02.09.2010
Norðurlandameistari í stangarstökki
Kvennaskólinn er stoltur af því að hafa í sínum röðum marga frábæra íþróttamenn eins og t.d. Huldu Þorsteinsdóttur sem mun vera Norðurlandameistari í stangarstökki.
Við viljum því með stolti benda á viðtal við Huldu í Morgunblaðinu í gær 1. sept. Nánar
02.09.2010
Jöfnunarstyrkur
Sækir þú nám fjarri lögheimili og fjölskyldu?
Kynntu þér reglur um námsstyrki og leiðbeiningar um skráningu á www.lin.is
Hægt er að skrá umsókn á Innu eða netbankanum!
19.08.2010
Til nemenda í 1. bekk
Í íslensku verða m.a. notaðar þrjár bækur í bókaflokknum Tungutak Nánar16.08.2010
Skólasetning
Kvennaskólinn í Reykjavík verður settur mánudaginn 23. ágúst.Nýnemar eiga að mæta til skólasetningar í Uppsali, Þingholtsstræti 37, kl. 9.
Síðan hitta þeir umsjónarkennara sína og verður dagskrá nýnemadags fram til kl. 13 þennan dag.
Eldri nemendur, 2. - 4. bekkur, eiga að mæta til skólasetningar í Uppsali kl. 14 og hitta síðan umsjónarkennara sína.
Kennsla hefst samkvæmt stundaskrá þriðjudaginn 24. ágúst.
Stundatöflur verða sjáanlegar í Innu frá og með 17. ágúst og bókalisti er hér á heimasíðunni. Nánar
12.08.2010
Skóladagatal
Skóladagatal fyrir skólaárið 2010 til 2011 er komið á vefinn. Nánar
10.08.2010
Bókalistar haustannar 2010
Bókalistar fyrir haustönn 2010 eru komnir inná vefinn. Nánar
30.06.2010
Lokað vegna sumarleyfa 1 júlí - 9 ágúst
Skrifstofa Kvennskólans í Reykjavík verður lokuð vegna sumarleyfa frá og með fimmtudeginum 1. júlí.Opnað verður aftur mánudaginn 9. ágúst.
Skólinn verður settur mánudaginn 23. ágúst skv. nánari auglýsingu síðar.
Bókalistar verða settir á heimasíðuna í síðasta lagi 9. ágúst Nánar
21.06.2010
Innritun nýnema í Kvennaskólann frestur til 25. júní
Umsóknarfrestur um skólavist í framhaldsskólana rann út þann 11.júní s.l.
Nemendur úr 10. bekk fá að vita hvort þeir fá skólavist þann 25.júní í rafræna umsóknarkerfinu á www.menntagatt.is
11.06.2010
Ný skýrsla um erlent samstarf
Ný skýrsla um erlent samstarf Kvennaskólans árið 2009 - 2010 hefur verið birt á vefnum okkar.Sjá "Erlent samstarf" Nánar
31.05.2010
Útskrift stúdenta vorið 2010
Föstudaginn 28. maí var myndarlegur hópur stúdenta útskrifaður frá Kvennaskólanum við hátíðlega athöfn í Hallgrímskirkju.Dúx skólans á stúdentsprófi varð Ólafur Páll Geirsson 4NS með meðaleinkunnina 9,23 og tveir aðrir nemendur, einnig úr 4NS, Nína Aradóttir og Guðmundur Már Gunnarsson hlutu einnig ágætiseinkunn á stúdentsprófi. Nánar
30.05.2010
Skólagjöld fyrir skólaárið 2010-2011
Skólagjöld eru greidd einu sinni á ári.
Innritunargjald 12.000
Skólasjóður 11.000
Nemendafélagsgjald 8.000
Samtals 31.000 Nánar
26.05.2010
Viðtalstímar námsráðgjafa í júní
Dagana 1. – 11. júní verða námsráðgjafar til viðtals kl 9 – 14 í Uppsölum, 2. hæð.
Uppsalir eru gamli Versló á horninu á Hellusundi og Þingholtsstræti.
Viðtöl eru tekin eftir röð en ekki er hægt að bóka sérstaka tíma.
Hvert viðtal er um 15 mín.
18.05.2010
Vinnustofa v/endurtökuprófa í stærðfræði
Vinnustofa verður opin öllum sem þurfa að endurtaka stærðfræðipróf:
miðvikudaginn. 26. maí kl. 13-15
fimmtudaginn 27. maí kl. 13-15
Nánar
18.05.2010
Einkunnaafhending og prófsýning
Einkunnaafhending verður í Uppsölum þriðjudaginn 25. maí kl. 9:00. Að lokinni einkunnaafhendingu verða kennarar með prófsýningu. Nánar10.05.2010
Hjólað í vinnuna - Góð þátttaka í Kvennaskólanum
Dagana 5. til 25. maí stendur yfir Hjólað í vinnuna á vegum Íþrótta- og Olympíusambands Íslands. Starfsfólk Kvennaskólans lætur ekki sitt eftir liggja og sendir hvorki meira né minna en þrjú lið til keppni. Sem stendur er Kvennaskólinn búinn að hjóla samtals langleiðina til Akureyrar og er í 24. sæti í keppni vinnustaða með starfsmenn á bilinu 30-69. Hægt er að fylgjast með keppninni á www.hjoladivinnuna.is.
Nánar04.05.2010
Heimsókn í Læknagarð
Fimmtudaginn 29. apríl fór Þórður eðlisfræðikennari með 4NS í heimsókn í Læknagarð þar sem kennarar í lífeðlisfræði við H.Í. þeir Sighvatur Sævar, Þór og Jóhann tóku á móti hópnum. Þeir sýndu þeim ýmis tæki og gerðu á þeim ýmsar mælingar. T.d. voru tekin hjartalínurit og lygapróf auk þessa sem Krukkuborg var skoðuð, þar sem ýmsir líkamshlutar manna eru geymdir. Hafði hópurinn gagn og gaman af. Meðfylgjandi myndir voru teknar í heimsókninni. Nánar30.04.2010
Dimission
Í dag kvöddu nemendur í 4. bekk skólann sinn og kennara. Í Uppsölum var mikil dagskrá þar sem útskriftarnemendur fluttu skemmtiatriði í litríkum búningum við góðar undirtektir.
Nokkrar myndir frá skemmtuninni má sjá með því að smella hér.
27.04.2010
Dimission föstudag
Dimission 4. bekkinga verður föstudaginn 30. apríl í Uppsölum. Þá munu útskriftarefnin kveðja kennara sína, starfsfólk skólans og yngri nemendur. Athöfnin hefst kl. 10:30 og hringt verður aftur inn til kennslu kl. 12:15. Nánar27.04.2010
Vortónleikar Kórs Kvennaskólans í Reykjavík
Vortónleikar Kórs Kvennaskólans í Reykjavík verða haldnir fimmtudagskvöldið 29. apríl kl. 20:00 í Fríkirkjunni í Reykjavík.
Frábær söngskrá í boði.
Aðgangur ókeypis.
Kaffisala í mötuneyti Kvennaskólans eftir tónleikana.
Nánar
23.04.2010
Íþróttaskóli ársins og Peysufatadagur - Myndir
Miðvikudaginn 21. apríl var Peysufatadagur Kvennaskólans, en það eru nemendur í þriðja bekk sem taka þátt í honum. Við það tækifæri afhenti menntamálaráðherra, Katrín Jakobsdóttir, nemendum verðlaunabikar vegna þess að skólinn er Íþróttaskóli ársins 2010 á meðal framhaldsskóla. Á meðfylgjandi mynd eru Ingibjörg Guðmundsdóttir skólameistari, Katrín Jakobsdóttir menntamálaráðherra og Ragnheiður Eyjólfsdóttir formaður íþróttanefndar Kvennaskólans sem tók á móti bikarnum fyrir hönd skólans.Myndir frá Peysufatadeginum eru á heimasíðu skólans og það er hægt að skoða þær með því að smella hér.
Nánar
21.04.2010
Peysufatadagur og Íþróttaskóli ársins 2010
Peysufatadagur 3. bekkinga er miðvikudaginn 21. apríl, síðasta vetrardag.
Dagskráin er í aðalatriðum þessi:
7:50 Mæting fyrir utan Kvennaskólann til að taka rútu.
8:00 Morgunmatur í boði Sambands ungra sjálfstæðismanna.
9:15 Dansað fyrir utan menntamálaráðuneytið.
10:00 Dansað á Ingólfstorgi.
11:15 Komið að Kvennaskólanum og dansað og sungið.
Menntamálaráðherra, Katrín Jakobsdóttir, kemur og afhendir nemendum verðlaunabikar vegna þess að skólinn er Íþróttaskóli ársins 2010 á meðal framhaldsskóla. Nánar
20.04.2010
Umsóknarfrestur framlengdur
Umsóknafrestur fyrir skólavist næsta vetur hefur verið framlengdur. Síðasti dagur til að sækja um í framhaldsskóla veturinn 2010 - 2011 er miðvikudagurinn 21. apríl. Nánar17.04.2010
Kosningaúrslit
Í gær fóru fram kosningar í nefndir og helstu embætti Keðjunnar, nemendafélags Kvennaskólans.
Helstu úrslit urðu sem hér segir:
Formaður var kjörinn Sindri Már Hjartarson (ekki munaði miklu á honum og mótframbjóðandanum Þorbjörgu Ástu Leifsdóttur).
Gjaldkeri Keðjunnar: Ragnheiður Eyjólfsdóttir.
Formaður skemmtinefndar: Ari Freyr Ísfeld.
Formaður listanefndar: Birta Rós Brynjólfsdóttir.
Formaður Fúríu: Vala Björg Valsdóttir.
Formaður ritnefndar: Halla Einarsdóttir.
Formaður Loka: Óttar Hrafn Kjartansson.
16.04.2010
Góður árangur í þýsku
Í mars var hin árlega Þýskuþraut haldin í framhaldsskólum landsins og tóku sex nemendur úr Kvennaskólanum í Reykjavík þátt. Tvö þeirra voru meðal 20 efstu, þau Heimir Örn Guðnason í 3. T og Olga Sigurðardóttir í 3. NÞ. Þau fengu bæði verðlaun frá Þýska sendiráðinu fyrir góðan árangur. Þess má geta að Heimir Örn hefur þrisvar sinnum tekið þátt og alltaf komist í eitt af 20 efstu sætunum. Nánar14.04.2010
Innritun í Kvennaskólann í Reykjavík vorið 2010
Innritun 10. bekkinga (fæðingarár 1994 eða síðar) fer fram í gegnum www.menntagatt.is dagana 12.-16. apríl og síðan er hægt að endurskoða innritunina dagana 7.-11. júní 2010.Innritun þeirra sem eru fæddir 1993 eða fyrr fer fram í gegnum www.menntagatt.is dagana 20. apríl - 31. maí. Nánar
14.04.2010
Njáluferð aflýst
Vegna nýhafins eldgoss í Eyjafjallajökli og meðfylgjandi vatnavaxta hefur Njáluslóðum verið lokað. Það þýðir að Njáluferð 2. bekkjar, sem fyrirhuguð var í dag, fellur niður. Kennsla í 2. bekk er því samkvæmt stundaskrá í dag.
Nánar08.04.2010
Vel sótt opið hús
Í dag var opið hús í Kvennaskólanum fyrir nemendur í 10. bekk og aðstandendur þeirra. Húsnæði skólans var til sýnis ásamt kennslugögnum og ýmsu öðru. Þá sátu kennarar og annað starfsfólk ásamt nemendum fyrir svörum og kynntu námið og félagslífið.
Mikil aðsókn var og er öllum þeim sem heiðruðu skólann með heimsókn sinni í dag þökkuð koman.
05.04.2010
Opið hús í Kvennaskólanum
Opið hús fyrir 10. bekkinga og foreldra þeirra verður í Kvennaskólanum fimmtudaginn 8. apríl frá kl. 17:30-19:30.Kynnt verður námsframboð skólans, þróunarstarfið við innleiðingu nýrra laga um framhaldsskóla og gestir geta skoðað húsnæðið. Námsráðgjafar verða til viðtals og kennarar munu sýna tæki og kennslugögn, nemendur verða með kynningu á félagslífinu, bókasafnið verður opið og ýmislegt fleira verður í boði.
Nemendur í 10. bekk og forráðamenn þeirra eru hvattir til að heimsækja okkur. Verið velkomin!
Nánar
26.03.2010
Páskaleyfi
Föstudagurinn 26. mars er síðasti kennsludagur fyrir páskaleyfi. Kennsla hefst aftur miðvikudaginn 7. apríl skv. stundaskrá. Skrifstofan verður opnuð aftur þriðjudaginn 6. apríl kl. 8:10
Skólinn óskar nemendum og starfsmönnum sínum ánægjulegs og endurnærandi páskaleyfis.
23.03.2010
Myndir frá Tjarnardögunum
Á myndasíðu www.kvenno.is er komin syrpa af myndum frá Tjarnardögunum. Hægt er að fara á síðuna með því að smella hér. Nánar22.03.2010
Góð frammistaða í Allons en France
Laugardaginn 20. mars var haldin keppni fyrir nemendur í frönsku í framhaldsskólum. Það var franska sendiráðið á Íslandi sem stóð fyrir keppninni sem nefnist Allons en France. Kvennaskólinn átti tvo glæsilega fulltrúa sem stóðu sig með mikilli prýði: Árný Björk Björnsdóttir og Grímur Gunnarsson, bæði í 4T, fluttu hvort fyrir sig, frumsamið ljóð og lag. Grímur var hársbreidd frá sigri í keppninni en varð að sætta sig við 2. sætið þegar upp var staðið. Bæði fengu þau viðurkenningu úr hendi sendiherra Frakklands á Íslandi, frú Caroline Dumas. Nánar
16.03.2010
1H og 2T í Danmörku
Síðastliðinn laugardag hélt fríður hópur nemenda Kvennaskólans ásamt kennurum í ferðalag til Danmerkur. Þar dvelur hópurinn í viku hjá dönskum gestgjöfum sínum í Sönderborg. Ferðalangarnir eru væntanlegir heim aftur í lok þessarar viku. Nánar11.03.2010
Fúría sýnir Kvennó Eddu
Fúría, leikfélag Kvennaskólans, frumsýnir Kvennó Eddu eftir Árna Kristjánsson.
Leikstjórn er í höndum Árna Kristjánssonar og Bryndísar Óskar Þ. Ingvarsdóttur.
Kvennó Edda er tilfinningarík og sprenghlægileg sýning sem tekst á við norræna goðafræði með söng, dansi og dauðsföllum. Inn í söguna fléttast sögur af ásum, einherjum, þursum og dvergum.
