ÍSLE3BS05 - Bókmenntir síðari alda

Einingafjöldi: 5
Þrep: 3
Forkröfur: ÍSLE3BF05

Í áfanganum er viðfangsefni íslenskar bókmenntir frá 20. öld til nútímans og félagsleg málvísindi, þ.m.t. máltaka barna, íslenskar mállýskur og málsnið mismunandi hópa.

Þekkingarviðmið

Nemandi skal hafa öðlast þekkingu og skilning á:

ritgerðarsmíð
orðaforða sem nægir til að lesa helstu verk íslenskrar bókmenntasögu
helstu bókmenntahugtökum, mismunandi tegundum bókmennta og íslenskum bókmenntum frá síðustu öld til nútímans
ýmsu er varðar mismunandi málnotkun
grundvallaratriðum í máltöku barna
nokkrum félagslegum viðfangsefnum tungumála

Leikniviðmið

Nemandi skal hafa öðlast leikni í að:

skrifa ritgerðir þar sem hann beitir gagnrýninni hugsun við úrvinnslu og kemur efninu á framfæri á skýran og greinargóðan hátt á blæbrigðaríku máli
ganga frá texta og að nýta sér uppbyggilega gagnrýni
skilja og nota viðeigandi stílbrögð, orðatiltæki og menningarlegar vísanir í tal- og ritmáli
nýta sköpunargáfu og sýna sjálfstæði við úrvinnslu verkefna
flytja af öryggi vel uppbyggða kynningu á krefjandi efni
lesa sér til gagns og gamans bókmenntatexta síðari tíma
átta sig á mismunandi málsniði
átta sig á þeim mun sem getur verið á máli mismunandi hópa

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

skrifa skýran og vel uppbyggðan texta og geta valið ritstíl eftir aðstæðum og viðtakendum
beita málinu á viðeigandi og árangursríkan hátt við mismunandi aðstæður
tjá rökstudda afstöðu og taka virkan þátt í málefnalegri umræðu
draga saman aðalatriði, beita gagnrýninni hugsun við lestur, túlkun og úrvinnslu krefjandi texta og geta miðlað því á skýran hátt til samnemenda sinna
átta sig á samfélagslegri skírskotun og ná duldum boðskap og hugmyndum
sýna frumkvæði og sjálfstæði í vinnubrögðum
sýna þroskaða siðferðisvitund, víðsýni, sköpunarhæfni og samlíðan í málflutningi sínum, umfjöllun og verkum

Nánari upplýsingar á námskrá.is