STÆR3FD05 - Algengustu föll, deildun þeirra og helstu eiginleikar

Einingafjöldi: 5
Þrep: 3
Forkröfur: STÆR3VH05
Samskeyting falla. Eintækt, átækt og gagntækt fall. Andhverft fall. Vísisföll, lograföll og vísisvöxtur. Markgildi og samfelld föll. Deildun falla og könnun þeirra

Þekkingarviðmið

Nemandi skal hafa öðlast þekkingu og skilning á:

  • meðhöndlun algengustu falla, s. s. margliða, veldis- og rótarfalla
  • lausnum jafna sérhæfðra falla, s.s. á hornafalla- og lograjöfnum
  • deildun falla, s.s. vísis- og lografalla og samsettra falla
  • hagnýtingu framangreindrar stærðfræði á öðrum sviðum, s.s. í hagfræði, náttúruvísindum, umhverfismálum, tæknifræði, o.s.frv.

Leikniviðmið

Nemandi skal hafa öðlast leikni í að:

  • skeyta saman einföld föll og reikna út andhverfur falla
  • meðhöndla föll sem lýsa vísisvexti og nota logra til að leysa jöfnur og önnur viðfangsefni
  • reikna einföld markgildi og ganga úr skugga um hvort fall af einfaldri gerð sé samfellt og/eða deildanlegt
  • leysa há- og lággildisverkefni og önnur klassísk verkefni sem krefjast notkunar afleiðu, s.s. í sambandi við hraða og hröðun
  • nota skilgreiningu afleiðu til að leiða út formúlur fyrir afleiður falla

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
  • átta sig á tengslum ólíkra aðferða við framsetningu stærðfræðilegra hugmynda og viðfangsefna
  • skilja merkingu og tengsl hugtaka í námsefninu og vinna með þau
  • geta fylgt og skilið röksemdir og röksamhengi í mæltu máli og texta, þar með taldar sannanir í námsefni
  • beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur
Nánari upplýsingar á námskrá.is