Sýnt verður í Uppsölum Kvennaskólans (Þingholtsstræti 37)
Miðapantanir eru í síma: 821-3775 og á leikfelagidfuria@gmail.com
Miðaverð eru 1500 kr. (1000 kr. fyrir nemendur Kvennaskólans og meðlimi Fífl)
Sýningar:
13.mars kl. 20.00 (laugardagur) Frumsýning
16.mars kl. 20.00 (þriðjudagur) 2 sýning
18.mars kl. 20.00 (fimmtudagur) 3. sýning
20.mars kl. 18.00 (laugardagur) 4. sýning
20.mars kl. 22.00 (Jötunsýning (power)) 5. sýning
21.mars kl. 20.00 (sunnudagur) 6.sýning
23.mars kl. 20.00 7. sýning
24.mars kl. 20.00 Lokasýning
Nánar09.03.2010
Samfélagsábyrgð á Tjarnardögum
Það er nóg um að vera hjá Kvennó þessa vikuna en í dag hefjast Tjarnardagar. Á Tjarnardögum fellur hið hefðbundna skólastarf niður og boðið er uppá ýmis konar námskeið og fræðslu.Enn öflugri Tjarnardagar
Í ár var ákveðið að gera Tjarnardaga enn öflugri og tengja þá samfélagsverkefnum af ýmsum toga. Á síðustu vikum, eftir að hafa dregið félagasamtök úr hatti, hafa bekkir skólans (alls 24) unnið með félaga- og góðgerðasamtökum á Íslandi.
Í dag fáum við að sjá afrakstur þeirrar vinnu með fjölbreyttum uppákomum um allan bæ – og jafnvel víðar! Nánar
08.03.2010
Forval
Þriðjudaginn 9. mars eiga nemendur að vera búnir að skila útfylltum blöðum vegna forvals fyrir næsta vetur. Hægt er að kynna sér þá áfanga sem eru á valblöðunum á heimasíðu skólans sem hér segir:
1. bekkur:
Nýir áfangar eru undir Í deiglunni í Nýir áfangar 1. bekkur
Aðrir áfangar eru á Námið - Nýtt - Námsgreinar
2. og 3. bekkur:
Nýir áfangar eru undir Í deiglunni í Nýir áfangar 2.-3. bekkur
Aðrir áfangar eru á Námið - Námsgreinar
Kennarar verða með kynningu á áföngunum þriðjudaginn 9. mars kl. 9-10 í stofum N2-N4.
Nánar06.03.2010
Úr leik í Gettu betur
Lið Kvennaskólans í Gettu betur laut í lægra haldi fyrir liði MR í 8-liða úrslitum keppninnar í kvöld. Bjarni, Jörgen Már og Bjarki Freyr stóðu sig með sóma en urðu að lokum að játa sig sigraða. Lokastaða viðureignarinnar varð 22 stig gegn 37.
Nánar06.03.2010
Gettu betur
Í kvöld keppir Kvennaskólinn við MR í 8-liða úrslitum Gettu betur. Viðureignin hefst kl. 20.10 og er í beinni útsendingu í Sjónvarpinu.
Nánar05.03.2010
Parísarferð
Í morgun lögðu nemendur í frönsku 473 af stað í ferðalag til Parísar ásamt tveimur kennurum. Ætlunin er að njóta franskrar menningar og þess sem París hefur upp á að bjóða. Hópurinn kemur aftur heim á mánudag.
Hægt er að fylgjast með hópnum á eftirfarandi blogg-síðu: http://fra473paris.blogspot.com/
04.03.2010
Örnámskeið í stjórnun prófkvíða
Kæri nemandi. Ef þú átt það til að vera kvíðin(n) fyrir próf, eða í prófi þá er tími til kominn að vinna í málinu. Við erum tilbúnar að aðstoða og ætlum að halda stutt námskeið í stjórnun prófkvíða.Tími: 11:30 – 12:00 á fimmtudögum
Alls 4 skipti: 18. og 25. mars og 8. og 15. apríl
Staður: Viðtalsherbergi Ingveldar á 2. hæð til hægri í Uppsölum
Þeir nemendur sem hugsa sér að sækja um lengri próftíma vegna prófkvíða eru skyldugir til að taka þátt í námskeiðinu.
Skráning fer fram á aðalskrifstofu Kvennaskólans, Fríkirkjuvegi 9 og hjá Ingveldi í Uppsölum.
Hildigunnur og Ingveldur,
námsráðgjafar
Nánar
03.03.2010
Íþróttavakning
Í tilefni Íþróttavakningar í framhaldsskólum tóku Kvennaskólinn og MR sig til og gengu hring um Tjörnina kl. 11.00. Meðfylgjandi myndir voru teknar við þetta tækifæri. Nánar18.02.2010
Háskóladagurinn 2010
Laugardaginn 20. febrúar kl. 11.00-16.00 verður hinn árlegi Háskóladagur. Þetta er kjörið tækifæri til að kynna sér hvað skólar á háskólastigi á Íslandi og Norðurlöndunum hafa upp á að bjóða.
Kynningarnar verða sem hér segir:
Háskólatorg:
Háskóli Íslands
Ráðhús Reykjavíkur:
Háskólinn á Akureyri – Háskólinn á Bifröst – Háskólinn á Hólum - Háskólinn í Reykjavík – Landbúnaðarháskóli Íslands – Listaháskóli Íslands
Norræna húsið:
Norrænir háskólar
Nánari upplýsingar um háskóladaginn er að finna á www.haskoladagurinn.is.
Nánar17.02.2010
Kvennaskólanum boðið á tónleika
Sinfóníuhljómsveit Íslands býður nemendum og kennurum Kvennaskólans í Reykjavík á tónleika föstudaginn 19. febrúar kl. 10:30, í Háskólabíói.Á tónleikunum mun einn efnilegasti ungi hljóðfæraleikari landsins, Sæunn Þorsteinsdóttir, leika hinn víðfræga sellókonsert eftir Antonín Dvorák.
Sæunn Þorsteinsdóttir er fædd í Reykjavík en stundaði sellónám í Bandaríkjunum og lauk nýverið meistaragráðu frá Juilliard-tónlistarháskólanum í New York. Nánar
17.02.2010
Rymja - Söngvakeppni Kvennaskólans í Reykjavík
Söngvakeppni Kvennaskólans var haldin í Íslensku Óperunni föstudaginn 12. febrúar. Keppnin var með eindæmum glæsileg og voru keppendur hver öðrum betri. Umgjörð keppninnar var til fyrirmyndar og má þar nefna sem dæmi kynnana Óla og Ernu sem fóru á kostum, einnig voru myndbönd af keppendum sýnd fyrir hvert atriði. Nánar11.02.2010
Örnámskeið í skipulagningu og góðum vinnubrögðum
Áttu það til að fresta hlutunum óhóflega?
Þarftu að hressa upp á minnið?
Gleymirðu því sem þú lest?
Eru námsgögnin stundum í óreiðu?
Við erum tilbúnar að aðstoða þig við að koma lagi á hlutina og bjóðum upp á stutt námskeið í skipulagningu tíma, náms og vinnubrögðum sem skila árangri.
Hvert námskeið er 4 skipti.
Mánudagar 22. febrúar, 1., 8. og 15 mars
Tími: 11:30 – 12:00 á mánudögum
Staður: Viðtalsherbergi Ingveldar á 2. hæð til hægri í Uppsölum
Skráning fer fram á aðalskrifstofu Kvennaskólans, Fríkirkjuvegi 9 eða hjá Ingveldi i Uppsölum.
Hildigunnur og Ingveldur
námsráðgjafar
10.02.2010
Rymja á föstudag
Rymja, hin árlega söngkeppni Keðjunnar, fer fram í Íslensku Óperunni föstudaginn 12. febrúar. Húsið opnar klukkan 19:30 og keppnin hefst stundvíslega klukkan 20:00.
Um 15 nemendur taka þátt að þessu sinni og um undirleik sér hljómsveit hússins, Svitabandið.
Nánari upplýsingar er að finna á heimasíðu Keðjunnar.
28.01.2010
Foreldraráð Kvennaskólans stofnað
Dræm aðsókn var að stofnfundi Foreldraráðs Kvennaskólans í Reykjavík sem haldinn var í gær. Einungis 5 foreldrar mættu. Kosin var 5 manna stjórn sem hefur það verkefni að búa til starfsreglur foreldraráðs og undirbúa fyrsta aðalfund. Stjórnina skipa: Anna Kristín Kristinsdóttir, Dóra Hafsteinsdóttir, Ragnheiður Hansen, Steinunn Björk Eggertsdóttir og Vilborg Anna Árnadóttir. Ragnheiður Hansen verður áheyrnarfulltrúi í skólanefnd. Nánar26.01.2010
Jöfnunarstyrkur
Sækir þú nám fjarri lögheimili og fjölskyldu? Kynntu þér reglur um námsstyrki og leiðbeiningar um skráningu á www.lin.is Hægt er að skrá umsókn á Innu eða netbankanum! Umsóknarfrestur vegna vorannar 2010 er til 15. febrúar næstkomandi!Lánasjóður íslenskra námsmanna Námsstyrkjanefnd
Nánar
25.01.2010
Stofnfundur foreldraráðs
Boðað er til stofnfundar foreldraráðs Kvennaskólans í Reykjavík miðvikudaginn 27. janúar kl. 18.
Fundurinn verður haldinn í Kvennaskólanum að Fríkirkjuvegi 9.
Dagskrá:
1. Skólameistari setur fundinn og fjallar um ákvæði laga um foreldraráð
2. Kosning stjórnar sem situr fram að fyrsta aðalfundi foreldraráðs og hefur það aðalverkefni að búa til starfsreglur foreldraráðs og undirbúa fyrsta aðalfund
3. Tilnefning áreyrnarfulltrúa í skólanefnd
4. Önnur mál
Til fundarins er boðað skv. 50. grein laga nr. 92/2008 um framhaldsskóla. Nánar
23.01.2010
Liðsauki í náms- og starfsráðgjöf
Malla Rós Ólafsdóttir, nemi í náms- og starfsráðgjöf við Félags- og mannvísindadeild HÍ, verður í starfsþjálfun í Kvennaskólanum á vorönn 2010. Hún mun starfa með námsráðgjöfum skólans og taka virkan þátt í þeirri þjónustu sem náms- og starfsráðgjöfin hefur upp á að bjóða. Malla Rós, sem útskrifaðist frá Kvennaskólanum vorið 2006, er boðin innilega velkomin til starfa. Nánar22.01.2010
Nýr kynningarbæklingur
Út er kominn nýr kynningarbæklingur fyrir Kvennaskólann. Hægt er að sjá bæklinginn í PDF-útgáfu með því að smella hér, eða velja Í deiglunni-Skólakynning af valrönd hægra megin á forsíðu. Nánar21.01.2010
Kvennaskólinn kominn í 8-liða úrslit
Í gærkvöldi komst lið Kvennaskólans í þriðju umferð Gettu betur með því að vinna öruggan sigur á Verkmenntaskóla Austurlands. Lið Kvennaskólans er því komið í 8-liða úrslit í sjónvarpinu. Nánar19.01.2010
Sigur í Gettu betur
Í gærkvöldi komst lið Kvennaskólans í aðra umferð Gettu betur með því að vinna öruggan sigur á FVA í fyrstu umferð. Í annarri umferð mætir lið Kvennaskólans liði Verkmenntaskóla Austurlands og fá Kvenskælingar lítið frí því viðureignin fer fram miðvikudaginn 20. janúar kl. 20.00.Nánar
18.01.2010
Nemendur lögðu kennara
Í hádeginu í dag áttust við í spurningakeppni lið kennara og Gettu betur lið nemenda. Keppnin var liður í undirbúningi nemenda fyrir átökin í Gettu betur en í kvöld mætir Kvennaskólinn liði FVA í útvarpshúsinu við Efstaleiti kl. 20.00. Lið kennara var skipað Jóhönnu, Ásdísi Ingólfs og Ragnari en lið nemenda var skipað Jörgen, Bjarka og Bjarna. Eftir spennandi viðureign höfðu nemendur betur og unnu 24-18 sigur á kennurunum. Nánar02.01.2010
Upphaf vorannar
Nú geta nemendur séð stundatöflu sína í Innu.1. bekkingar eiga að mæta í skólann á mánudaginn, þann 4. janúar skv. stundaskrá, en kennsla nemenda í 2., 3. og 4. bekk hefst miðvikudaginn 6. janúar. Nánar
18.12.2009
Gleðilega hátíð
Kvennaskólinn óskar öllum gleðilegra jóla og farsældar á komandi ári!Í 1. bekk hefst kennsla á vorönn samkvæmt stundaskrá mánudaginn 4. janúar. Í 2.-4. bekk hefst kennsla samkvæmt stundaskrá miðvikudaginn 6. janúar. Stundatöflur verða aðgengilegar í Innu nokkru áður, vonandi á milli jóla og nýárs. Sett verður sérstök frétt á heimasíðuna til að tilkynna það, þegar þar að kemur. Nánar
15.12.2009
Einkunnaafhending og prófsýning
Föstudaginn 18. desember kl. 9.00 verður einkunnaafhending í Uppsölum fyrir haustönnina og strax að henni lokinni er prófsýning. Nánar07.12.2009
Óperusöngvari í þýskutíma
Á dögunum kom Bjarni Thor Kristinsson óperusöngvari og ræddi við nemendur í þýsku 503 á þýsku. Umræðuefnið var „Íslenskur námsmaður í þýskumælandi landi”. Fjallaði Bjarni m.a. um það hvernig þýskunámið í íslenskum framhaldsskóla nýttist honum í námi og starfi. Var heimsókn hans einstaklega ánægjuleg viðbót við þýskunámið. Nánar30.11.2009
Sigur í Morfís
Ræðulið Kvennaskólans mætti liði Flensborgarskólans úr Hafnarfirði í 16-liða úrslitum Morfís þann 25. nóvember síðastliðinn og fór með glæstan og öruggan sigur af hólmi. Keppnin fór fram í Uppsölum og hlaut lið Kvennaskólans 1472 stig á meðan Flensborgarskólinn fékk 931. Lið Kvennaskólans var skipað eftirfarandi:Liðsstjóri: Oddur Ævar Gunnarsson, 1.F
Frummælandi: Helgi Guðmundur Ásmundsson, 3.NL
Meðmælandi: Óli Björn Karlsson, 4.FS
Stuðningsmaður: Baldur Eiríksson, 4.FU
Baldur Eiríksson var valinn ræðumaður kvöldsins, en hann fékk 594 stig.
Nánar
09.11.2009
Útsýnið úr Kvennó
Á góðviðrisdögum njóta Kvenskælingar óviðjafnanlegs útsýnis frá aðalbyggingu skólans við Fríkirkjuveg 9. Meðfylgjandi myndir eru dæmi um þetta og sýna Tjörnina spegilslétta góðviðrisdag einn fyrir stuttu síðan. Nánar03.11.2009
Epladagur
Fimmtudaginn 5. nóvember er hinn hefðbundni Epladagur í Kvennaskólanum. Kennsla fellur niður frá kl. 12.00 og um kvöldið er dansleikur á Broadway. Leyfi er fyrstu tvo tímana föstudaginn 6. nóvember og hefst því kennsla kl. 10.30 þann daginn. Nánar30.10.2009
Svínaflensa - Viðbragðsáætlun
Svínaflensan virðist vera að herja á nokkra hér í skólanum. Gerð hefur verið viðbragðsáætlun sem notuð verður ef um mikinn faraldur verður að ræða. Hægt er að skoða áætlunina með því að smella hér. Starfsfólk, nemendur og foreldrar eru hvattir til að lesa viðbragðsáætlunina vel og reyna að forðast smit eins og unnt er. Fimm leiðir til þess koma fram á meðfylgjandi mynd (hægt er að sjá stærri útgáfu af myndinni með því að smella hér).
Mikilvægt er að foreldrar tilkynni veikindi nemenda til skólans en ekki er krafist læknisvottorðs.
