STÆR2FH05 - Grunnáfangi á félagsvísindabraut

Námsgrein : Stærðfræði

Lýsing

Einingafjöldi: 5
Þrep: 2

Viðfangsefni áfangans eru hnitakerfi, veldi og rætur, algebra, ójöfnur, fyrsta og annars stigs jöfnur, fleygbogar og margliður, talningafræði, prósentur, vextir, einfaldar vaxta-, logra- og rótarjöfnur og vísitölureikningar.

Þekkingarviðmið

Nemandi skal hafa öðlast þekkingu og skilning á:

    • undirstöðureglum talna- og bókstafareiknings og 1. og 2. stigs jöfnum
    • ójöfnum af 1. stigi og samsettum ójöfnum
    • þáttun, veldum og rótum, meðferð algebrubrota og margliða
    • hnitakerfinu, gildatöflum og einkennapunktum ferla fleygboga
    • rótarjöfnum, prósentum, vöxtum og einföldum logra- og vísitölureikningum

     

Leikniviðmið

Nemandi skal hafa öðlast leikni í að:

    • nota undirstöðureglur talna- og bókstafareiknings til einföldunar stærðtákna og útreiknings og til að leysa 1. og 2. stigs jöfnur
    • vinna með hnitakerfið, ferla beinna lína og fleygboga
    • beita veldareglum við ýmiss konar umritanir
    • leysa einfaldar og samsettar ójöfnur
    • reikna prósentu-, vaxta- og vísitölubreytingar og leysa vaxta- og rótarjöfnur
    • reikna árafjölda á vöxtum með notkun einfaldra lograjafna

     

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
  • átta sig á tengslum ólíkra aðferða við framsetningu stærðfræðilegra hugmynda og viðfangsefna
  • skilja merkingu og tengsl hugtaka í námsefninu og vinna með þau
  • geta fylgt og skilið röksemdir og röksamhengi í mæltu máli og texta
  • beita skipulegum aðferðum við að leysa úr viðfangsefnum og þrautum, s.s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur
Einingar: 5
Nánari upplýsingar á namskra.is