Námsbrautir

Skólinn starfrækir þrjár bóknámsbrautir til stúdentsprófs á sviði félags-, náttúru- og hugvísinda.

• Á félagsvísindabraut er lögð áhersla á almenna þekkingu í félagsvísindum auk þess sem nemendur sérhæfa sig í tveimur sérgreinum félagsvísinda.
• Á hugvísindabraut er hægt að sérhæfa sig í tungumálum, meðal annars 3. og 4. máli eða sleppa 4. máli og leggja þess í stað áherslu á menningarlæsi og umfjöllun um listir.
• Á náttúruvísindabraut er lögð áhersla á þekkingu í stærðfræði og náttúruvísindum.

Lokamarkmið hverrar brautar eru að nemendur:

á félagsvísindabraut	á náttúruvísindabraut	á hugvísindabraut
hafi góða almenna þekkingu á sviði samfélagsgreina	hafi góða almenna þekkingu á sviði stærðfræði, náttúru- og raunvísinda	hafi góða almenna þekkingu á sviði hugvísinda
geti greint einkenni og þróun samfélaga og geri sér grein fyrir mótunaröflum einstaklinga og hópa	séu færir um að beita vísindalegri hugsun og aðferðum við greiningu viðfangsefna, öflun upplýsinga, mælingar, mat, úrvinnslu og túlkun	séu færir um að beita fræðilegri hugsun og aðferðum við greiningu viðfangsefna, öflun upplýsinga, mat, úrvinnslu og túlkun
þekki meginstrauma menningar, trúar, uppeldis, stjórnmála og hagþróunar í fortíð og nútíð	geti fjallað um og tekið þátt í upplýstri umræðu um ýmis mál er tengjast samspili vísinda, tækni og samfélags	hafi náð tilskilinni færni í þeim erlendu tungumálum sem þeir hafa lagt stund á
geti tekið þátt í rökræðum um samfélagsleg efni	geti nýtt kunnáttu sína í náttúru- og raunvísindum í mögulegri framtíðarþróun	séu læsir á menningu og siði viðkomandi málsamfélaga og hafi þekkingu á sögu þeirra
hafi öðlast getu til að lesa og greina rannsóknarniðurstöður	séu vel undirbúnir fyrir frekara nám, einkum í náttúru- og raunvísindum, tæknigreinum og heilbrigðisvísindum.	séu vel undirbúnir fyrir frekara nám í hugvísindum og á öðrum sviðum fræða og lista.
séu vel undirbúnir fyrir frekara nám, einkum í félags- og hugvísindum.