Félagslíf í Kvennaskólanum er mjög öflugt. Nemendafélagið Keðjan stendur fyrir ýmsum viðburðum og skemmtunum fyrir nemendur allan veturinn. Kór skólans er mjög virkur og leikfélagið Fúría setur upp metnaðarfulla sýningu á hverju ári. Þá lætur starfsfólk skólans ekki sitt eftir liggja og starfsmannafélagið Krían stendur fyrir ýmsum viðburðum fyrir starfsfólk ár hvert.