Nánar27.10.2009
Miðannarmat 1. og 2. bekkjar
Nemendur 1. og 2. bekkjar og forráðamenn þeirra geta nú séð miðannarmatið í Innu. Miðannarmatinu er ætlað að gefa upplýsingar um stöðu nemenda í náminu á miðri önn. Þrenns konar umsagnir eru gefnar: G = gott, V = viðunandi og Ó = óviðunandi. Nánar26.10.2009
Morgunverður í þýskutíma
Á dögunum var morgunverður í þýsku 503 en sú skemmtilega venja hefur skapast í áfanganum að hópurinn ásamt kennara hefur borðað morgunverð um miðbik annarinnar. Er þá reynt að líkja sem mest eftir þýskum venjum. Borið er fram nýbakað brauð og rúnnstykki ásamt tilheyrandi áleggi, svo sem skinku, spægipylsu, ostum og sultu eða marmelaði. Vekur þetta jafnan mikla kátínu meðal nemenda. Nánar26.10.2009
Próftafla jólaprófa komin
Búið er að birta próftöflu jólaprófa. Hægt er að sjá hana með því að velja Próftöflu hér hægra megin á heimasíðunni (undir Í deiglunni). Nánar22.10.2009
Örnámskeið í stjórnun prófkvíða
Kæri nemandi. Ef þú átt það til að vera kvíðin(n) fyrir próf, eða í prófi þá er tími til kominn að vinna í málinu. Við erum tilbúnar að aðstoða og ætlum að halda stutt námskeið í stjórnun prófkvíða.Tími: 11:30 – 12:00 á miðvikudögum
Alls 3 skipti: 4., 11. og 18. nóvember
Staður: Viðtalsherbergi Ingveldar á 2. hæð til hægri í Uppsölum
Þeir nemendur sem hugsa sér að sækja um lengri próftíma vegna prófkvíða eru skyldugir til að taka þátt í námskeiðinu.
Skráning fer fram á aðalskrifstofu Kvennaskólans, Fríkirkjuvegi 9 og hjá Ingveldi.
Hildigunnur og Ingveldur
námsráðgjafar
Nánar
21.10.2009
Eyþór fær silfurverðlaun á Evrópumóti
Eyþór Þrastarson, nemandi í 3FUS, er að gera það gott á Evrópumóti fatlaðra í sundi sem fram fer þessa dagana í Reykjavík. Hann fékk silfurverðlaun í gær í 400 metra skriðsundi í flokki blindra og í morgun bætti hann 13 ára gamalt Íslandsmet í 50 metra skriðsundi. Nánar14.10.2009
Haustfrí
Fimmtudaginn 15. október og föstudaginn 16. október er haustfrí í Kvennaskólanum. Kennsla hefst að nýju samkvæmt stundaskrá mánudaginn 19. október. Nánar12.10.2009
Vinátta skólaárið 2009-2010 hafin!
Í mentorverkefninu Vináttu gefst háskóla- og framhaldsskólanemum þar á meðal nemendum í Kvennaskólanum í Reykjavík tækifæri til að tengjast grunnskólabarni og vera góð fyrirmynd.Mentorverkefnið er samfélagsverkefni og er eitt meginmarkmið þess að háskóla- og framhaldsskólanemendur vinni að velferð barna og öðlist víðtæka reynslu í samskiptum við börn í gegnum persónuleg tengsl við þau. Þannig vinna mentorar að velferð barna, öðlast reynslu í samskiptum við börn, foreldra og nærumhverfi og bæta við eigin þekkingu og reynslu af samskiptum við ólíka einstaklinga. Nánar
06.10.2009
Myndir úr Þórsmerkurferð
Í síðustu viku fóru nemendur í 1. bekk í tveggja daga ferð í Bása í Goðalandi (við Þórsmörk). Nokkrar myndir voru teknar í ferðinni og er hægt að skoða þær með því að smella hér eða með því að velja Myndir á heimasíðunni. Nánar04.10.2009
Undirritun samninga um þróunarstarf
Kvennaskólinn í Reykjavík, Kennarasamband Íslands, Menntamálaráðuneytið og Fjármálaráðuneytið undirrituðu nýlega samkomulag vegna tilraunar með breytt kennslufyrirkomulag í Kvennaskólanum. Meginmarkmiðið er að innleiða kennslu samkvæmt nýjum framhaldsskólalögum nr. 92/2008 með sveigjanlegum þriggja til fjögurra ára námstíma. Í framhaldinu var gert samkomulag í samstarfsnefnd kennara og stjórnenda Kvennaskólans um álagsgreiðslur vegna þróunarvinnunnar. Nánar01.10.2009
Hann á afmæli í dag!
Framan á byggingu Kvennaskólans í Reykjavík að Fríkirkjuvegi 9 stendur ártalið 1909. 1. október 2009 eru 100 ár liðin frá því núverandi húsnæði Kvennaskólans í Reykjavík við Fríkirkjuveg var tekið í notkun.
Ekki er nóg með að húsið við Fríkirkjuveg eigi afmæli heldur er þetta líka afmælisdagur skólans sjálfs því það var þennan dag fyrir 135 árum sem hjónin Þóra og Páll Melsteð hófu skólastarf í nýstofnuðum Kvennaskólanum og var hann til húsa við Austurvöll fyrstu árin.
Mikið vatn hefur runnið til sjávar síðan þá og skólinn tekið miklum breytingum í áranna rás, frá því að vera virtur skóli sem menntaði stúlkur til munns og handa til þess að vera það sem hann er í dag, vinsæll og virtur menntaskóli fyrir bæði kynin.
28.09.2009
Söngsalur
Í dag var söngsalur í Kvennaskólanum og var tilefnið Evrópski tungumáladagurinn sem var laugardaginn 26. september. Safnast var saman á sal rétt fyrir hádegi og sungu nemendur og kennarar lög á ýmsum tungumálum undir styrkri stjórn Erlu Elínar Hansdóttur og Margrétar Helgu Hjartardóttur, við undirleik Harðar Áskelssonar. Nánar24.09.2009
Örnámskeið í skipulagningu og góðum vinnubrögðum
Áttu það til að fresta hlutunum óhóflega?
Þarftu að hressa upp á minnið?
Gleymirðu því sem þú lest?
Eru námsgögnin stundum í óreiðu?
Við erum tilbúnar að aðstoða þig við að koma lagi á hlutina og bjóðum upp á stutt námskeið í skipulagningu tíma, náms og vinnubrögðum sem skila árangri.
Hvert námskeið er 4 skipti. Hægt er að velja um að vera annað hvort á mánudögum eða föstudögum.
Mánudagar 5., 12., 19. og 26. október
Föstudagar: 2., 9., 23 og 30 október
Tími: 11:30 – 12:00 á mánudögum eða föstudögum
Staður: Viðtalsherbergi Ingveldar á 2. hæð til hægri í Uppsölum
Skráning fer fram á aðalskrifstofu Kvennaskólans, Fríkirkjuvegi 9 eða hjá Ingveldi i Uppsölum.
Hildigunnur og Ingveldur
námsráðgjafar
22.09.2009
Verðandi kennarar í starfsnámi í Kvennaskólanum
Undanfarin ár hefur Kvennaskólinn verið í samstarfi við HÍ um þjálfun kennaranema. Auk kennsluæfinga eru vikulegir fræðslufundir þar sem nemunum er gefin innsýn í hinar margvíslegu hliðar skólastarfsins. Kennslugreinar nemanna í ár eru félagsfræði, saga og íslenska. Leiðsagnarkennarar þeirra eru Björk Þorgeirsdóttir, Ragnar Sigurðsson, Sigrún Halla Guðnadóttir og Sólveig Einarsdóttir. Verkefnisstjóri er Ingveldur Sveinbjörnsdóttir. Nánar22.09.2009
Heimsókn frá Sönderborg Statsskole
Þessa viku verða 26 nemendur og tveir kennarar frá Sönderborg Statsskole í heimsókn hjá okkur. 3.T. hefur veg og vanda að heimsókninni en þau heimsóttu Sönderborg í mars síðastliðnum. Dönsku gestirnir komu til landins í gær og byrjaðu ferðina með heimsókn í Bláa Lónið. Í morgun hafa þeir setið í kennslustundum með vinum sínum í 3.T og eftir hádegi ætla þau í hvalaskoðun. Hópurinn ætlar einnig skoða Alþingi og fara dagsferð á Gullfoss og Geysi. Nánar10.09.2009
Vel heppnaður foreldrafundur
Fundur fyrir forráðamenn nýnema við Kvennaskólann var haldinn miðvikudagskvöldið 9. september og heppnaðist hann mjög vel. Óhætt er að segja að hann hafi verið vel sóttur því um 200 manns komu. Skólastarfið var kynnt og forráðamenn hittu umsjónarkennara bekkjanna á fyrsta ári. Nánar04.09.2009
Kynningarfundur fyrir forráðamenn nýnema
Kynningarfundur fyrir forráðamenn nýnema Kvennaskólans í Reykjavík verður haldinn miðvikudaginn 9. september. Fundurinn hefst kl. 20.00 og verður í stofum N2-N4 að Fríkirkjuvegi 9.
Á dagskrá er meðal annars: námið við skólann, skólareglur, upplýsingakerfið Inna, þjónusta námsráðgjafa, félagslíf nemenda og störf umsjónarkennara.
31.08.2009
Aukin þjónusta Blindrabókasafns við nemendur með dyslexiu
Blindrabókasafn Íslands hefur nýlega bætt við þá þjónustu sem safnið hefur veitt hingað tll. Nemendur með dyslexiu eru beðnir að hafa samband við námsráðgjafa skólans til að fá kynningarbækling og frekari upplýsingar um þjónustu safnsins. Nánar31.08.2009
Busavígsla og ball
Miðvikudaginn 2. september bjóða eldri nemendur nýnema velkomna með hefðbundinni busavígslu. Um kvöldið stendur nemendafélagið fyrir dansleik á Nasa við Austurvöll frá kl. 22:00 - 01:00. Leyfi verður í fyrsta tíma (kl. 8:10-9:10) daginn eftir ball, fimmtudaginn 3. september. Nánar22.08.2009
Skólasetning fyrir eldri nemendur
Skólasetning fyrir eldri nemendur verður í Fríkirkjunni í Reykjavík kl. 10.00, mánudaginn 24. ágúst 2009. Nánar13.08.2009
Stundatöflur
Nú geta nemendur í 2. – 4. bekk séð stundatöfluna sína í Innu.Nýnemar sem fara í 1. bekk fá stundatöflu sína afhenta á skólasetningu þann 20. ágúst. Þeim býðst líka að koma og sækja töflu sína á skrifstofu skólans frá og með deginum í dag vilji þeir það. Nánar
11.08.2009
Afsláttur á kennslubókum í íslensku
Nemendur geta fengið góðan afslátt af eftirfarandi kennslubókum í íslensku ef þeir fara í viðkomandi forlög og kaupa bækurnar þar. Þeir þurfa bara að geta þess að þeir séu í Kvennaskólanum í Reykjavík.
Tungutak - setningafræði handa framhaldsskólum
Tungutak - ritun handa framhaldsskólum
Tungutak - málsaga handa framhaldsskólum (sem kennd verður eftir jól).
Allar þessar bækur eru eftir Ásdísi Arnalds, Elínborgu Ragnarsdóttur og Sólveigu Einarsdóttur.
Þessar bækur eru gefnar út af Forlaginu Bókaútgáfu og er það til húsa að Bræðraborgarstíg 7, 101 Rvík.
Guðirnir okkar gömlu eftir Sölva Sveinsson ásamt Snorra-Eddu í útgáfu Guðrúnar Nordal.
Ormurinn langi. Leiftur úr íslenskum bókmenntum 900-1900. Bragi Halldórsson, Knútur Hafsteinsson og Ólafur Oddsson tóku saman.
Þessar bækur eru gefnar út af bókaforlaginu Bjarti sem er til húsa að Bræðraborgarstíg 9.
11.08.2009
Bókalistar
Bókalistar fyrir skólaárið 2009-2010 eru komnir á heimasíðuna.
Smellið hér til að sjá bókalista fyrir 1. ár annars vegar og 2.-4. ár hins vegar.
11.08.2009
Skólasetning og upphaf kennslu
Skólasetning fyrir nýnema
Fimmtudaginn 20. ágúst er skólasetning fyrir 1. bekk kl. 9:00 í Uppsölum, Þingholtsstræti 37.
Þennan dag verða nýnemar í skólanum til hádegis í ýmsum verkefnum.
Föstudaginn 21. ágúst hefst kennsla í 1. bekk skv. stundatöflu.
Mánudaginn 24. ágúst er skólasetning fyrir eldri nemendur, 2.-4. bekk, kl. 10 (sennilega í Fríkirkjunni).
Kennsla hefst svo hjá eldri nemendum þriðjudaginn 25. ágúst.
24.06.2009
Innritun 2009 lokið
Innritun í Kvennaskólann árið 2009 er lokið.
Alls bárust 258 umsóknir um skólann sem fyrsta val og voru 162 teknir inn í 1. bekk. Ekki var unnt að bæta neinum nýjum nemendum inn í eldri bekki skólans.
136 varaumsóknir hafa komið til skoðunar í skólanum en þeim þurfti öllum að hafna.
25.05.2009
Innritun nýnema
Innritun í framhaldsskóla hófst 15. maí og stendur til 11. júní. Upplýsingar um inntökuskilyrði er hægt að sjá með því að smella hér og upplýsingar um námsleiðir í skólanum er hægt að sjá með því að smella hér. Einnig er hægt að sjá nýjan kynningarbækling um skólann með því að smella hér. Inntökuskilyrði, upplýsingar um námsleiðir og kynningarbækling er einnig hægt að velja undir Í deiglunni af hægri valmynd á heimasíðunni.Nemendur þurfa að hafa tiltækan veflykil til að sækja um skólavist. Sækja skal um skólavist á www.menntagatt.is. Nemendur í 10. bekk grunnskóla fá bréf með leiðbeiningum og veflykli sem opnar þeim aðgang að innrituninni. Forráðamenn þeirra fá einnig bréf frá menntamálaráðuneytinu með upplýsingum um innritunina. Einnig er hægt að sækja um veflykil á www.menntagatt.is. Nánar
22.05.2009
Útskrift stúdenta 2009
Í dag var myndarlegur hópur stúdenta útskrifaður frá Kvennaskólanum við hátíðlega athöfn í aðalsal Borgarleikhússins þar sem umgjörðin var öll hin glæsilegasta. Kór Kvennaskólans söng og útskriftarnemendur glöddu gesti með tónlistaratriðum því Andri Björn Róbertsson 4T söng einsöng og Hrafnhildur Hafliðadóttir 4FU lék einleik á píanó. Nánar19.05.2009
Útskrift stúdenta og skólaslit
Útskrift stúdenta og skólaslit Kvennaskólans verða í Borgarleikhúsinu kl. 13:00 föstudaginn 22. maí 2009. Að lokinni útskriftarathöfn er viðstöddum boðið til móttöku í Kvennaskólanum við Fríkirkjuveg 9. Nánar18.05.2009
Einkunnaafhending, prófsýning og æfing útskriftarnema
Einkunnaafhending verður á morgun, þriðjudaginn 19. maí kl. 9.00 í Uppsölum. Strax að lokinni einkunnaafhendingu verður prófsýning þar sem nemendur geta skoðað prófúrlausnir sínar og rætt við kennara.Sérstök athygli er vakin á því að útskriftarnemendur eiga að mæta á æfingu fyrir útskriftarathöfnina í Borgarleikhúsinu á morgun, þriðjudaginn 19. maí kl. 10.30. Nánar
16.05.2009
Nýr kynningarbæklingur
Út er kominn nýr kynningarbæklingur fyrir Kvennaskólann. Hægt er að sjá rafræna útgáfu hans með því að smella hér eða með því að velja Skólakynningu af hægri valmynd (undir Í deiglunni). Nánar13.05.2009
Ný stjórn nemendafélagsins tekur við
Nemendur kusu á dögunum nýja stjórn nemendafélagsins Keðjunnar. Í fyrsta sinn voru kosningarnar rafrænar og tókst fyrirkomulagið með miklum ágætum. Nýja stjórnin verður sú fyrsta til að starfa undir nýjum lögum félagsins en þau voru samþykkt í apríl síðastliðnum. Þær breytingar verða með nýju lögunum að stjórn Keðjunnar verður skipuð formanni, gjaldkera og formönnum fimm stærstu nefndanna. Þetta er gert til að tryggja gott samstarf nefnda og stjórnar og hafa upplýsingaflæði til nemenda sem allra best. Nánar12.05.2009
Ellefu styrkir til nýnema við HÍ
Fréttatilkynning frá Háskóla Íslands:Ellefu styrkir verða veittir úr Afreks- og hvatningarsjóði stúdenta Háskóla Íslands 16. júní nk. Um er að ræða styrki til nemenda sem náð hafa afburðaárangri á stúdentsprófi og innritast í Háskóla Íslands. Hver styrkur nemur 300.000 krónum auk niðurfellingar skráningargjalds í Háskólann, sem er 45.000 krónur.
