SAGA3ÁS05 - Frá kjarnorkuógn til TikTok

Undanfari : SAGA2MN05
Námsgrein : Saga

Lýsing

Einingafjöldi: 5
Þrep: 3

Í áfanganum verður fjallað um helstu atburði og þjóðfélagsbreytingar eftir Síðari heimsstyrjöld. Áhersla verður lögð á eftirfarandi efni: Kalda stríðið, hipparnir og friðarhreyfingin, fall kommúnismans í Evrópu, átakasvæði á miðausturlöndum, Ísrael og Palestínu, árásirnar 11. september og eftirmálar þess, Evrópusambandið, hnattvæðing, kvenréttindi, metoo og uppgangur Kína. Áfanginn byggir að miklu leyti á sjálfstæðum vinnubrögðum nemenda, heimildaleit, verkefnavinnu, úrvinnslu og framsetningu efnis.

Þekkingarviðmið

Nemandi skal hafa öðlast þekkingu og skilning á:

  • helstu atburðum mannkynssögunar á seinni hluta 20.- og upphafsárum 21. aldar
  • sögulegum bakgrunni átaka og pólitískra deilna sem eiga sér stað í nútímanum
  • samskiptum ríkja og hvernig stjórnmál þróast á alþjóðvísu
  • félagslegum hreyfingum og áhrifum þeirra á samtímann
  • hvernig stríð og átök hafa mótað samtímann

Leikniviðmið

Nemandi skal hafa öðlast leikni í að:

  • lesa fræðilega texta á íslensku og ensku og og túlka merkingu þeirra
  • tjá sig í ræðu og riti um söguleg málefni
  • meta gildi ólíkra heimilda s.s. frumheimilda, fréttaveitna, vefmiðla, fræðirita o.fl. 

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • gera sér grein fyrir afleiðingum helstu atburða tímabilsins
  • átta sig á áhrifum átakanna á alþjóðastjórnmál og samskipti ríkja
  • koma þekkingu sinni og skilningi á efninu á framfæri með fjölbreyttum hætti
  • geta tekið þátt í skoðanaskiptum og rökræðum með jafningjum um efni áfangans
  • geta metið alþjóðleg átök út frá eigin forsendum og skilningi