EFNA2EH05 - Efnatengi, hraði og orka

Undanfari : EFNA2MH03

Námsgrein : Efnafræði

Lýsing

Einingafjöldi: 5
Þrep: 2

2. áfangi í efnafræði á náttúruvísindabraut

Í þessum framhaldsáfanga er haldið áfram með grunnatriði efnafræðinnar jafnframt því sem byrjað er að byggja ofan á fyrri þekkingu. Efnisþættir sem teknir verða fyrir í áfanganum eru: orkuhugtakið í tengslum við efnahvörf, efnatengi og Lewis myndir, hraði efnahvarfa og hraðalögmálið, tengi innan og á milli sameinda og flokkar lífrænna efna, IUPAC nafnakerfið og oxun og afoxun.

Nemandi skal hafa öðlast þekkingu og skilning á:

grunnhugmyndum um orku og lögmálinu um varðveislu orkunnar
innri orku og hvarfvarma
efnatengjum, áttureglunni og hvernig tákna má sameindir í fleti og teikna Lewis myndir
hraðafræði efnahvarfa og hvarfhraða
tengjum innan sameinda og milli sameinda
flokkun lífrænna efna og IUPAC nafnakerfinu
hugtökunum oxun og afoxun

Leikniviðmið

Nemandi skal hafa öðlast leikni í að:

vinna með umbreytingu orku milli orkuforma og nota orku með efnajöfnum
teikna Lewis myndir og nota þær til að finna líklegustu samsetningu sameindar
greina á milli tengjagerða innan sameinda og milli sameinda
finna hraðalögmál út frá tilraunaniðurstöðu og nota jöfnu Arrheniusar
greina flokka lífrænna efna og gefa efnunum nöfn samkvæmt IUPAC nafnakerfinu
finna hvort efni oxast eða afoxast, nota oxunartölur
skrifa skýrslur um tilraunir

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

meta hvort niðurstöður útreikninga og mælinga séu raunhæfar
túlka efnatákn og efnajöfnur
nýta hópavinnu til að leysa flóknari viðfangsefni
sýna sjálfstæði í vinnubrögðum
setja niðurstöður úr verklegum æfingum fram á skýran hátt
tengja efnafræðina við daglegt líf og umhverfi í auknum mæli

Einingar: 5

Nánari upplýsingar á namskra.is