UMHV2UM05 - Umhverfisfræði fyrir félags- og hugvísindadeild

Þessi áfangi er framhaldsáfangi fyrir hug- og félagsvísindadeild og tengir saman grunnáfanga í efnafræði, líffræði og jarðfræði við þverfaglega nálgun að umhverfisfræði. Vakin er athygli á tengslum samfélagsgreina eins og t.d. hagfræði við umhverfisfræðina. Áfanganum er ætlað að dýpka skilning nemenda á samhengi fræða, umhverfis og þeirra eigin lífsstíls. Helstu efnisþættir eru: umhverfi, nær- og fjarumhverfi og landslag jarðar; vistfræði, áhrif mannsins á vistkerfi jarðar; umhverfissiðfræði, sjálfbær þróun og alþjóðleg samvinna; eðlisfræðileg nálgun á eðlisrænum breytingum á umhverfinu, (hiti, straumar, kraftar); vistfræði hafsins, veðurfar, veðrakerfi jarðar; loftslags- og gróðurbelti; orka, orkugjafar, kol, olía, vatnsafl og jarðhiti; skipulagsmál, manngert umhverfi; nýting jarðefna, endurnýjanlegar auðlindir, endurnýting, mengun, sorp, úrgangur og flokkun, vistvænn lífsstíll. Í áfanganum eru fyrrnefndar grunngreinar ásamt eðlisfræði notaðar til að skoða samspil umhverfis og athafna mannsins. Helstu hugtök sem tengjast umræðu um umhverfismál eru kynnt og reynt að byggja upp jákvæð viðhorf til umhverfisins. Mikilvægi þess að nota fræðilegan grunn og hugtök umhverfisfræðinnar sem forsendu að ákvarðanatöku varðandi lífsstíl manna skoðað. Nemendur vinna sjálfstætt og í hópum, lögð verður áhersla á þemavinnu auk þess sem kynntar verða stofnanir og fyrirtæki sem tengjast málefnum og efni áfangans.