Þetta er í annað sinn sem styrkir eru veittir úr Afreks- og hvatningarsjóði stúdenta við Háskóla Íslands en sjóðurinn var stofnaður í fyrra. Nánar
06.05.2009
SAFT Ungmennaráð
Skólanum barst eftirfarandi fréttatilkynning:SAFT - Samfélag, fjölskylda og tækni, vakningarátak um örugga tækninotkun barna og unglinga á Íslandi, hefur hafið undirbúning að stofnun ungmennaráðs.
Ungmennaráðið samanstendur af krökkum á aldrinum 12-18 ára sem koma alls staðar að af landinu. Ráðið mun aðstoða við uppfærslu á heimasíðu SAFT, Facebook og Myspace síðum verkefnisins. Ráðið mun einnig vinna hugmyndir um það hvernig eigi að kenna ánægjulega og örugga netnotkun í skólum landsins, koma að hönnun kennsluefnis, vera ráðgefandi um hönnun og framkvæmd herferða, sinna jafningjafræðslu og halda erindi á foreldrafundum. Nánar
30.04.2009
Njáluferð
Mánudaginn 27. apríl í blíðskaparveðri héldu nemendur 2. bekkjar ásamt þremur kennurum i á söguslóðir Brennu-Njáls sögu. Ferðin gekk mjög vel ef undan er skilið smávægilegt rútuævintýri á veginum upp að Keldum á Rangárvöllum. Þar stóðu yfir vegaframkvæmdir og festust tvær af þremur rútum í gljúpum sandi. Eftir að hafa reynt árangurslaust að mjaka rútunum upp úr hjólförunum - með dyggum stuðningi kraftakarla úr röðum nemenda - varð að kalla til dráttartrukk til að draga rúturnar á “fast” land. Nánar24.04.2009
Dimmisjón
Í dag kveðja útskriftarnemendur Kvennaskólann. Þeir mættu í Uppsali í morgun kl. 10.30 og kvöddu kennara og annað starfsfólk og færðu þeim gjafir. Í dag er stefnan sett á skautaferð ofl.. Í kvöld bjóða nemendur starfsfólki skólans í kvöldverð og skemmtun. Nánar20.04.2009
Vortónleikar Kvennaskólans
Kór Kvennaskólans heldur vortónleika sína í Fríkirkjunni í Reykjavík fimmtudaginn 23. apríl, sumardaginn fyrsta, kl. 20.00.Þemað er nýtt íslenskt popp og spilar hljómsveitin Múgsefjun undir.
Tekin verða lög eftir Hjaltalín, Lay Low, Mammút og marga aðra!
Eftir tónleikana verður kaffisala í matsal Kvennaskólans og kostar það 500 kr.
Allir eru hjartanlega velkomnir! Nánar
03.04.2009
Heimsókn í Læknagarð
Þórður Jóhannesson eðlisfræðikennari fór með 4NS í heimsókn í Læknagarð sl. þriðjudag. Þar tók Logi Jónsson dósent á móti þeim og hann ásamt Björgu Þorleifsdóttur aðstoðarkonu sinni sýndi þeim ýmis tæki og tól sem þau fengu að prófa á sjálfum sér. T.d. tóku þau hjartalínurit hvert af öðru og könnuðu viðbrögð tauga við utanaðkomandi rafstraumi. Ennfremur fór Logi með þeim upp í Krukkuborg þar sem þau fengu að skoða ýmsa líkamsparta manneskjunnar, vel varðveitta. Nánar03.04.2009
Lokahátíð Íþróttavakningar framhaldsskóla
Lokahátíð Íþróttavakningar framhaldsskóla verður haldin í Fífunni og Smáranum í Kópavogi, laugardaginn 4. apríl kl. 14:30-19:00. Nánar27.03.2009
2T í vikuferð í Danmörku
Á morgun, laugardaginn 28. mars, fer 2. bekkur á málabraut (2T) í vikuheimsókn til Danmerkur, nánar tiltekið í Statsskolen í Sønderborg. Kennararnir sem fara með hópnum eru Elínborg Ragnarsdóttir og Þórhildur Lárusdóttir.Hópurinn heldur úti blogg-síðu og hægt er að fylgjast með ferðinni með því að smella hér . Einnig er hlekkur hægri megin á heimasíðu skólans undir Í deiglunni. Nánar
27.03.2009
Peysufatadagur - Myndir
Nú eru komnar myndir af Peysufatadeginum, undir Myndir. Hægt er að sjá myndasafnið með því að smella hér. Nánar27.03.2009
Peysufatadagur Kvennaskólans 27.mars
Í dag er árlegur Peysufatadagur nemenda í 3. bekk Kvennaskólans.Dagskrá:
Kl. 8:00 - Morgunmatur í boði ungra jafnaðarmanna í Kosningamiðstöðinni á Skólabrú ( Pósthússtræti 17, 101 RVK)
Kl. 9:15 - Dansað við Menntamálaráðuneytið, Sölvhólsgötu.
Kl. 10:00 - Ingólfstorg
Kl. 11:00 - Kvennó, dansað fyrir nemendur og kennara.
Kl. 11:45 - Grund.
Kl. 13:00 - Hrafnista í Reykjavík.
Kl.14:00 - Myndataka fyrir framan Kvennó.
Kl.14:30 - Kakó og vöfflur í matsalnum.
Kl. 19:00 - Kvöldverður í félagsheimili Seltjarnarness.
Kl. 02:00 - Formlegum Peysufatadegi lýkur.
Nánar
26.03.2009
Vel sótt opið hús
Það var fjölmenni á opnu húsi í Kvennaskólanum í gær. Nemendur í 10. bekk og forráðamenn þeirra nýttu sér boð um að skoða skólann og kynna sér námsframboð, starfsemi og félagslíf hans. Hægt er að sjá nokkrar myndir sem voru teknar í gær með því að smella hér. Nánar24.03.2009
Opið hús - Allir velkomnir!
Opið hús fyrir 10. bekkinga og foreldra þeirra verður í Kvennaskólanum miðvikudaginn 25. mars frá kl. 17-20.Gestir geta skoðað skólann og forvitnast um starfsemi hans. Námsráðgjafar og fleiri bjóða upp á sérstaka kynningu á skólanum, efnafræðikennarar verða með nemendur í verklegum tilraunum í efnafræðistofunni, tæki og kennslugögn verða til sýnis, nemendur verða með kynningu á félagslífinu, bókasafnið verður opið og ýmislegt fleira verður í boði.
Nemendur í 10. bekk og forráðamenn þeirra eru hvattir til að heimsækja okkur. Verið velkomin! Nánar
23.03.2009
Góður árangur í Þýskuþraut
Tveir nemendur Kvennaskólans sem þátt tóku í Þýskuþraut 2009 voru í hópi þeirra nemenda sem fá viðurkenningu fyrir frábæran árangur. Það eru Heimir Örn Guðnason í 2. T sem lenti í 5. sæti í keppninni og Anna Lísa Benediktsdóttir í 3. NÞ sem lenti í 19.-21. sæti. Þýskuþraut er haldin í öllum framhaldsskólum landsins og keppa nemendur þar í hinum ýmsu færniþáttum þýskunnar. Við óskum Heimi og Önnu Lísu hjartanlega til hamingju með góða frammistöðu. Nánar23.03.2009
Frábær árangur í frönsku ljóðakeppninni
Tveir nemendur úr Kvennó tóku þátt í ljóðakeppninni frönsku sem haldin var laugardaginn 21. mars. Það voru þær Heiðdís Haukdal Reynisdóttir (3NL) og Sólrún Una (3NS).Þær stóðu sig báðar vel, fluttu eigin ljóð eins og hinir keppendurnir átta. Heiðdís hafði samið lag við ljóðið sitt sem hún söng með eigin gítarundirspili. Hún hreppti 2.-3. sæti í keppninni og fékk í verðlaun bækur og DVD diska. Nánar
23.03.2009
Kvennaskólinn úr leik í Morfís
Síðastliðið föstudagskvöld áttust lið Kvennaskólans og Verslunarskólans við í undanúrslitum Morfís. Keppt var í Uppsölum og var ræðuefnið Á að þyngja refsingar á Íslandi? og mælti Kvennaskólinn á móti. Keppnin var mjög jöfn og spennandi en viðureigninni lauk með sigri Verslunarskólans og munaði einungis 21 stigi þegar upp var staðið. Nánar15.03.2009
Þingvellir, Geysir og Gullfoss
Farið var í dagsferð með allan hópinn í Kalmarverkefninu á laugardag, 14. mars, bæði nemendur í 3NS og CIS. Ferðin gekk vel þrátt fyrir vont veðurútlit. Auðvitað rættist úr því og við fengum bara ágætisveður á þeim stöðum sem við stoppuðum. Allir skemmtu sér vel eins og myndirnar sýna. Nánar13.03.2009
Fúría slær í gegn - Önnur aukasýning
Vegna gríðarlegrar eftirspurnar verður önnur aukasýning á Pínku Píkuleikriti sunnudaginn 15.mars kl 20:00. Sýningin hefur fengið frábæra dóma og góða aðsókn!Miðapantanir í síma 698-9309 eða 847-3410. Miðaverð einungis 1500 kr! Nánar
12.03.2009
Íþróttavakning í framhaldsskólum
Þann 12. nóvember var verkefninu Íþróttavakning í framhaldsskólum hrint af stað og hefur það verið í gangi síðan þá. Að íþróttavakningunni standa menntamálaráðuneyti, heilbrigðisráðuneyti, Lýðheilsustöð og félög framhaldsskólanema, SÍF og HÍF.Á heimasíðu verkefnisins kemur fram að tilgangurinn með verkefninu sé „fyrst og fremst sá að fá sem flesta framhaldsskólanema til að hreyfa sig á hverjum degi og þar með hvetja nemendur til þess að auka vægi hreyfingar í daglegu lífi sem leiðir svo aftur til bættrar heilsu nemenda og meiri árangurs í lífi og starfi“.
Íþróttavakningunni lýkur 4. apríl næstkomandi en á vefsíðu menntamálaráðuneytisins má finna frekari upplýsingar um átakið og stöðu skólanna í keppninni. Nánar
11.03.2009
Velkomin
Í dag, 11.mars koma 19 nemendur og 3 kennarar frá CIS framhaldsskólanum í Kalmar í Svíþjóð og verða hér til 19.mars. 3NS ásamt 3 kennurum úr Kvennó fór til þeirra í nóvember á síðasta ári og nú er komið að síðari hluta þessa verkefnis. Sænsku nemendurnir gista á heimilum íslensku nemendanna. Nemendur eru að vinna að ýmsum verkefnum sem tengjast heilsu. Verkefnin verða kláruð hér í skólanum og nemendur flytja svo verkefnin. Dagskrá þessarar viku er mjög fjölbreytileg, ýmist innan eða utan bæjarmarka. Við hlökkum mikið til að fá gestina til okkar og bjóðum þau innilega velkomin. Nánar10.03.2009
Aukasýning Fúríu fimmtudag
Vegna mikillar eftirspurnar verður aukasýning á Pínku Píkuleikriti fimmtudaginn 12.mars kl 20:00. Sýningin hefur gengið mjög vel og eru allir hæstánægðir með þessa frábæru sýningu!Ekki láta þetta meistaraverk framhjá þér fara...!
Miðapantanir í síma 823-6527 eða 847-0080. Miðaverð einungis 1500 kr!
