Hugvísindabraut

Athugið: Haustið 2023 verður ekki innritað á hugvísindabraut.

Á hugvísindabraut er lögð áhersla á gott almennt nám og þó einkum góða þekkingu á sviði hugvísinda m.a. með íslensku- og tungumálanámi. Brautin býr nemendur undir frekara nám í hugvísindum og á öðrum sviðum fræða og lista. Hægt er að velja um tvær línur; annaðhvort að bæta við 4. máli eða menningarlæsislínu.

Að loknu námi skal nemandi hafa hæfni til að:

• gera sér grein fyrir samfélagslegri ábyrgð sinni
• taka þátt í lýðræðislegri samræðu og samstarfi
• efla eigin sjálfsmynd og nýta styrkleika sína
• beita skapandi hugsun við lausnamiðað nám
• nálgast verkefni á faglegan og sjálfstæðan hátt
• leita fullnægjandi raka fyrir skoðunum sínum og annarra
• nýta sér góða almenna þekkingu á sviði hugvísinda
• beita fræðilegri hugsun og aðferðum við greiningu viðfangsefna
• afla sér upplýsinga, meta þær, vinna úr þeim og túlka þær
• geta nýtt sér þau erlendu tungumál sem hann hefur lagt stund á
• skilja menningu, siði og sögu þeirra erlendu málsamfélaga sem hann hefur lært um
• takast á við frekara nám í hugvísindum og á öðrum sviðum fræða og lista.

Kjarninn skiptist þannig á þrep á hugvísindabraut:
4. máls lína: 56 ein. á 1. þrepi, 68 ein. á 2. þrepi og 33 ein. á 3. þrepi.
Menningarlæsislína: 41 ein. á 1. þrepi, 73 ein. á 2. þrepi og 43 ein. á 3. þrepi. 
Að minnsta kosti 15 einingar í vali verða að vera á 3. þrepi.