SAGA1RS05 - Rokksaga

Einingafjöldi: 5
Þrep: 1
Forkröfur: Engar

Farið er yfir helstu tónlistarstefnur og strauma í alþýðumenningu 20. aldar með inngangi um tónlist frá síðustu öldum. Athuguð eru tengsl við hópamyndanir, þjóðfélagsbreytingar, hnattvæðingu og hvers kyns andóf.

Þekkingarviðmið

Nemandi skal hafa öðlast þekkingu og skilning á:

rótum rokktónlistar í þeim tónlistararfi sem innflytjendur og aðfluttir þrælar fluttu með sér til N-Ameríku
þróun rokktónlistar frá jaðarlistarformi yfir í meginstraum
tengslum þeirrar þróunar við misrétti milli kynþátta Bandaríkjanna
hvernig rokktónlist varð samnefnari við unglingamenningu
hvernig rokktónlistin blandaðist við mismunandi tónlistarstefnur á 7. áratug síðustu aldar og hvernig hún birtist sem málgagn mismunandi samfélagshópa
hvernig frjálslyndi ´68 kynslóðarinnar birtist í rokktónlist í upphafi 8. áratugar 20. aldar
því úr hvaða þjóðfélagsaðstæðum pönkið reis upp
hvernig réttindabarátta ýmissa minnihlutahópa fékk athygli eða var virt að vettugi í mismunandi stefnum og straumum tónlistar
hvernig mismunandi straumar og stefnur í rokktónlist eru lýsandi fyrir ákveðið hugarfar sem hefur verið ráðandi á ákveðnu tímabili og/eða stað
hvaða áhrif ýmsar tækninýjungar höfðu á neyslu og þróun tónlistarsköpunar
togstreitu tónlistarfólks milli þess að skapa list eða neysluvöru

Leikniviðmið

Nemandi skal hafa öðlast leikni í að:

fjalla um tónlist á gagnrýninn hátt
tengja tónlistarstefnur við málefni líðandi stundar
lesa og skilja umfjöllun um tónlist sem félagslegt afl
greina milli mismunandi tónlistarstíla
tjá sig í ræðu og riti um tónlistarstefnur

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

geta hlustað á og greint gagnrýnið hvað mismunandi tónlist stendur fyrir
sýna víðsýni þegar kemur að ólíkum tónlistarstefnum og stílum
afla sér frekari upplýsinga um tónlist, stefnur og strauma og finna leiðir til að koma þeim upplýsingum á framfæri
tjá sig í ræðu og riti

Nánari upplýsingar á námskrá.is