Kveðja,
Fúría Nánar
08.03.2009
Fúría fær góða dóma
Pínku píkuleikrit sem Fúría, leikfélag Kvennaskólans setur upp hefur fengið mjög góðar viðtökur áhorfenda og er óhætt að mæla með sýningunni. Leikritið er eftir leikstjóra og leikhóp en er byggt á Píkusögum. Leikstjóri er Ingrid Jónsdóttir.Síðasta sýning er í kvöld sunnudaginn 8.mars kl 20.00. Miðaverð er 1500 kr og er greitt við innganginn. Miðapantanir eru í síma 8470080 og 8236527. Nánar
04.03.2009
Leiksýningar Fúríu
Fúría, leikfélag Kvennaskólans setur þetta árið upp Pínku píkuleikrit, eftir leikstjóra og leikhóp og pínulítið stolið úr Píkusögum:) Leikstjóri er Ingrid Jónsdóttir.Sýningar eru 5. mars kl 20.00, 7.mars kl 17.00 og 20.00 og 8.mars kl 20.00. Miðaverð er 1500 kr og er greitt við innganginn. Miðapantanir eru í síma 8470080 og 8236527. Nánar
02.03.2009
Berlínarferð nemenda í ÞÝS 473
Föstudaginn 20. febrúar hélt hópur nemenda í ÞÝS 473 í ferð til Berlínar ásamt kennurum áfangans, Ástu og Guðrúnu Erlu. Í hópnum voru 21 nemandi í 3. og 4. bekk. Nemendur höfðu fyrir ferðina kynnt sér eitt og annað um Berlín og unnu m.a. kynningar um þekktustu staðina. Ferðin heppnaðist í alla staði frábærlega og margt var skoðað og gert. Nánar28.02.2009
Tap í Gettu betur
Í kvöld beið lið Kvennaskólans lægri hlut fyrir liði Verslunarskólans í fjórðungsúrslitum Gettu betur í Sjónvarpinu. Lokatölur urðu 18-36. Þó við ofurefli hafi verið að etja í kvöld þá er lið Kvennaskólans búið að standa sig vel í vetur en það skipa Gísli Erlendur Marínósson, Helgi Guðmundur Ásmundsson og Jörgen Már Ágústsson. Þjálfarar þess eru Kristinn og Þórdís sem bæði eru fyrrum nemendur og Laufey Haraldsdóttir er liðsstjóri. Nánar28.02.2009
Þýskuþraut 2009
Félag þýskukennara á Íslandi efnir að venju til samkeppni meðal framhaldsskólanema og eru verðlaunin m.a. dvöl í Þýskalandi. Að þessu sinni verður þrautin lögð fyrir í Kvennaskólanum miðvikudaginn 4. mars og eru allir áhugasamir nemendur hvattir til að skrá sig (sjá skilyrði fyrir þátttöku). Hægt er að sjá auglýsingu með nánari upplýsingum með því að smella á Nánar. Nánar26.02.2009
Lið Kvennaskólans komið í undanúrslit í Morfís
Í gærkvöldi vannst öruggur sigur á liði MS í 8-liða úrslitum Morfís. Ekki er komin dagsetning á undanúrslitaviðureignina en hún verður líklega í Mars og andstæðingarnir verða lið Verslunarskólans. Í hinni undanúrslítaviðureigninni eigast við lið MÍ og FSu. Morfíslið Kvennaskólans skipa:Garðar Þór Þorkelsson - Liðsstjóri
Björn Rafn Gunnarsson - Frummælandi
Baldur Eiríksson - Meðmælandi
Viktor Orri Valgarðsson - Stuðningsmaður
Nánar
24.02.2009
Tjarnardagar
Þessa vikuna er mikið um að vera í Kvennaskólanum. Þriðjudag fyrir hádegi fer fram forval fyrir næsta vetur og eru meðfylgjandi myndir teknar við það tækifæri.Þriðjudag og miðvikudag er ekki hefðbundin kennsla en þess í stað taka nemendur þátt í ýmsum námskeiðum á vegum nemendafélagsins. Miðvikudagskvöldið 25. febrúar keppir lið Kvennaskólans við MS í Morfís. Fimmtudaginn 26. nóvember er síðan árshátíð Keðjunnar á Selfossi. Föstudaginn 27. febrúar er leyfi og laugardagskvöldið 28. febrúar keppir lið Kvennaskólans við Verslunarskólann í Gettu betur. Hægt er að sjá nánari upplýsingar um dagskrá Tjarnardaganna á heimasíðu Keðjunnar. Nánar
20.02.2009
Ljósmyndun
Í vetur bauð Kvennaskólinn upp á valáfanga í ljósmyndun og myndvinnslu, Ljó 102, þar sem nemendur lærðu undirstöðuatriði stafrænnar myndatöku. Núna er hægt að sjá sýnishorn úr verkum nemenda í myndasöfnum á heimasíðu skólans undir Myndir. Um þrjá flokka er að ræða: Myndir, Samsettar myndir og Hönnun CD-umslags.Áfanginn Ljó 102 er aftur í boði fyrir næsta ár. Nánar
19.02.2009
Tónlistarviðburður
Það var mikil tónlistarveisla í dag þegar nemendur og starfsfólk Kvennaskólans urðu þeirrar ánægju aðnjótandi að hlýða á kynningu og tónleika Víkings Heiðars Ólafssonar píanóleikara í Listasafni Íslands. Vegna plássleysis þurfti að tvískipta hópnum, 3. og 4. bekkur fór fyrir hádegi og 1. og 2. bekkur eftir hádegi.Víkingur lék verk eftir Debussy, Bartok og Stravinski og með honum var Árni Heimir Ingólfsson tónlistarfræðingur og listrænn stjórnandi Sinfóníuhljómsveitar Íslands sem leiddi áhorfendur í allan sannleikann um tilurð og sögu verkanna sem leikin voru. Það leyndi sér ekki að þeir félagar eru snillingar á sínu sviði og sýndu þeir glæsileg tilþrif við flygilinn og miðluðu miklum fróðleik á lifandi og skemmtilegan hátt svo úr varð eftirminnileg og skemmtileg upplifun fyrir viðstadda. Nánar
19.02.2009
Háskóladagurinn 2009
Laugardaginn 21. febrúar kl. 11.00-16.00 munu skólar á háskólastigi kynna námsframboð sitt. Í Norræna húsinu verður kynning á framhaldsnámi í Danmörku og Svíþjóð, Háskóli Íslands mun kynna starfsemi sína á Háskólatorginu, í Gimli og í Odda í HÍ og í ráðhúsi Reykjavíkur munu eftirfarandi skólar kynna starfsemi sína: Háskólinn á Akureyri, Háskólinn á Bifröst, Háskólinn á Hólum, Háskólinn í Reykjavík, Landbúnaðarháskóli Íslands og Listaháskóli Íslands.Hægt er að lesa nánar um háskóladaginn á www.haskoladagurinn.is. Nánar
16.02.2009
Forval fyrir næsta vetur
Í þessari viku fá nemendur í 1.-3. bekk forvalsblöð til að kanna áhuga nemenda á því sem í boði verður næsta vetur.Til að sjá áfangalýsingar þeirra áfanga sem í boði verða veljið þið á heimasíðu skólans námið og þar er undirsíðan námsgreinar. 2. bekkur þarf einnig að velja línu á sinni braut. Til að sjá lýsingu á línum veljið þið námið og svo námsbrautina.
Forvali lýkur með markaðstorgi þriðjudaginn 24. febrúar og þá þurfa nemendur að skila forvalsblöðunum. Markaðstorgið verður í stofum N2-N4 þar sem kennarar munu kynna áfanga. Kynning á valáföngum fyrir 1. bekk verður milli kl. 9 og 10. Kynning fyrir 2. og 3. bekk verður milli kl. 10 og 12. Nánar
04.02.2009
Opið hús í Kvennaskólanum 25. mars
Miðvikudaginn 25. mars verður opið hús í Kvennaskólanum fyrir 10. bekkinga og forráðamenn þeirra frá kl. 17 til 20 að Fríkirkjuvegi 9.Námsframboð skólans, inntökuskilyrði og félagslíf verða kynnt.
Verið velkomin.
Smellið hér til að sjá auglýsingu.
Nánar
28.01.2009
Sigur í Morfís
Morfíslið Kvennaskólans vann frækinn sigur á ræðuliði FB föstudaginn 23. janúar.Morfísliðið skipa:
Garðar Þór Þorkelsson - Liðstjóri
Björn Rafn Gunnarsson - Frummælandi
Baldur Eiríksson - Meðmælandi
Viktor Orri Valgarðsson - Stuðningsmaður
Viktor Orri var valinn ræðumaður kvöldsins.
Næsta keppni er í 8 liða úrslitum og mun lið Kvennaskólans etja kappi við lið Menntaskólans við Sund. Nánar
23.01.2009
Sigur í Gettu betur í gær og keppt í Morfís í kvöld
Sigurganga liðs Kvennaskólans í Gettu betur hélt áfram í gærkvöldi þegar sigur vannst á FSU með 17 stigum gegn 14. Þar með er Kvennaskólinn kominn í þriðju umferð sem fram fer í Sjónvarpinu.Í kvöld mun síðan Kvennaskólinn taka þátt í Morfís, ræðukeppni framhaldsskólanna. Lið Kvennaskólans mun etja kappi við Fjölbrautaskólann í Breiðholti. Umræðuefnið er "raunveruleikinn" og mælir lið Kvennó á móti. Keppnin fer fram í Uppsölum Kvennaskólans klukkan 20:00.
Hægt er að lesa nánar um keppnina á heimasíðu Keðjunnar með því að smella hér. Nánar
20.01.2009
Sigur í Gettu betur
Í gærkvöldi keppti lið Kvennaskólans við lið Flensborgar í Gettu betur. Öruggur sigur hafðist gegn Hafnfirðingum og lokatölur urðu 18 stig Kvenskælinga gegn 8 stigum andstæðinganna. Kvennaskólinn er því kominn í 2. umferð og mætir þar liði Fjölbrautaskóla Suðurlands fimmtudaginn 22. janúar. Nánar19.01.2009
Gettu betur
Í kvöld keppir lið Kvennaskólans í fyrstu umferð Gettu betur á móti Flensborg kl. 19:30 í Efstaleiti. Allir er hvattir til að mæta og styðja við bakið á keppendum. Þeir sem ekki komast á staðinn geta hlustað á viðureignina í útvarpinu í beinni útsendingu. Nánar08.01.2009
Liðsauki í náms- og starfsráðgjöf
Svava Rós Sveinsdóttir, nemi í náms- og starfsráðgjöf við Félags- og mannvísindadeild HÍ, verður í starfsþjálfun í Kvennaskólanum á vorönn 2009. Hún mun starfa með námsráðgjöfum skólans og taka virkan þátt í þeirri þjónustu sem náms- og starfsráðgjöfin hefur upp á að bjóða. Svava Rós mun hafa fasta viðveru alla mánudaga og þriðjudaga fram í miðjan mars. Hún er boðin innilega velkomin til starfa. Nánar02.01.2009
Gleðilegt ár!
Nú geta nemendur og kennarar séð nýjar stundatöflur vorannar 2009 í Innu. Kennsla hefst þriðjudaginn 6. janúar skv. stundaskrá. Bókalista finnið þið hér á heimasíðunni.Skrifstofa skólans verður opnuð kl. 8:00 mánudaginn 5. janúar og starfsfólk skólans kemur þá til starfa. Nánar
19.12.2008
Gleðileg jól!
Kvennaskólinn í Reykjavík óskar nemendum sínum, starfsfólki, öllum velunnurum skólans og fjölskyldum þeirra gleðilegra jóla og farsældar á nýju ári.Kennsla á vorönn hefst samkvæmt nýrri stundaskrá þriðjudaginn 6. janúar 2009. Nánar
18.12.2008
Einkunnaafhending og prófsýning
Afhending einkunna fyrir haustönn 2008 í Kvennaskólanum verður í Uppsölum föstudaginn 19. desember kl. 9:00 árdegis og að lokinni einkunnaafhendingu er prófsýning þar sem nemendur geta skoðað prófúrlausnir sínar og fengið upplýsingar hjá kennurum. Kl. 11.15 er nemendum og kennurum boðið á tónleika Hólmfríðar Friðjónsdóttur í Fríkirkjunni. Hólmfríður er fyrrverandi kórstjóri og kennari við Kvennaskólann. Nánar11.12.2008
Eyþór íþróttamaður ársins
Eyþór Þrastarson, nemandi í 2FF í Kvennaskólanum, var í gær valinn íþróttamaður ársins 2008 úr röðum fatlaðra. Eyþór er búinn að standa sig frábærlega á árinu en hann keppir í sundi. Verðlaunahófið fór fram á Radisson SAS Hótel Sögu í gær, miðvikudaginn 10. desember. Kvennaskólinn færir Eyþóri innilegar hamingjuóskir. Myndin er fengin að láni á heimasíðu Íþróttasambands fatlaðra (www.ifsport.is) en þar má lesa nánari umfjöllun um hófið og sjá myndasyrpu. Nánar02.12.2008
Jólapróf
Í dag lauk kennslu samkvæmt stundaskrá á haustönn. Á morgun, miðvikudaginn 3. desember er vinnudagur kennara og upplestrarfrí fyrir nemendur.Próf hefjast fimmtudaginn 4. desember og síðasti prófdagur er mánudaginn 15. desember. Sjúkrapróf verða haldin þriðjudaginn 16. desember. Nánar
25.11.2008
Erna sigraði í Rymju
Fimmtudagskvöldið 20. nóvember var Rymja, söngkeppni Kvennaskólans, haldin í Íslensku Óperunni og tókst keppnin mjög vel. Það var Erna Agnes Sigurgeirsdóttir í 3T sem sigraði en hún söng A Case of you eftir Joni Mitchell. Nánar24.11.2008
Hádegisverður í Frönsku 503
Nemendur í Frönsku 503 gerðu sér glaðan dag föstudaginn 21. nóvember þegar þeir gerðu franskri matargerð góð skil undir handleiðslu Margrétar Helgu frönskukennara. Allir útbjuggu franskan rétt heima hjá sér og komu með í tíma. Úr varð ljúffengur franskur hádegisverður sem heppnaðist einstaklega vel. Nemendur létu ekki þar við sitja og buðu í mat til sín Ingibjörgu skólameistara og Grétari fagstjóra í frönsku. Nánar20.11.2008
Rymja
Söngkeppni Kvennaskólans, Rymja, verður haldin í kvöld, fimmtudaginn 20. nóvember, í Íslensku óperunni og hefst skemmtunin kl. 20:00. Aðgangseyrir er 1000 krónur. Miðasala er við inngang. Nánar18.11.2008
Lifandi bókasafn í Kvennó
Lifandi bókasafn fór fram hér í Kvennó fimmtudaginn 13. nóvember. Undirbúningur og skipulagning bóksafnsins var alfarið í höndum nemenda í FÉL203. Lifandi bókasafn starfar nákvæmlega eins og venjulegt bókasafn - lesendur koma og fá "lánaða" bók í takmarkaðan tíma. Það er aðeins einn munur á: bækurnar í Lifandi bókasafni eru fólk og bækurnar og lesendurnir eiga persónuleg samskipti. Nánar11.11.2008
Lifandi bókasafn í Kvennaskólanum - Vinnan og námið
Nemendur í félagsfræði 203 standa fyrir lifandi bókasafni þann 13. nóv. nk. Þema safnsins þetta árið er „Vinnan og námið“. Á bókasafninu verða ýmsar „bækur“ sem tala um vinnu sína og menntunina eða kunnáttuna sem þau hafa ölast.Á bókasafnið koma t.d. kennari, lögfræðingur, lögreglumaður, kjötiðnaðarmaður og margar fleiri bækur.
Lifandi bókasafn fer fram í Uppsölum (U3 og U4) er opið frá kl. 13.30 til 15.30 (fimmtudaginn 13.nóvember). Nánar
10.11.2008
Allir komu þeir aftur .....
