ÍSLE3PM05 - Gleðipopp eða menning á færibandi

Undanfari : ÍSLE2MN05
Námsgrein : Íslenska

Lýsing

Einingafjöldi: 5
Þrep: 3

Við lifum og hrærumst í heimi dægurmenningar hvort sem við áttum okkur á því eður ei. Eigum okkar uppáhaldsþætti og kvikmyndir en fúlsum við stöffi sem boomers mæla með. Teljum okkur trú um ágæti eigin tónlistarsmekks en hneykslumst leynt og ljóst yfir smekk annarra. En hvað ef við erum lítið annað en auðsveipir neytendur undirseldir markaðslögmálum sem stýra okkur inn á fyrirfram ákveðnar brautir neyslumenningar?

Við ætlum í þessum áfanga að velta fyrir okkur dægurmenningu (e. popular culture) og skoða ólíkar hliðar hennar með fjölbreyttum aðferðum. Kynntar verða hugmyndir og hugtök úr ólíkum greinum sem nýtast við greiningu á þeim krókum og kimum sem dægurmenning samtímans er samansett úr; fyrirbæri eins og meginstraumur og afþreyingariðnaður, kvikmyndir og tónlist, bókmenntir og auglýsingar, fjölmiðlar og samfélagsmiðlar, list og markaður svo eitthvað sé nefnt. Leikurinn er til þess gerður að við getum tekið gagnrýna afstöðu til þeirrar menningar sem við öll tökum þátt í.

Þekkingarviðmið

Nemandi skal hafa öðlast þekkingu og skilning á:

  • dægurmenningu og menningariðnaði.
  • Helstu miðlum, straumum og stefnum sem saman mynda dægurmenningu samtímans.
  • félagslegum og menningarlegum aðstæðum sem móta dægurmenningu og menningariðnaður hagnýtir í sína þágu.

 

Leikniviðmið

Nemandi skal hafa öðlast leikni í að:

  • beita ólíkum aðferðum og hugtökum við greiningu á menningariðnaði og dægurmenningu.
  • taka þátt í uppbyggilegum gagnrýnum umræðum um menningariðnað og dægurmenningu, þar sem hann virðir ólíkar skoðanir og getur rökstutt eigið sjónarmið.
  • Túlka ólík verk útfrá eigin forsendum og færa þau í samhengi við eigin reynsluheim og þá dægurmenningu sem viðkomandi er hluti af.

 

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • dýpka skilning sinn á íslenskri og alþjóðlegri dægurmenningu og menningariðnaði