Forvarnastefna

Framtíðarsýn:

Nemandi í Kvennaskólanum í Reykjavík hefur sterka sjálfsmynd, ber ábyrgð á eigin heilsu, forðast að nota áfengi, tóbak eða vímuefni, hugar að næringu, hreyfingu og svefni, hefur heilbrigða sýn á sig sem kynveru og gætir að gagnkvæmri virðingu í samskiptum við annað fólk.

Meginmarkmið:

  • að efla alhliða forvarnir og heilsuvernd
  • að styrkja sjálfsmynd og efla heilbrigðan lífsstíl nemenda
  • að rækta virðingu í samskiptum
  • að vinna gegn neyslu áfengis, tóbaks og annarra vímuefna
  • að vinna gegn óhóflegri tölvu- og símanotkun.

 

Leiðir að markmiðum:

Forvarnafulltrúi og forvarnateymi

Við skólann starfi forvarnafulltrúi sem stýri forvarnateymi sem í eru fulltrúi/fulltrúar frá nemendum, kennurum, stjórnendum og forráðamönnum.

Helstu verkefni forvarnateymis eru að:

  • endurskoða forvarnastefnu skólans
  • hafa eftirlit með að forvarnastefnu skólans sé fylgt
  • vera til ráðgjafar við gerð aðgerðaáætlana um hvernig beri að stuðla að heilbrigðari lífsstíl og forvörnum
  • fylgjast með umræðu um forvarnir og vera í sambandi við aðra aðila sem vinna að sama markmiði
  • standa að fræðslu um forvarnir og heilbrigðan lífsstíl fyrir starfsfólk, nemendur og forráðamenn nemenda
  • miðla upplýsingum til foreldraráðs skólans
  • halda uppi umræðum og fræðslu um forvarnir og heilbrigða lífshætti og koma á framfæri hugmyndum til að efla þann þátt skólastarfsins.

 

Deilimarkmið - skólinn ætti að:

  • senda nemendum skýr skilaboð um afstöðu til áfengis- og vímuefnanotkunar
  • styðja fjölbreytt og vímuefnalaust félagslíf nemenda
  • tengja lífsstílsþætti heilsueflandi framhaldsskóla við forvarnir og standa að forvarnafræðslu fyrir nemendur og starfsmenn skólans
  • stuðla að jafningjafræðslu meðal nemenda
  • virkja foreldraráðið til aðstoðar við forvarnir
  • fræða foreldra um forvarnamál og vera með skýr skilaboð til þeirra um að það sé ekki eðlilegt að nemendur í framhaldsskóla neyti áfengis- eða vímuefna
  • móta skýrar reglur um skólaböll
  • bjóða nemendum þátttöku í edrúpotti
  • skilgreina hlutverk kennara í gæslu á böllum
  • móta skýrar reglur um það hvernig eldri nemendur taka á móti nýnemum
  • móta skýrar reglur um hópferðir nemenda skólans
  • sjá nemendum fyrir viðfangsefnum sem styrkja sjálfsmynd og sjálfsvirðingu
  • fræða starfsfólk og nemendur um einkenni og afleiðingar óhóflegrar tölvu- og símanotkunar
  • styðja og benda á leiðir fyrir nemendur sem vilja losna úr ánauð vímuefna
  • skilgreina tilvísunaraðila innan sem utan skólans vegna fíknar.

Deilimarkmið - nemendafélagið ætti að:

  • vinna að því að stöðva alla drykkju og neyslu annarra vímugjafa í félagslífi á vegum nemendafélagsins
  • stuðla að vímulausum viðburðum innan skólans.

 

Deilimarkmið - foreldrar/forráðamenn ættu að:

  • vinna að forvörnum og eftirliti í takti við stefnu skólans
  • styrkja og skilgreina hlutverk foreldraráðs skólans gagnvart forvörnum
  • fá fræðslu um forvarnir og uppeldi unglinga
  • afnema foreldralaus partý
  • sækja börn sín eftir dansleiki
  • fara í foreldrarölt í tengslum við dansleiki og stærri atburði í félagslífinu.

 

Aðgerðaáætlun forvarnateymisins 2016-2017  

  1. gott eftirlit á dansleikjum 
  • fara eftir verklagsreglur um gæslu á böllum.
  • vera með áfengismælaog bjóða nemendum að blása sem eru grunaðir um ölvun
  • bjóða nemendum þátttöku í edrúpotti með veglegum vinningum
  • passa að fjöldi ballgesta sé ekki mikið fram yfir fjölda nemenda skólans
  • hafa virkt foreldrarölt í vestum frá Go security

2. Vera með forvarnafræðslu til foreldra og nemenda í gegnum facebook síðuna: https://www.facebook.com/Forvarnarfr%C3%A6%C3%B0sla-Kvennask%C3%B3lans-%C3%AD-Reykjav%C3%ADk-1809213416029938/?fref=ts 

3. Reyna að fá góðar fyrirmyndir til að vera með Keðjusnappið í einn dag

4. Foreldrafélagið fjármagni fræðslufyrirlestra um ýmis málefni.