ÍSAN1ÍA10 - Íslenska sem annað mál 1

Lýsing

Einingafjöldi: 10 
Þrep: 1 

Áfanginn er ætlaður byrjendum í íslensku. Áhersla er lögð á að nemendur öðlist helstu undirstöðuatriði tungumálsins og geti bjargað sér í einföldum daglegum aðstæðum. Markmiðið er að efla þekkingu á íslenskri málfræði, setningagerð og grunnfundaforða, ásamt því að kynna nemendum íslenska menningu og siði. Unnið er jafnt með alla fjóra grunnþætti tungumálsins: hlustun, lestur, tal og ritun.

Þekkingarviðmið

Nemandi skal hafa öðlast þekkingu og skilning á:

• Grunnorðaforða sem tengist sjálfum sér, fjölskyldu og nánasta umhverfi.
• Helstu grundvallarþáttum í íslensku málkerfi, svo sem beygingu nafnorða og sagnbeygingu í nútíð.
• Einföldum kurteisisvenjum og kveðjum í íslensku samfélagi.

Leikniviðmið

Nemandi skal hafa öðlast leikni í að:

• Skilja mjög einfalt talað mál um kunnugleg efni þegar talað er hægt og skýrt.
• Nota helstu kveðjur, kynna sig og bregðast við einföldum spurningum.
• Lesa stutta og einfalda texta með algengum orðaforða sem snýr að daglegu lífi og áhugamálum.
• Taka þátt í stuttum samræðum á einfaldan hátt.
• Skrifa stuttan texta um sjálfan sig, t.d. nafn, aldur, búsetu og fjölskylduhagi.
• Beita framburði þannig að mál hans sé skiljanlegt í einföldum samskiptum.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• Nota einföld orðasambönd til að lýsa búsetu sinni og fólki sem hann þekkir.
• Fylgja einföldum fyrirmælum kennara og skilja helstu skilaboð í kennslustofu.
• Finna sértækar upplýsingar í einföldu hlustunarefni eða stuttum textum (t.d. skiltum eða tilkynningum).
• Gera sig skiljanlegan í daglegum aðstæðum, s.s. í búðum eða við kynningu.
• Rita einföld skilaboð eða fylla út eyðublöð með persónuupplýsingum.