Nú er 3NS kominn heim eftir námsferð til Svíþjóðar. Eftir stuttan stans í Kaupmannahöfn þar sem farið var á Tycho Brahe stjörnufræðisafnið var haldið með lest til Kalmar í Svíþjóð. Svo mikil er aðsókn í lestar í því landi að ekki fengust sæti nema með höppum og glöppum. Auk þess sem lestin bilaði og kom klukkutíma of seint á áfangastað. Þar tóku sænskir gestgjafar á móti lúnum ferðalöngum og ekki laust við að óróa gætti í sumum hjörtum við nafnakallið í myrkrinu á brautarstöðinni í Kalmar. Nánar10.11.2008
Sigur í Morfís
Föstudagskvöldið 31. október keppti Kvennaskólinn við FA í ræðukeppni Morfís og var umræðuefnið bjartsýni. Kvennó mælti með bjartsýni en FÁ á móti.Ræðulið Kvennaskólans er skipað eftirtöldum nemendum:
Liðsstjóri - Garðar Þór Þorkelsson
Frummælandi - Björn Rafn Gunnarsson
Meðmælandi - Baldur Eiríksson
Stuðningsmaður - Viktor Orri Valgarðsson
Það er skemmst frá því að segja að Kvennó vann mjög örugglega eða með 376 stigum. Baldur Eiríksson var ræðumaður kvöldsins. Nánar
02.11.2008
Epladagur 2008
Fimmtudaginn 6. nóvember er hinn árlegi Epladagur í Kvennaskólanum í Reykjavík. Fyrir hádegi munu fulltrúar nemendafélagsins ganga í bekki og bjóða upp á epli. Kennt er til kl. 13.00 en eftir það er leyfi. Samkvæmt venju fara bekkirnir saman út að borða um kvöldið og síðan er dansleikur. Leyfi er í fyrsta tíma á föstudag og kennsla hefst því kl. 9.20. Nánar01.11.2008
Námsferð til Kalmar
Í dag, 1. nóvember, lagði 3NS af stað í námsferð til Kalmar í Svíþjóð og verður þar næstu vikuna.Byrjað er á því að fara til Kaupmannahafnar, síðan með lest á sunnudag á áfangastað. Komið verður til baka laugardaginn 8.nóv. Nemendur Kvennaskólans taka þátt í dagskrá sem er sameiginleg með sænsku nemendunum. Yfirskrift verkefnisins er Heilsa og vinna nemendur verkefni sem tengjast því á margvíslegan hátt. Nánar
15.10.2008
Haustfrí
Fimmtudaginn 16. og föstudaginn 17. október er haustfrí Kvennaskólans. Nemendur og annað starfsfólk mætir aftur til starfa samkvæmt stundaskrá mánudaginn 20. október. Vonandi hafa allir það sem best í fríinu og ná að hlaða "batteríin" fyrir seinni hluta haustannarinnar. Nánar13.10.2008
Egluferð
Sunnudaginn 12. október fóru nemendur í Íslensku 673 í Egluferð. Fyrsti áfangastaður var Borg á Mýrum þar sem nemendur skoðuðu ýmislegt markvert. Fyrst veltu þeir fyrir sér túlkun Ásmundar Sveinssonar á harmi Egils í höggmyndinni Sonatorrek en eftir það gengu þeir upp á borgina og nutu útsýnisins þaðan. Þegar niður var komið var gengið í kirkjuna og að lokum fóru nemendur í kirkjugarðinn og skoðuðu þar eftirgerð af legsteini Kjartans Ólafssonar, barnabarns Egils Skalla-Grímssonar. Nánar13.10.2008
Morgunverður í Þýskutíma
Sú skemmtilega venja hefur skapast í áfanganum þýska 503 að hópurinn ásamt kennara hefur borðað morgunverð saman einu sinni um miðbik annarinnar. Er þá reynt að líkja sem mest eftir þýskum venjum. Borið er fram nýbakað brauð og rúnnstykki ásamt tilheyrandi áleggi, svo sem skinku, spægipylsu, ostum og sultu eða marmelaði sem að þessu sinni var heimalagað rifsberjahlaup og aðalbláberjamauk frá nemendum. Nánar10.10.2008
Til foreldra frá Heimili og skóla - landssamtökum foreldra
Foreldrar eiga það sameiginlegt að vilja að börnum þeirra líði vel. Mikilvægt er fyrir okkur öll að staldra við og huga að því sem eykur vellíðan barna.Menntamálaráðuneytið hefur beitt sér fyrir samráði allra aðila sem vinna að velferð barna og unglinga með það að markmiði að veita þeim viðeigandi stuðning.
Verum óhrædd við að leita ráða í þeim erfiðleikum sem við okkur blasa. Leitum til okkar nánustu og kynnum okkur þær leiðir aðrar sem samfélagið býður upp á til stuðnings við fjölskyldur. Nánar
05.10.2008
Vinátta í Kvennó
Vinátta mentorverkefni byggir á þeirri hugmyndafræði að tryggt samband milli barns og fullorðins einstaklings (háskóla- eða framhaldsskólanema), til lengri eða skemmri tíma, byggi upp sjálfsmynd barnsins og bæti við möguleika barnsins við mótun sjálfsmyndar sem komi meðal annars fram í auknum námsáhuga og árangri auk aukinnar lífsleikni. Nánar01.10.2008
Kennaranemar í Kvennaskólanum
Undanfarin ár hefur Kvennaskólinn verið í samstarfi við HÍ um þjálfun kennaranema. Auk kennsluæfinga eru vikulegir fræðslufundir þar sem nemunum er gefin innsýn í hinar margvíslegu hliðar skólastarfsins. Kennslugreinar nemanna í ár eru félagsfræði, uppeldisfræði og enska. Leiðsagnarkennarar þeirra eru Björk Þorgeirsdóttir, Hildigunnur Gunnarsdóttir og Þórhildur Lárusdóttir. Verkefnisstjóri er Ingveldur Sveinbjörnsdóttir. Nemarnir eru boðnir velkomnir til starfa og þeim óskað góðs gengis. Nánar26.09.2008
Söngsalur
Sú hefð hefur skapast í Kvennaskólanum að á Evrópska tungumáladaginn er safnast saman á sal rétt fyrir hádegi og nokkur lög sungin. Í dag var engin undantekning á því og nemendur og kennarar sungu undir styrkri stjórn Gunnars Benediktssonar kórstjóra, Margrétar Helgu Hjartardóttur fyrrverandi kórstjóra og við undirleik Harðar Áskelssonar. Byrjað var á að syngja Það er leikur að læra og síðan var farið í hin ýmsu lög á mismunandi tungumálum, svona í tilefni dagsins. Nánar24.09.2008
Heimsókn frá Sönderborg Statsskole
3. bekkur á tungumálabraut er nú að taka á móti nemendum frá Sønderborg Statsskole. 3T heimsótti Sönderborg á síðasta ári. Í hópnum eru 17 nemendur ásamt tveimur kennurum. Danirnir komu til landsins laugardaginn 20. september og fara heim þann 26. september. Hópurinn hefur skoðað jarðvarmavirkjunina að Nesjavöllum. Einnig Þingvelli, Gullfoss og Geysi. Danirnir hafa einnig heimsótt orkufyrirtæki og áætla að heimsækja Alþingi og Þjóðminjasafnið. Það er óhætt að segja að gestir okkar hafi ekki verið heppnir með veðrið, í ferðum út fyrir Reykjavík hefur blásið og rignt hressilega. Þrátt fyrir það eru allir hæstánægðir með heimsóknina, bæði gestir og gestgjafar. Nánar15.09.2008
Nýnemaferð
Hin árlega ferð nýnema verður farin í vikunni. Venjulega er farið í Þórsmörk en núna eru þar miklir vatnavextir og útlit næstu daga ekki gott þar sem spáð er miklum rigningum. Því verður gist í félagsheimilinu Heimalandi, Vestur-Eyjafjöllum, Hvolsvelli. Smellið hér til að fara á heimasíðu með upplýsingum um staðinn. Nánar14.09.2008
Kynningarfundur fyrir forráðamenn nýnema
Kynningarfundur fyrir forráðamenn nýnema Kvennaskólans í Reykjavík verður haldinn miðvikudaginn 17. september. Fundurinn hefst kl. 20.00 og verður í stofum N2-N4 að Fríkirkjuvegi 9.Á dagskrá er meðal annars: námið við skólann, skólareglur, upplýsingakerfið Inna, þjónusta námsráðgjafa og störf umsjónarkennara. Nánar
11.09.2008
Eyþór í úrslit
Við fylgjumst að sjálfsögðu spennt með gengi okkar manns í Kvennaskólanum á Ólympíuleikum fatlaðra í Beijing. Eyþór Þrastarson í 2FF náði 8. sæti í undanrásum í nótt og komst í úrslit í 400 metra skriðsundi. Úrslitin fara fram seinna í dag. Nánar08.09.2008
Nýnemar boðnir velkomnir
Miðvikudaginn 10. september er svokallaður "busadagur", þegar eldri nemendur bjóða nýnema í Kvennaskólanum velkomna. Af þeim sökum fellur hefðbundin kennsla niður eftir kl. 13.00 þann daginn. Um kvöldið verður síðan dansleikur fyrir Kvennaskólanemendur á NASA við Austurvöll frá kl. 10.00 til kl. 01.00. Leyfi verður í fyrstu kennslustund (kl. 8.10-9.10) fimmtudaginn 11. september. Nánar30.08.2008
Kvennaskólanemandi á Ólympíuleikunum
Kvennaskólinn á einn fulltrúa á Ólympíuleikum fatlaðra í Peking sem hefjast 6. september. Eyþór Þrastarson, nemandi í 2FF, er í íslenska hópnum sem heldur til Kína mánudaginn 1. september og keppir í sundi á leikunum. Við í Kvennaskólanum óskum Eyþóri og samferðafólki hans góðrar ferðar og ánægjulegrar dvalar og keppni. Áfram Ísland! Nánar27.08.2008
Viðtalstímar náms- og starfsráðgjafa
Kristján Guðmundsson og Ingveldur Sveinbjörnsdóttir eru náms- og starfsráðgjafar Kvennaskólans og eru þau komin með nýja viðtalstíma. Upplýsingar um náms- og starfsráðgjöfina ásamt nýju viðtalstímunum má sjá með því að smella hér. Nánar18.08.2008
Tilkynning frá íslenskukennurum til nemenda í 1. bekk
Nemendur Kvennaskólans fá 20% afslátt af Tungutaksbókunum ef þeir kaupa þær allar fjórar í einu hjá Forlaginu, Bræðraborgarstíg 7. Þið farið þangað og látið vita að þið séuð í Kvennó. Nánar15.08.2008
Stundatöflur tilbúnar
Nú geta nemendur í 2., 3. og 4. bekk, sem hafa aðgangsorð að Innu séð stundatöfluna sína. Þeir sem hafa gleymt lykilorði sínu geta smellt á hlekkinn Gleymt lykilorð sem kemur upp þegar þeir fara í Innu af heimasíðu skólans og fá þá lykilorðið sent í tölvupósti.Nýnemar, sem ekki hafa fengið aðgang að Innu, geta ef þeir vilja komið og sótt stundatöflur á skrifstofu Kvennaskólans að Fríkirkjuvegi 9 frá og með hádegi mánudaginn 18. ágúst. Annars munu þeir fá töflurnar afhentar við skólasetningu. Nánar
15.08.2008
Skólasetning á fimmtudaginn
Skólasetning Kvennaskólans verður fimmtudaginn 21. ágúst klukkan 10:00 í Fríkirkjunni í Reykjavík. Eftir setninguna hitta nemendur umsjónarkennara sína. Kennsla hefst samkvæmt stundatöflu föstudaginn 22. ágúst. Nánar10.08.2008
Breytingar á bókalista
Nokkrar breytingar hefur þurft að gera á bókalista Kvennaskólans fyrir skólaárið 2008-2009 frá þeirri útgáfu sem fór á heimasíðuna fyrr í sumar.
Breytingarnar eru í eftirfarandi áföngum: EFN 103, STÆ 263 og ÞÝS 503.
Vinsamlegast kynnið ykkur fyrrnefnda áfanga í nýjustu útgáfu bókalistans, en hana er hægt að nálgast með því að smella hér eða með því að velja Í deiglunni-Bókalisti af valmyndinni hér til hægri.
09.08.2008
Kvennaskólanemi vann alþjóðlega ljósmyndakeppni
Eftirfarandi frétt birtist á www.visir.is þann 8. ágúst:Sextán ára nemi í Kvennaskólanum í Reykjavík, Lára Þórðardóttir vann til verðlauna í alþjóðlegri ljósmyndakeppni á vegum Sameinuðu þjóðanna. Keppnin var haldin í tengslum við alþjóðaráðstefnu ungs fólks og var tema keppninnar: ungt fólk í breyttu loftslagi. Lára sendi inn tvær myndir og fékk önnur verðlaun, en hin lenti í hópi 48 útvalinna mynda. Nánar
19.06.2008
Helstu dagsetningar haustannar 2008
Helstu dagsetningar haustannar eru sem hér segir:
- Skrifstofa Kvennaskólans opnar að nýju, að loknu sumarfríi, miðvikudaginn 6. ágúst 2008.
- Skólasetning verður klukkan 10:00 fimmtudaginn 21. ágúst 2008.
- Kennsla á haustönn hefst samkvæmt stundaskrá föstudaginn 22. ágúst 2008.
- Fræðslufundur fyrir foreldra nýnema verður miðvikudaginn 17. september 2008.
- Þórsmerkurferð nýnema verður farin dagana 16.-18. september 2008.
- Haustfrí verður fimmtudaginn 16. október og föstudaginn 17. október 2008.
- Síðasti kennsludagur haustannar verður þriðjudaginn 2. desember 2008.
- Jólapróf hefjast miðvikudaginn 3. desember 2008.
- Jólaprófum lýkur þriðjudaginn 16. desember 2008.
31.05.2008
Pizzuboð hjá skólameistara
Sú skemmtilega hefð hefur skapast í Kvennaskólanum að þeim bekk, sem hefur bestu raunmætinguna á skólaárinu, hefur verið boðið í pizzuveislu heim til skólameistarans. Í ár urðu tveir bekkir hnífjafnir þannig að ákveðið var að bjóða þeim báðum ásamt Ingibjörgu A. og Sólveigu umsjónarkennurum bekkjanna. Það voru 3-NS og 1-NA sem stóðu sig best í mætingunum í vetur og mættu þeir heim til Ingibjargar skólameistara mánudagskvöldið 26. maí þar sem þeir áttu ánægjulega kvöldstund áður en þeir héldu út í sumarið. Nánar30.05.2008
Viðgerð á póstkerfi lokið
Viðgerð á tölvupóstkerfi Kvennaskólans lauk eftir hádegi í dag og kerfið virkar nú með eðlilegum hætti. Nánar26.05.2008
Skólaslit Kvennaskólans í Reykjavík
KVENNASKÓLANUM í Reykjavík var slitið í 134. sinn við hátíðlega athöfn í Hallgrímskirkju 23. maí að viðstöddu fjölmenni. Brautskráður var 141 stúdent að þessu sinni. Verðlaun úr Minningarsjóði frú Þóru Melsteð, stofnanda Kvennaskólans í Reykjavík, fyrir hæstu meðaleinkunn og bestan heildarárangur á stúdentsprófi 2008 fyrstu ágætiseinkunn 9,59 hlaut Sigurlaug S. Friðþjófsdóttir. Sigurlaug hlaut 10,0 í meðaleinkunn úr 4. bekk og er hún dúx skólans. Nánar23.05.2008
Próftafla endurtökuprófa
Endurtökupróf í 1.-3. bekk fara fram fimmtudaginn 29. og föstudaginn 30. maí. Hægt er að sjá hvenær og hvar nemendur eiga að mæta í viðkomandi próf með því að smella hér. Einnig er hægt að velja Próftafla undir Í deiglunni af valröndinni hægra megin á síðunni. Nánar16.05.2008
Lokadagar vorannar
Nokkrar mikilvægar dagsetningar síðustu daga skólaársins:Afhending einkunna fyrir veturinn og prófsýning verður þriðjudaginn 20. maí kl. 9:00 árdegis í Uppsölum.
Útskrift stúdenta verður föstudaginn 23. maí kl. 13:00 í Hallgrímskirkju. Útskrift og myndataka tekur u.þ.b. 2 klst. og síðan er móttaka í Kvennaskólanum við Fríkirkjuveg.
