Kvennaskólinn í Reykjavík

Frétt

 

Vinátta í Kvennó

08.10.2010

Miðvikudaginn 6. október var upphafsdagur mentorverkefnisins Vináttu.  Um 200 manns, hittust í Uppsölum. Tilefnið var að mynda vinatengsl og gefa háskóla- og framhaldsskólanemendum tækifæri til að tengjast grunnskólabarni og vera góð fyrirmynd.

Mentorverkefnið Vinátta hófst árið 2001 og hefur Velferðarsjóður barna á Íslandi rekið það frá upphafi. Mentorverkefnið er samfélagsverkefni og er eitt meginmarkmið þess að háskóla- og framhaldsskólanemendur vinni að velferð barna og öðlist víðtæka reynslu í samskiptum við börn í gegnum persónuleg tengsl við þau. Þannig vinna mentorar að velferð barna, öðlast reynslu í samskiptum við börn, foreldra og nærumhverfi og bæta við eigin þekkingu og reynslu af samskiptum við ólíka einstaklinga. Í Vináttu eru sambönd mynduð milli einstaklinga sem ekkert þekkjast. Mentorar eru eldri og reyndari en börnin sem þeir taka að sér og allir þátttakendur taka þátt af fúsum og frjálsum vilja. Verkefnið fer þannig fram að mentor og grunnskólabarn á aldrinum 7 til 10 ára hittast reglulega einu sinni í viku yfir sjö mánaða tímabil. Samverustundirnar þurfa ekki að vera úthugsaðar eða skipulagðar heldur er það samveran sem skiptir meginmáli.

Skólaárið 2010-2011 koma 33 mentorar frá Kvennaskólanum í Reykjavík. Nemendur/mentorar í Kvennó eru allir á 3. og 4. ári sínu í skólanum og koma af náttúrufræði- félagsfræða- og málabraut. Þátttaka í verkefninu er metin til eininga og er því hluti af námsferli nemenda. Upphafsdagurinn er skemmtilegur dagur þá hitta börnin mentora sína í fyrsta sinn og í framhaldi af því koma þau til með að hittast einu sinni í viku fram skólaárið 2010-2011 og gera marg skemmtilegt saman.

Meðfylgjandi eru myndir sem teknar voru á sameiginlegum  upphafsdegi mentora á höfuðborgarsvæðinu. Upphafsdagurinn var haldinn í Uppsölum.  Allar nánari upplýsingar um verkefnið er hægt að lesa á /?PageID=56&IdNamsgrein=1063 eða á námskeiðssíðu verkefnisins: www.kvenno.is/vinatta einnig er hægt að senda póst til Bjarkar Þorgeirsdóttur - bjorkth@kvenno.is


    

    

    

    

    

    


Til baka


Aukaval



Leit

Leitarvél
Byggir á LiSA vefumsjónarkerfi frá Eskli