gagnrýnið mat á texta, listrænt gildi hans og mismunandi stílbrögð höfunda
  • nýta sér fyrirlestra, umræður og rökræður um efni menningarlegs eðlis
  • átta sig á mismunandi málsniði og stíl í töluðu máli og undirliggjandi merkingu, viðhorfum og tilgangi þess sem talar

Hæfnisviðmið

  • beita málinu af lipurð og kunnáttu til að geta tekið fullan þátt í umræðum og rökræðum þar sem fjallað er um persónuleg, menningarleg og félagsleg umfjöllunarefni í bókmenntum
  • flytja vel uppbyggða frásögn, kynningu eða greinargerð, draga fram aðalatriði og rökstyðja mál sitt nokkuð nákvæmlega með dæmum og bregðast við fyrirspurnum
  • tjá tilfinningar, nota hugarflug og beita stílbrögðum, t.d. myndmáli og líkingamáli
  • skrifa texta með röksemdafærslu þar sem fram koma rök með og á móti og þau eru vegin og metin
Nánari upplýsingar á námskrá.is