Einingafjöldi: 1
Þrep: 1
Forkröfur: Engar
Í áfanganum er áhersla lögð á að nemendur geri sér grein fyrir námskröfum skólans og aðlagist vel nýju skólastigi og skólaumhverfi. Farið er í skipulagningu á tíma og námi og kynntar eru árangursríkar námsaðferðir sem nemendur eiga að nýta í námi sínu í hinum ýmsu námsgreinum. Áhersla er lögð á að hver og einn átti sig á eigin vinnulagi, styrkleikum og veikleikum í námi og hvernig megi bæta árangur. Áhersla er á hópefli, æfingar og verkefni til að efla einstaklingana og samskipti í bekk.
Þekkingarviðmið
Nemandi skal hafa öðlast þekkingu og skilning á:
- námskröfum skólans
- aðferðum til að skipuleggja tíma og nám
- árangursríkum námsaðferðum
- leiðum til að efla sjálfsmynd og eiga góð samskipti við aðra
Leikniviðmið
Nemandi skal hafa öðlast leikni í að:
- nýta tíma sinn vel og nota námsaðferðir sem skila árangri
- setja sér markmið sem námsmaður og einstaklingur
- eiga góð samskipti við aðra
Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:
- efla styrkleika sína og vinna að því að þeir nýtist sem best
Nánari upplýsingar á námskrá.is