Endurtökupróf fyrir 1. 2. og 3. bekk verða fimmtudaginn 29. maí og föstudaginn 30. maí kl. 8:30 í N2 – N4. Nánar auglýst síðar. Nánar
13.05.2008
Kellingablaðið - Heimasíða í Fjölmiðlafræði 303
Vert er að vekja athygli á heimasíðu sem nemendur í Fjölmiðlafræði 303 bjuggu til á önninni. Heimasíða þessi fékk nafnið Kellingablaðið og slóðin á hana er http://www.freewebs.com/kellingabladid/ Nánar05.05.2008
Vortónleikar í Fríkirkjunni, laugardaginn 10. maí kl. 16
Kór Kvennaskólans í Reykjavík heldur vortónleika í Fríkirkjunni laugardaginn 10. maí kl. 16.00. Sungin verða lög af margvíslegum toga frá ólíkum heimshornum, ýmist með eða án undirleiks. Stjórnandi er Margrét Helga Hjartardóttir og píanóleikari á tónleikunum er Ólöf Jónsdóttir. Auk þess leikur Þórður Jóhannesson á gítar með kórnum og Andri Björn Róbertsson syngur einsöng. Gestakór tónleikanna verður Kór Iðnskólans í Reykjavík undir stjórn Kristínar Þóru Haraldsdóttur. Allir hjartanlega velkomnir - ókeypis aðgangur! Kaffisala á vegum kórsins verður í matsal skólans eftir tónleika. Nánar30.04.2008
Útskriftarnemar kveðja
Í morgun var Dimmisjón útskriftarnemenda. Að venju voru þeir klæddir í hina skrautlegustu búninga og komu við í skólanum og kvöddu kennara og aðra nemendur með uppákomu á sal. Í dag verður brugðið á leik í bænum og í kvöld hittast nemendur og kennarar og eiga saman kvöldstund í boði nemenda. Nánar30.04.2008
Myndir úr Njáluferð
Miðvikudaginn 23. apríl fóru nemendur í 2. bekk ásamt kennurum sínum í ferð á Njáluslóðir. Tilgangurinn var að skoða sögusvið Njálu sem nemendur höfðu verið að lesa. Ferð þessi er árlegur viðburður og heppnast jafnan mjög vel. Nokkrar myndir úr ferðinni eru komnar á myndasíðu heimasíðunnar. Nánar22.04.2008
Umhverfis- og fegrunarátak í lífsleikni
Í lífsleikni í vetur hafa nemendur fræðst um umhverfið og m.a. verið lögð áhersla á að umgengni okkar skipti máli og hver og einn beri ábyrgð gagnvart eigin umhverfi. Í tengslum við umhverfisfræðsluna munu allir nemendur í 1. bekk taka til hendinni á næstu dögum með því að fara út og hreinsa og snyrta skólalóðirnar og nánasta umhverfi. Nánar22.04.2008
3. bekkur að Gljúfrasteini
Mánudaginn 21. apríl fóru þrír þriðjubekkir með íslenskukennaranum sínum upp að Gljúfrasteini til að skoða hús skáldsins. Kynningin var tvískipt. Meðan hluti hópsins skoðaði húsið og fékk fræðslu um skáldið sjálft, húsið og innbúið fékk hinn hlutinn kynningu um Íslandsklukkuna og Sjálfstætt fólk, bækurnar eftir Laxness sem þau hafa verið að lesa í vetur. Hinir þriðjubekkirnir þrír munu fara að Gljúfrasteini seinna í þessari viku. Nánar20.04.2008
Kvennaskólanemandi á Ólympíuleikum
Kristín Björg Arnardóttir nemandi í 4.NS hefur verið valin í lið Íslands til að taka þátt í Ólympíuleikum í eðlisfræði sem fara munu fram í Hanoi í Víetnam í sumar. Kristín tók þátt í eðlisfræði(for)keppni framhaldsskólanna sem var háð s.l. febrúar og náði að komast í 15 manna úrslit, eina stúlkan í þeim hópi. Hún tók síðan þátt í úrslitakeppninni í mars s.l. og náði að komast í 5 manna lið sem keppa mun fyrir Íslands hönd á fyrrnefndum Ólympíuleikum í eðlisfræði. Við óskum henni góðs gengis á þeim leikum. Nánar17.04.2008
Frumsýningargestir ánægðir
Eins og fram hefur komið frumsýndi Fúría í gærkvöldi leikrit sitt þetta árið, 1001 nótt og var uppselt á frumsýninguna. Frumsýningargestir voru ánægðir með sýninguna og óhætt er að hvetja alla til að tryggja sér miða sem fyrst. Smellið á Nánar til að sjá upplýsingar um sýningartíma og miðasölu. Nánar16.04.2008
Heimsókn að Sólheimum
Þriðjudaginn 15. apríl fóru nemendur í sálfræði í heimsókn að Sólheimum í Grímsnesi. Valgeir Backmann tók á móti hópnum, sagði sögu Sólheima og sýndi nemendum svæðið. Á smíðaverkstæðinu tók starfsmaður lagið fyrir hópinn og lék undir á hljóðfæri. Nemendum var einstaklega vel tekið af starfsfólki og heimamönnum. Nánar13.04.2008
Fúría sýnir 1001 nótt
Miðvikudaginn 16. apríl kl. 20 frumsýnir Fúría 1001 nótt í leikstjórn Margrétar Kaaber. Aðrar sýningar eru sem hér segir: Föstudaginn 18. apríl kl. 20, laugardaginn 19. apríl kl. 18 og 22, sunnudaginn 20. apríl kl. 20 og mánudaginn 21. apríl kl. 20. Leikritið er sýnt í Uppsölum (Gamla Versló við Hellusund). Hægt er að panta miða í síma 867-7738 og 846-2946 allan daginn um helgar og eftir klukkan 17 virka daga. Verð Keðjan 1200, aðrir 1500. Nánar12.04.2008
Vel heppnaður Peysufatadagur
Í gær héldu nemendur á þriðja ári Peysufatadaginn hátíðlegan. Morguninn hófst á morgunverði á Hallveigarstöðum í boði ungra jafnaðarmanna. Að morgunverði loknum var haldið í Menntamálaráðuneytið þar sem var dansað og sungið fyrir Aðalstein Eiríksson fyrrverandi skólameistara Kvennaskólans og annað starfsfólk ráðuneytisins. Þá var Bessí Jóhannsdóttir formaður skólanefndar Kvennaskólans heimsótt og dansað og sungið fyrir utan heimili hennar. Klukkan ellefu var komið í Kvennaskólann og dansað og sungið fyrir aðra nemendur og starfsfólk skólans. Nánar10.04.2008
Peysufatadagur
Á morgun, föstudaginn 11. apríl, halda nemendur í 3. bekk Kvennaskólans sinn árlega peysufatadag. Fyrir þá sem hafa áhuga á að sjá hópinn og jafnvel taka myndir af honum má benda á að hópurinn verður staddur við Kvennaskólann klukkan rúmlega 11 í fyrramálið. Allir velkomnir. Nánar07.04.2008
Fúría sýnir í Uppsölum
Það gengur mikið á þessa dagana í Uppsölum. Mikil tiltekt hefur átt sér stað undanfarið á sviðinu auk þess sem það hefur verið stækkað. Ástæðan er sú að Fúría, leikfélag Kvennaskólans frumsýnir leikgerð af sögum úr 1001 nótt þann 16. apríl í Uppsölum. Leikstjóri að þessu sinni er Margrét Kaaber leikkona en þess má til gamans geta að hún er fyrrverandi nemandi Kvennaskólans. Nánar verður sagt frá sýningum Fúríu þegar nær dregur frumsýningu. Nánar05.04.2008
Kórspuni í LHÍ við Sölvhólsgötu
Nokkrir framhaldsskólakórar vinna nú saman að spunaverkefni undir stjórn Gunnars Ben. Vinnan fer þannig fram að kórarnir hittast og semja saman bæði lög og texta, ýmist hver kór fyrir sig eða allir saman. Í verkefninu taka þátt félagar úr Kór Kvennaskólans í Reykjavík, Kór Iðnskólans í Reykjavík, Kór Menntaskólans við Sund og Kór Verslunarskólans. Afrakstur vinnunnar, alls þrjú stutt verk, verður fluttur laugardaginn 5. apríl kl. 16.00 í Sölvhóli, tónleikasal Listaháskóla Íslands, Sölvhólsgötu 13, 3. hæð. Aðgangur er ókeypis og allir hjartanlega velkomnir. Nánar04.04.2008
Flott Rymja
Þriðjudaginn síðastliðinn hélt nemendafélag Kvennaskólans hina árlegu söngkeppni, Rymju. Keppnin var hörð í ár og úr vöndu að ráða fyrir dómnefndina. Rakel Mjöll í 3T flutti frumsamið lag og lenti í 1. sæti. Auk þess var atriði hennar valið það frumlegasta. Hún verður fulltrúi Kvenskælinga á Söngkeppni framhaldsskólanna sem fram fer á Akureyri laugardaginn 12. apríl. Snædís, Matta og Stella í 4NL fluttu lagið Calling you og lentu í 2. sæti en í 3. sæti lentu Andrés 2NF og Hekla 2T fyrir skemmtilegan flutning á laginu Ladybird. Nánar02.04.2008
Heimsókn í Læknagarð
4.NS fór í heimsókn í Læknagarð s.l. miðvikudag þar sem Logi Jónsson og Björg Þorleifsdóttir tóku á móti þeim og sýndu þeim ýmislegt sem tengist námi í lífeðlisfræði í H.Í. Krakkarnir höfðu bæði gagn og gaman af þessu. Nánar31.03.2008
2T er í Sönderborg
2T er í Sønderborg ásamt Björk og Erlu Elínu. Hópurinn kom í fyrradag til Kaupmannahafnar, spókaði sig á Strikinu og verslaði smávegis. Sunnudagurinn var helgaður heimsókn í safn Karenar Blixen og listasafnið Louisiana og svo var ekið með rútu til Suðurjótlands þar sem 2X í Statsskolen Sønderborg tók á móti þeim. 2T býr heima hjá nemendum 2X og það var ekki laust við nokkurn kvíða þegar við keyrðum að skólanum og nemendur Kvennaskólans sáu "nýju fjölskyldurnar sínar". Allt fór þó vel og allir voru ánægðir. Nánar27.03.2008
Opið hús 2. apríl
Miðvikudaginn 2. apríl verður opið hús í Kvennaskólanum í Reykjavík, Fríkirkjuvegi 9, frá kl. 18:00 til 22:00. Námsframboð skólans, inntökuskilyrði og félagslíf verður kynnt. Þarna gefst tækifæri til að kynnast starfsemi skólans og hitta námsráðgjafa og kennara auk fulltrúa frá nemendafélagi skólans. Kynningin er einkum ætluð 10. bekkingum grunnskóla og aðstandendum þeirra en allir eru velkomnir. Nánar14.03.2008
CSI?
Þeim leiddist ekki stelpunum í 3NL í morgun í LÍF103. Þær krufu svín undir handleiðslu Krístínar Marínar líffræðikennara og minnti stofa N6 næstum því á líkhúsið í CSI. Þær fundu ósæðina og skáru sundur hjarta og ýmislegt fleira áhugavert. Nánar14.03.2008
Náttfatapartý í Uppsölum!
