UPPT1ÍA03 - Grunnáfangi í upplýsingatækni

Lýsing

Einingafjöldi: 3
Þrep: 1

Áfanginn er ætlaður nemendum með íslensku sem annað mál. Nemendur kynnast notkun á Innu, skjalavistun, tölvupósti og Teams. Auk þess gera þeir verkefni í ritvinnslu-, töflureikni- og glærugerðarforritum í Office og þjálfa sig í notkun lyklaborðs. 

Þekkingarviðmið

Nemandi skal hafa öðlast þekkingu og skilning á:

• þeim tölvukerfum sem skólinn notar í samskiptum við nemendur,
• öðrum hugbúnaði sem nýtist í námi,
• vistun gagna sem hann vinnur með í tengslum við námið,
• notkun tölvupósts,
• almennri notkun einkatölva.

Leikniviðmið

Nemandi skal hafa öðlast leikni í að:

• vinna í þeim kerfum og hugbúnaði sem kennt er á í áfanganum,
• fylgja fyrirmælum við vinnslu verkefna í viðkomandi hugbúnaði,
• setja upp og ljúka verkefnum samkvæmt fyrirmælum,
• rita á íslensku,
• vista skjöl sem hann vinnur með á viðeigandi stað,
• skrifa á íslenskt lyklaborð.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• fylgjast með eigin námi og eiga í samskiptum við viðeigandi aðila innan skólans,
• auðvelda sér upplýsingaöflun í námi,
• nýta sér viðeigandi hugbúnað í námi,
• vista og varðveita eigin gögn.