Kvennaskólinn í Reykjavík hefur verið valinn til að vera í fararbroddi við þróun framhaldsskólakerfisins vegna innleiðingar nýrra laga um framhaldsskóla. Unnið hefur verið að endurskoðun námsframboðs skólans undanfarna mánuði og ákveðið er að nám þeirra nemenda sem byrja í skólanum haustið 2009 verði í anda þessara laga.

Til að sjá upplýsingar um nám nemenda sem innrituðust haustið 2008 og fyrr er hægt að smella hér.
 

Nýjar leiðir fyrir nemendur sem innritast fyrir haustið 2009

• Skólinn starfrækir þrjár bóknámsbrautir til stúdentsprófs á sviði félags-, náttúru- og hugvísinda.
• Á félagsvísindabraut er lögð áhersla á almenna þekkingu í félagsvísindum auk þess sem nemendur sérhæfa sig í tveimur sérgreinum félagsvísinda.


• Á hugvísindabraut er hægt að sérhæfa sig í tungumálum, meðal annars 3. og 4. máli eða sleppa 4. máli og leggja þess í stað áherslu á menningarlæsi og umfjöllun um listir.


• Á náttúruvísindabraut er lögð áhersla á þekkingu í stærðfræði og náttúruvísindum.


• Stúdentsprófið verður 200 framhaldsskólaeiningar (fein).


• Skólinn starfar eftir bekkjakerfi.


• Námið er skipulagt þannig að nemendur geta lokið stúdentsprófi á 3-4 árum.


• Kjarninn á hverri braut er 155 fein og valið 45 fein.


• Sveigjanlegur námshraði. Nemendum gefst kostur á að taka valgrein, eina eða fleiri, á hverju námsári. Með því móti geta duglegir nemendur lokið námi á þremur árum. Hinir sem verða lengur, sem nemur önn eða ári, geta tekið minna árlega og bætt við sig valgreinum á fjórða árinu.

Lokamarkmið náms við skólann