FRAN3YF05 - Yndislestur framhald

Yndislestur framhald

Einingafjöldi: 5
Þrep: 3
Forkröfur: FRAN2YN03 eða FRAN2YN05
Áfanginn er svipaður að uppbyggingu og undanfarinn. Nemendur lesa ýmiss konar texta, svo sem skáldsögur, smásögur, ljóð, tímaritsgreinar og fræðsluefni á netinu. Nemendur vinna sjálfstætt með textann hverju sinni og kynna niðurstöður í einkaviðtali við kennara. Einnig gera nemendur skriflegar greinargerðir sem er svo safnað saman og skilað sem vinnubók í lok áfangans. Áfanginn er símatsáfangi sem byggir á munnlegum og skriflegum verkefnum ásamt raunmætingu. Hægt er að velja hann sem 3 eða 5 einingar.

Þekkingarviðmið

Nemandi skal hafa öðlast þekkingu og skilning á:

  • orðaforða texta eins og skáldsagna, smásagna, ljóða, tímarita og kvikmynda
  • menningu og þjóðfélagi frönskumælandi landa

Leikniviðmið

Nemandi skal hafa öðlast leikni í að:

  • lesa margs konar texta og vinna úr þeim á mismunandi hátt
  • greina nokkuð ítarlega frá efni texta sem hann hefur unnið með, bæði munnlega og skriflega
  • taka þátt í samræðum um efnið og setja fram eigin skoðun

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • fjalla á ítarlegan hátt, munnlega og skriflega, um margskonar efni sem hann hefur kynnt sér sjálfstætt og tjá eigin skoðanir
  • geta tjáð sig óundirbúið um efni á tungumálinu á viðeigandi þyngdarstigi.
Nánari upplýsingar á námskrá.is