UPPE3KE05 - Kenningar og rannsóknaraðferðir í uppeldis- og menntunarfræði

Einingafjöldi: 5
Þrep: 3
Forkröfur: UPPE2UM05

Uppeldis- og menntavísindi styðjast við margvíslegar kenningar í rannsóknum á því sviði. Kenningarnar tengjast félagsfræði menntunar, kennslusálfræði, uppeldisheimspeki o.fl. svo fátt eitt sé talið. Rannsóknaraðferðir í uppeldis-og menntunarfræðum eru nátengdar kenningunum. Nauðsynlegt er að öðlast dýpt í skilningi á kenningum innan fræðanna til þess að geta gert faglegar rannsóknir. Áhersla er því lögð á skilning á kenningum og tengingu þeirra við aðferðafræðina, bæði eigindlegar og megindlegar rannsóknir. Nemendur þjálfast í að í að beita vísindalegum aðferðum tengdum rannsóknum á uppeldi og menntun. Þeir eiga að geta metið, tekið afstöðu til og fjallað á gagnrýninn hátt um rannsóknir á uppeldi og menntun.

Þekkingarviðmið

Nemandi skal hafa öðlast þekkingu og skilning á:

sjónarhornum kenninga í uppeldis- og menntunarfræði
megindlegum og eigindlegum rannsóknaraðferðum
aðferðum sem beitt er í rannsóknum innan skólasamfélagsins
sértækum hugtökum uppeldis- og menntunarfræðinnar

Leikniviðmið

Nemandi skal hafa öðlast leikni í að:

tengja saman rannsóknarniðurstöður og kenningar
nýta fræðilegan/vísindalegan texta á íslensku og ensku
beita viðeigandi kenningum á margvísleg viðfangsefni
beita fræðihugtökum á margvísleg viðfangsefni
beita viðeigandi rannsóknaraðferðum á margvísleg viðfangsefni
miðla fræðilegu efni í ræðu og riti

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

sjá uppeldis- og menntunarfræðileg hugðarefni út frá ólíkum kenningarlegum sjónarhornum
vinna úr rannsóknargögnum og leggja mat á rannsóknir í uppeldis- og menntavísindum
leggja mat á hvaða rannsóknaraðferðir henta best við margvíslegar aðstæður og á mismunandi rannsóknarefni
meta eigin frammistöðu og vinnuframlag sem og annarra á gagnrýninn hátt
geta sett fram þekkingu sína í ræðu og riti

Nánari upplýsingar á námskrá.is