ÍSLE3YN05 - Yndislestur

Undanfari : ÍSLE2MN05
Námsgrein : Íslenska

Lýsing

Einingafjöldi: 5
Þrep: 3

Í áfanganum gefst nemendum kostur á að kynna sér það nýjasta í heimi bókmennta, hvort sem það eru íslensk eða erlend skáldverk.  Nemendur gera grein fyrir þeim verkum sem þeir lásu í einkaviðtölum við kennara og í kynningu fyrir nemendahópinn. Í áfanganum er lögð mikil áhersla á sjálfstæð vinnubrögð nemenda og að þeir vinni eftir ákveðinni áætlun sem þeir bera sjálfir ábyrgð á. Áfanginn byrjar á stuttu hraðlestrarnámskeiði en síðan mæta nemendur ýmist í einkaviðtöl eða hóptíma þar sem þeir eiga að kynna verkin sem þeir lásu. Loks vinna þeir að samningu eigin sögu.

Þekkingarviðmið

Nemandi skal hafa öðlast þekkingu og skilning á:

  • mikilvægi lestrar
  • helstu reglum hraðlestrar
  • því hversu mikilvægt er að geta tekið út aðalatriði texta á skýran og markvissan hátt
  • lögmálum skáldsögunnar og smásögunnar
  • því hvernig skáldsagan endurspeglar samfélagið 

Leikniviðmið

Nemandi skal hafa öðlast leikni í að:

  • nota hraðlestur og mismunandi lestrartækni við lestur ýmissa texta
  • beita helstu hugtökum bókmenntafræðinnar þegar verið er að fjalla um og greina skáldverk
  • flytja skýra, vel uppbyggða kynningu og geta lagt áherslu á meginþætti og atriði sem skipta máli
  • spyrja efnislegra spurninga, greina og bera saman upplýsingar til að komast að niðurstöðu
  • taka þátt í og stuðla að málefnalegum umræðum eða rökræðum um bókmenntir
  • vinna að skapandi verkefnum þar sem lögmálum smásögunnar er beitt

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • dýpka lesskilning sinn
  • auka og bæta við orðaforða og málskilning
  • dýpka skilning sinn á mismunandi samfélögum 
  • auka skilning sinn og þekkingu á mannlegu atferli í gegnum lestur skáldverka
  • nýta sér sköpunarmátt íslenskunnar til að semja eigið verk.
Einingar: 5
Nánari upplýsingar á namskra.is