STÆR1SB04 - Stæður og jöfnur

Lýsing

Kjarnaáfangi á starfsbraut
4. einingar
1. þrep 

Í áfanganum er lögð áhersla á stæður, forgangsröðun aðgerða og einfaldar jöfnur. Nemendur vinna með bókstafareikning og læra að finna óþekktar stærðir með skipulögðum aðferðum. Áhersla er lögð á að efla rökhugsun, sjálfstæði og skilning á því hvernig stærðfræðileg hugsun hjálpar okkur að leysa verkefni í daglegu lífi. Nemendur þjálfast í að nota stærðfræði við raunverulegar aðstæður og efla skilning sinn á því hvernig stærðfræði nýtist í samfélagi og daglegum verkefnum.

Þekkingarviðmið
Nemandi skal hafa öðlast þekkingu og skilning á:

• aðgerðum á heilum tölum

• forgangsröðun aðgerða

• notkun sviga

• helstu grunnhugtökum í bókstafareikningi

Leikniviðmið
Nemandi skal hafa öðlast leikni í að:

• reikna út fyrir sviga

• reikna óþekktar stærðir

• liða einfalda þáttastærðir

• þátta einfaldar liðastærðir

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• nálgast lesefni á sjálfstæðan hátt

• geta reiknað eftir fyrirmælum

• láta skýringar fylgja með útreikningum

• vanda alla framsetningu og nota stærðfræðitákn á viðeigandi hátt

Námsmat
Símat er viðhaft í hverjum tíma. Fjölbreytt verkefni eru metin yfir önnina og áhersla lögð á umsagnir sem leiða nemandann áfram. Virkni nemenda og mæting skiptir öllu máli.