STAR1SA02 - Fjölbreytni starfa og menntun

Lýsing

Kjarnaáfangi á starfsbraut
Einingafjöldi: 2
Þrep: 1

Í áfanganum kynnumst við ólíkum störfum og vinnustöðum. Skoðum tilgang ýmissa starfa og mikilvægi þeirra innan vinnustaðarins. Einnig kynnum við okkur ólíkar kröfur sem gerðar eru til starfsfólks í ýmsum störfum og hvaða skilyrði þarf að uppfylla til að öðlast réttindi í tilteknum atvinnugreinum.

Þekkingarviðmið

Nemandi skal hafa öðlast þekkingu og skilning á:

• fjölbreyttum vinnustöðum
• mismunandi kröfum sem gerðar eru til starfsfólks í ólíkum störfum
• hvaða skilyrði þurfi að uppfylla til að öðlast réttindi í ákveðnum atvinnugreinum
• möguleikunum til frekara náms
• tilgangi starfa og mikilvægi þeirra í tengslum við önnur störf
• þeim reglum og kröfum sem tilheyra ákveðnum störfum
  
  

Leikniviðmið

Nemandi skal hafa öðlast leikni í að:

• meta möguleika sína varðandi nám og atvinnu
• leita að og nýta sér upplýsingar um nám og störf
• sækja sér upplýsingar um áhugaverð starfsheiti
• beita fjölbreyttu verklagi og vinna eftir skipulagi
• bera ábyrgð á sjálfum sér og eigin gjörðum
  
  

Hæfnisviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• gera sér grein fyrir mismunandi atvinnugreinum
• meta þau atriði sem taka ber tillit til við starfsval
• þekkja mismunandi starfsheiti og átta sig á hlutverkum sem felst í þeim
• átta sig á mismunandi kröfum sem liggja að baki ólíkra starfa
• meta möguleika sína hvað varðar nám, atvinnu, búsetu og áhugamál
  
  

Námsmat:
Leiðsagnarmat er viðhaft í hverjum tíma. Fjölbreytt verkefni eru metin yfir önnina og áhersla lögð á umsagnir sem leiða nemandann áfram. Virkni nemenda og mæting skiptir öllu máli.