Einingafjöldi: 5
Þrep: 3
Forkröfur: ÍSLE2MN05
Í áfanganum velta nemendur fyrir sér menningarheimi barna og unglinga. Fjallað er um upphaf og sögu barnabókmennta, aðallega á Íslandi. Skoðað er hvað einkennir góðar barnabækur og fjallað um gildi þess að börn lesi og lesið sé fyrir þau. Nemendur greina myndasögur, bækur fyrir börn á aldrinum 6-12 ára og unglingabækur. Einnig verður fjallað um ævintýri, fantasíur og sjónvarpsefni fyrir börn. Stefnt er að því að sjá eina barnaleiksýningu meðan á áfanganum stendur. Nemendur vinna margvísleg verkefni í tengslum við efni áfangans. Áfanginn er símatsáfangi.
Þekkingarviðmið
Nemandi skal hafa öðlast þekkingu og skilning á:
- þróunarsögu íslenskra barna- og unglingabóka
- uppbyggingu myndasagna
- sögum sem ætlaðar eru mismunandi aldurshópum
- mikilvægi þess að börn lesi og að lesið sé fyrir þau
- mismunandi tegundum barnabókmennta
- því hvers konar afþreying er í boði fyrir börn
Leikniviðmið
Nemandi skal hafa öðlast leikni í að:
- fjalla af skilningi og þekkingu um barna- og unglingabækur
- átta sig á hvað einkennir góðar barna- og unglingabækur
- fjalla af skilningi og þekkingu um hvers konar afþreyingu sem ætluð er börnum
- nýta sér fræðileg vinnubrögð við úrvinnslu efnis
Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:
- velja á gagnrýninn hátt lesefni handa börnum og unglingum
- meta með gagnrýnum huga barnaefni af ýmsu tagi
- semja efni sem ætlað er börnum
Nánari upplýsingar á námskrá.is