TÖLF2FF05 - Framhaldsáfangi í forritun

Framhaldsáfangi í forritun

Einingafjöldi: 5
Þrep: 2
Forkröfur: TÖLF2FG05
Framhaldsáfangi í forritun þar sem nemendur fá að kynnast fleiri hugtökum í forritun með því forritunarmáli sem kynnt var í TÖLF2FG05. Fjallað er um hluti eins og klasa og hlutbundna forritun ásamt því sem farið verður í undirstöður hönnunar og þróunar hugbúnaðar. Einnig verður fjallað um endurkvæmni (e. recursion) í forritun.

Þekkingarviðmið

Nemandi skal hafa öðlast þekkingu og skilning á:

  • helstu hugtökum varðandi þróun hugbúnaðar
  • heildar uppbyggingu eins æðra forritunarmáls
  • endurkvæmni í forritun
  • öllum grunneiningum forritunarmáls

Leikniviðmið

Nemandi skal hafa öðlast leikni í að:

  • skrifa flóknari keyrsluforrit
  • nota allar helstu gagnaskipanir forritunarmálsins
  • hanna og þróa stærri forritunarverkefni
  • lesa kóða
  • aflúsa, breyta og prófa stærri forrit

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • leiðrétta og endurbæta forrit
  • semja forrit til að leysa flókin verkefni
  • þróa og hanna stærri forrit
  • beita gagnrýni og skapandi hugsun við lausnir verkefna
  • skilja og beita einföldum röksemdum
Nánari upplýsingar á námskrá.is