STAR1SA02 - Fjölbreytni starfa og menntun

Lýsing

Kjarnaáfangi á starfsbraut
Einingafjöldi: 2
Þrep: 1

Áfanginn miðar að því að efla vitund nemenda um fjölbreytt tækifæri í atvinnulífi og menntun. Nemendur kynnast ólíkum störfum, starfsheitum og kröfum á vinnumarkaði. Lögð er áhersla á að nemendur þrói raunhæfa sýn á eigin styrkleika, áhuga og möguleika til náms og atvinnuþátttöku. Nemendur þjálfast í upplýsingaleit og að taka upplýstar ákvarðanir um framtíðina.

Þekkingarviðmið

Nemandi skal hafa öðlast þekkingu og skilning á:

• fjölbreyttum störfum og starfsumhverfi þeirra
• þeim kröfum um hæfni, þekkingu og menntun sem ólík störf gera
• leiðum til frekara náms, starfsþróunar og þátttöku á vinnumarkaði
• mikilvægi ólíkra starfa og samspili þeirra á vinnustöðum 
  
  

Leikniviðmið

Nemandi skal hafa öðlast leikni í að:

• afla og nýta upplýsingar um störf, réttindi og námsmöguleika
• greina eigin styrkleika, áhugasvið og markmið í tengslum við starfsval
• vinna sjálfstætt og skipulega að verkefnum
• meta eigin tækifæri til náms, atvinnu og þátttöku í samfélaginu
  
  

Hæfnisviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• taka upplýstar og ábyrgðarfullar ákvarðanir um nám og framtíðarstarf
• sýna sjálfstæði, frumkvæði og ábyrgð í vinnubrögðum
• meta eigin hæfni og áhuga í samhengi við kröfur starfa og framtíðaráform
• setja sér raunhæf markmið um nám, atvinnu og starfsþróun 
  
  

Námsmat:
Símat er viðhaft í hverjum tíma. Fjölbreytt verkefni eru metin yfir önnina og áhersla lögð á umsagnir sem leiða nemandann áfram. Virkni nemenda og mæting skiptir öllu máli.