Fimmtudaginn 13. mars skipulögðu mentorar og börn náttfatapartý í Uppsölum. Þar mættu mentorar og börn í náttfötum með bangsa og teppi. Eftir að hafa horft á mynd og fengið sér að borða þá tók við æsispennandi feluleikur um allt hús. Hægt var að fela börnin í skúffum og skápum. Í lokin var farið í keppni í "hengimann", mentorar eða stórir á móti börnum eða litlum. Mentorverkefnið Vinátta er verkefni sem boðið uppá sem kjörsvið-/valáfanga fyrir útskriftarnemendur í framhaldsskólum. Nánar14.03.2008
Páskaleyfi
Páskaleyfi hefst laugardaginn 15. mars. Kennsla hefst að nýju samkvæmt stundaskrá miðvikudaginn 26. mars. Vonandi hafa allir það sem best í fríinu og mæta hressir og endurnærðir til starfa á ný að því loknu. Nánar13.03.2008
1NF og NA á sýningunni 871 ± 2
Nemendur 1NF og NA fóru í vikunni í sögutímanum á sýninguna 871 ± 2. Á sýningunni er fjallað um landnám í Reykjavík og byggt er á fornleifarannsóknum sem fram hafa farið í miðbænum. Miðpunktur sýningarinnar er skálarúst frá 10. öld, sem fannst þegar grafið var fyrir nýju húsi á horni Aðalstrætis og Túngötu. Búið var í skálanum frá því um 930 til 1000. Norðan við skálann fannst veggjarbútur sem er ennþá eldri, eða frá því um eða fyrir 871 og eru það elstu mannvistarleifar sem fundist hafa á Íslandi. Nánar12.03.2008
Frábær árangur í Þýskuþraut
Miðvikudaginn 27. febrúar sl. var haldin Þýskuþraut í framhaldskólum landsins en það er ,,keppni” í þýsku sem haldin er á vegum Félags þýskukennara á Íslandi. Nokkrir nemendur frá Kvennaskólanum tóku þátt og lentu þrír þeirra í einum af átta efstu sætunum sem er frábær árangur. Það eru María Lind Sigurðardóttir í 3. NÞ, Heimir Örn Guðnason í 1.T og Andri Björn Róbertsson í 3. T. María og Andri fá bókaverðlaun en Heimir fær í verðlaun 4 vikna dvöl í Þýskalandi næsta sumar. Nánar05.03.2008
Nemendur í fjölmiðlafræði heimsækja RÚV
Fimmtudaginn 28. febrúar s.k. fór hópur nemenda í fjölmiðlafræði (FJÖ103) í Ríkisútvarpið til að kynna sér starfsemina. Þar fengu nemendur að fylgjast með útsendingu í útvarpi, fara í stúdíó og sjá þar "galdra" gerast. Sáu nemendur söguna ljóslifandi þegar farið var í gegnum leikmunageymsluna. Á móti hópnumtók Steindór Ingi Snorrason starfsmaður markaðsdeildar. Nánar05.03.2008
Nemendur í afbrotafræði heimsóttu Barnahús
Nemendur í afbrotafræði fóru í síðustu viku í heimsókn í Barnahús. Þorbjörg Sveinsdóttir tók á móti okkur og sagði okkur frá starfsemi Barnahúss og starfi sínu þar. Barnahús hóf starfsemi sína árið 1998 og sinnir málefnum barna sem grunur leikur á að hafa sætt kynferðislegri áreitni eða ofbeldi. Rekstur þess er á vegum Barnaverndarstofu sem fer með stjórn barnaverndarmála í umboði félagsmálaráðuneytisins. Nánar04.03.2008
Kynning á Fiðrildavikunni
Miðvikudaginn 5. mars kemur fulltrúi UNIFEM á Íslandi í heimsókn í Kvennaskólann til að kynna Fiðrildavikuna sem stendur frá 3. mars til 8. mars og er ætlað að vekja athygli á ofbeldi gegn konum í þróunarlöndum og á stríðshrjáðum svæðum. Meðal annars fer fram Fiðrildaganga miðvikudaginn 5. mars kl. 20.00 þar sem gengið verður frá húsakynnum UNIFEM á mótum Frakkastígs og Laugavegs, niður á Austurvöll. Kynningin í Kvennaskólanum verður í hádegishléinu í matsalnum miðvikudaginn 5. mars. Hægt er að lesa nánar um Fiðrildavikuna í auglýsingu UNIFEM á Íslandi með því að smella hér (Word-skjal). Nánar19.02.2008
Tjarnardagar
Í dag hófust hinir árlegu Tjarnardagar í Kvennaskólanum. Í morgun var boðið upp á kynningu á valgreinum sem í boði verða næsta vetur og eftir hádegi hefst skipulögð dagskrá þar sem nemendur mæta ekki samkvæmt hefbundinni stundaskrá heldur taka þátt í ýmsum námskeiðum og mæta á fyrirlestra um ólíkustu efni. Dagskrá þessi stendur fram á fimmtudag, en þá verður árshátíð nemendafélagsins Keðjunnar haldin á Hótel Selfossi. Allir verða í leyfi á föstudaginn en síðan tekur hefðbundið skólahald við að nýju næstkomandi mánudag. Nánar18.02.2008
Nemendur í Parísarferð
Síðastliðinn föstudag lögðu nemendur í Parísaráfanganum (frönsku 473) í hann, áleiðis til Parísar. Þar dvelur hópurinn fram á miðvikudag (20. febrúar). Hópurinn dvelur á Hôtel New Parnasse og eru tveir kennarar með í för (Margrét Helga Hjartardóttir og Jóhanna Björk Guðjónsdóttir) en nemendurnir eru 15 talsins. Dagskráin er nokkuð þétt, nemendur heimsækja merkisstaði í borginni og vinna verkefni þar sem þeir þurfa m.a. að taka viðtöl við Parísarbúa og þá er t.d. gönguferð undir leiðsögn Kristínar Jónsdóttur á dagskrá í fyrramálið (þriðjudag). Hópurinn heldur úti blogg-síðu á meðan á ferðinni stendur og er slóðin á hana: http://www.blog.central.is/paris2008. Nánar17.02.2008
Forval næsta vetrar
Kynning á valáföngum sem í boði eru næsta vetur fer fram þriðjudagsmorguninn 19. febrúar kl. 9 - 10 fyrir 1. og 2. bekk og kl. 10 - 11:30 fyrir 3. bekk í stofum N2 - N4. Sama dag skila nemendur forvalsblaði til umsjónarkennara þar sem þeir merkja við þá áfanga sem þeir vilja helst taka. Nánar15.02.2008
Frábær frammistaða í naumu tapi
Það var mikil spenna sem var boðið upp á í Smáralind í kvöld þegar lið Kvennaskólans og MH áttust við í átta liða úrslitum Gettu Betur. Staðan var jöfn í lokin, en þá hafði hvort lið fyrir sig hlotið 27 stig. Því var gripið til framlengingar og ekki minnkaði spennan því grípa þurfti til aukaspurninga í framlengingunni til að knýja fram úrslit. Að lokum urðu Kvenskælingar að játa sig sigraða þegar MH-ingar náðu að svara lokaspurningunni rétt og lokatölur urðu 28-29. Nánar14.02.2008
Gettu betur
Kvennaskólinn keppir við MH í 8 liða úrslitum Gettu betur í beinni útsendingu í sjónvarpinu föstudaginn 15. febrúar. Upptakan fer fram í Vetrargarðinum og eru allir hvattir til að mæta og standa með sínu fólki. Útsendingin hefst kl. 20:10 en hægt er að mæta frá kl. 19:30. Nánar10.02.2008
Háskóladagurinn 16. febrúar 2008
Laugardaginn 16. febrúar verður haldinn hinn árlegi Háskóladagur þar sem kynntar verða yfir 500 námsleiðir á háskólastigi. Það er kjörið fyrir þá sem hyggja á háskólanám að mæta á Háskólatorg Háskóla Íslands, í Ráðhús Reykjavíkur og/eða Norræna húsið til að kynna sér hvað hinir ýmsu háskólar á Íslandi og í Danmörku hafa upp á að bjóða. Hægt er að kynna sér Háskóladaginn nánar á haskoladagurinn.is. Nánar08.02.2008
Liðsauki í náms- og starfsráðgjöf
Lilja Þorkelsdótir, nemi í náms- og starfsráðgjöf við Félagsvísindadeild HÍ, verður í starfsþjálfun í Kvennaskólanum á vorönn 2008. Hún mun starfa með námsráðgjöfum skólans og taka virkan þátt í þeirri þjónustu sem náms- og starfsráðgjöfin hefur upp á að bjóða. Lilja mun hafa fasta viðveru alla mánudaga og þriðjudaga fram í miðjan mars. Hún er boðin innilega velkomin til starfa. Nánar29.01.2008
Erlendir kennaranemar í heimsókn
29. jan. til 8. febrúar verða tveir erlendir kennaranemar í heimsókn í Kvennaskólanum. Þær heita Lara Buffoni frá Ítalíu og Katharina Angerer frá Austurríki. Heimsóknin er hluti af fjölþjóðlegu verkefni sem þær taka þátt í ásamt kennaranemum við HÍ. Þær munu nota tímann til að kynna sér skólastarfið m.a. með því að fylgjast með kennslu í erlendum tungumálum. Einnig munu þær kenna sín eigin móðurmál og menningu. Lara og Katharina eru boðnar velkomnar í Kvennó. Nánar28.01.2008
Listavika
Nú stendur yfir Listavika í Kvennaskólanum. Megin þema vikunnar er Disney. Lög úr Disney-myndum er sungin í hádeginu, horft á Disney-myndir og nemendur mæta klæddir sem Disney-persónur í skólann. Listavikunni lýkur á miðvikudag með dansleik. Nánar17.01.2008
Komin í 8-liða úrslit
Í gærkvöldi bar lið Kvennaskólans sigurorð af liði Menntaskólans að Laugarvatni í Gettu betur. Staðan eftir hraðaspurningar var 8-6 Kvennaskólanum í vil. Eftir það fengu Laugvetningar einungis tvö stig á meðan Kvenskælingar bættu sjö stigum við og unnu öruggan 15-8 sigur. Lið Kvennaskólans er því komið í 8-liða úrslit en þau fara fram í Sjónvarpinu. Nánar16.01.2008
Gettu betur - 2. umferð
Í kvöld kl. 19.30 keppir lið Kvennaskólans í 16-liða úrslitum Gettu betur og verða andstæðingarnir lið Menntaskólans að Laugarvatni. Hægt er að hlusta á beina útsendingu frá viðureigninni á Rás 2 eða mæta í Efstaleitið og fylgjast með á staðnum. Lið Kvennaskólans skipa Gísli Erlendur Marínósson 2NÞ, Jörgen Már Ágústsson 2NÞ og Þórdís Inga Þórarinsdóttir 4FS. Nánar10.01.2008
Gettu betur
Lið Kvennaskólans tók þátt í Gettu betur, spurningakeppni framhaldsskólanna á RÚV, í gær. Keppt var við lið Flensborgarskóla og höfðu Kvenskælingar betur, sigruðu í viðureigninni með 19 stigum gegn 16 stigum Hafnfirðinga. Lið Kvennaskólans er þar með komið áfram í aðra umferð. Nánar02.01.2008
Skólabyrjun á vorönn 2008
Kennsla hefst mánudaginn 7. janúar samkvæmt nýrri stundaskrá. Stundaskráin verður aðgengileg í Innu föstudaginn 4. janúar og eru nemendur beðnir um að skoða hana þar. Bókalisti skólaársins er hér á heimasíðunni. Nánar20.12.2007
Gleðileg Jól!
Kvennaskólinn í Reykjavík sendir nemendum sínum, starfsfólki og öllum velunnurum skólans bestu jóla- og nýársóskir. Nánar20.12.2007
Skrifstofa skólans
Í jólaleyfinu verður skrifstofa skólans lokuð. Þó verður opið föstudaginn 28. desember frá 9:00-14:00 og fimmtudaginn 3. janúar frá 9:00-14:00. Opnum aftur kl. 8:00 föstudaginn 4. janúar. Nánar17.12.2007
Einkunnaafhending og prófsýning
Fimmtudaginn 20. desember verða einkunnir haustannar afhentar og einnig gefst nemendum kostur á að skoða prófúrlausnir sínar. Nemendur mæti í Uppsali kl. 9.00. Nánar11.12.2007
Prófstaðir í jólaprófum
Til að auðvelda nemendum að sjá hvar þeir eigi að taka prófin sín hefur staðsetningartafla prófanna verið sett á heimasíðuna. Hægt er að sjá töfluna með því að smella hér.. Nánar05.12.2007
Jólapróf
Prófatörn jólaprófa í Kvennaskólanum er hafin. Prófað er hvern virkan dag til 14. desember en að auki verða sjúkrapróf mánudaginn 17. desember. Fimmtudaginn 20. desember verða síðan einkunnaafhending og prófsýning. Nánar01.12.2007
Aðventutónleikar Kórs Kvennaskólans, 2. desember kl. 20.00
Kór Kvennaskólans heldur aðventutónleika í Fríkirkjunni á fyrsta sunnudegi í aðventu, sunnudagskvöldið 2. desember kl. 20.00. Sungin verða nokkur verk af ýmsu tagi en megináherslan lögð á íslensk og erlend jólalög. Nokkrir kórfélaga leika á hljóðfæri og einn kórfélagi syngur einsöng. Stjórnandi kórsins er Margrét Helga Hjartardóttir og píanóleikari Þórunn Þórsdóttir, stúdent frá Kvennaskólanum. Aðgangur er ókeypis og allir hjartanlega velkomnir. Nánar25.11.2007
Spennandi keppni í MORFÍS
Föstudaginn 23. nóvember kepptu Kvennaskólinn og Verslunarskólinn í MORFÍS. Keppnin fór fram í sal Verslunarskólans og umræðuefnið var Bandaríkin. Verslunarskólinn vann keppnina en engu að síður var um hörku keppni að ræða, mikið fjör og allt fór vel fram. Nánar25.11.2007
Dagur íslenskrar tungu haldinn hátíðlegur
Dags íslenskrar tungu, 16. nóvember, var minnst í Kvennaskólanum eins og víða annars staðar. Í þriðju kennslustund dagsins söng Kór Kvennaskólans á nokkrum stöðum í byggingum Kvennaskólans fyrir nemendur og starfsfólk. Sungið var íslenskuljóð Þórarins Eldjárns við lag Atla Heimis Sveinssonar ásamt þremur lögum við kvæði afmælisbarnsins, Jónasar Hallgrímssonar. Nánar17.11.2007
Stofnun Sambands íslenskra framhaldsskóla
Nú á dögunum voru stofnuð ný hagsmunasamtök nema á framhaldsskólastigi, Samband íslenskra framhaldsskólanema (SÍF). Um er að ræða allsherjar hagsmuna- og þjónustufélag íslenskra framhaldsskólanema. Megin stefnumál þessa nýja félags eru að gæta hagsmuna og réttinda framhaldsskólanema sem og vera upplýsinga- og þjónustuaðili fyrrnefnds hóps. Nánar13.11.2007
Nemendur fara í leikhúsið
Það verður mikill Kvennaskólabragur í sal Þjóðleikhússins í kvöld. Nemendur skólans fjölmenna í leikhúsið til að sjá Leg og hefst sýningin kl. 20.00. Nánar08.11.2007
Æfingabúðir Kórs Kvennaskólans í Skálholti
Kór Kvennaskólans í Reykjavík var í æfingabúðum í Sumarbúðum Skálholts um síðustu helgi, frá 2.- 4. nóvember. Kórinn telur nú um 20 félaga en af þeim komust 13 með í ferðina og æfðu af miklum móð. Liður í æfingunum var gönguferð yfir í Skálholtskirkju þar sem kórinn söng fjölmörg lög í frábærum hljómburði kirkjunnar. Einnig tóku nokkrir félagar þátt í hátíðlegri bænastund á laugardeginum og messu á sunnudagsmorgni. Nánar07.11.2007
Epladagur 2007
Í dag er Epladagur í Kvennaskólanum í Reykjavík. Fyrir hádegi ganga fulltrúar nemendafélagsins í bekki og bjóða upp á epli. Kennslu lýkur kl. 13.00. Bekkirnir fara saman út að borða í kvöld og síðan er dansleikur. Leyfi er í fyrsta tíma í fyrramálið og kennsla hefst því kl. 9.20. Nánar24.10.2007
Lifandi bókasafn í Kvennó - Jafnrétti
3-FS sér um lifandi bókasafn, þema safnsins er jafnrétti. Á bókasafninu verða 9 bækur sem fjalla um ýmis svið jafnréttis, launamun kynjanna, réttindi samkynhneigðra, staðalmyndir o.fl. Þetta eru allt áhugaverð málefni sem vert er að kynna sér. Lifandi bókasafn fer fram í Uppsölum (U4) kl. 10.30 til 13.00 á morgun (fimmtudaginn 25. október). Nánar24.10.2007
Listavika
Nú stendur yfir listavika hjá nemendum skólans. Ýmsir viðburðir eru í matsal nemenda í hádeginu alla þessa viku og margt um að vera á kvöldin. Í kvöld verður salsadans kenndur, á morgun dragkeppni og á föstudagskvöldið er hljómsveitakvöld sem nefnist Viðarstokkur. Þar koma fram hljómsveitir úr röðum nemenda. Þema vikunnar er sveitin og af því tilefni hefur skólinn verið skreyttur með ýmsu sem minnir á sveitina og allir hvattir til að mæta í lopapeysum og gúmmítúttum. Nánar16.10.2007
Haustfrí 2007
Haustfrí Kvennaskólans þetta árið stendur frá fimmtudeginum 18. október til mánudagsins 22. október að báðum dögum meðtöldum. Skólinn verður lokaður þessa daga. Skrifstofan opnar að nýju að morgni þriðjudagsins 23. október og þá hefst kennsla aftur samkvæmt stundaskrá. Nánar02.10.2007
Kennaranemar í Kvennó
Undanfarin ár hefur Kvennaskólinn verið í samstarfi við HÍ um þjálfun kennaranema. Auk kennsluæfinga eru vikulegir fræðslufundir þar sem reynt er að tryggja að nemarnir fái innsýn í hinar margvíslegu hliðar skólastarfsins. Myndin er tekin af hópnum á slíkum fundi. Nemarnir eru boðnir velkomnir til starfa og þeim óskað góðs gengis. Nánar28.09.2007
Söngsalur
Í dag um klukkan ellefu söfnuðust nemendur og kennarar saman á sal og tóku lagið. Tilefnið var Evrópskur tungumáladagur sem var miðvikudaginn 26. september en þess má einnig geta að í gær, fimmtudaginn 27. september var Dagur stærðfræðinnar. Þannig að það má segja að með söngsal hafi verið settur punktur aftan við viðburðaríka viku. Söngnum stjórnuðu Erla Elín Hansdóttir og Margrét Helga Hjartardóttir en Hörður Áskelsson sá um undirleik. Nánar28.09.2007
Myndir úr Þórsmerkurferð
Á myndasíðu heimasíðu skólans er komin myndasyrpa úr Þórsmerkurferð 1. bekkjar. Ferðin tókst mjög vel og voru ferðalangir heppnir með veður og nutu útiverunnar í fallegu umhverfi Goðalands. Nánar23.09.2007
Þórsmerkurferð 1. bekkja
Það er komið að árlegri Þórsmerkurferð 1. bekkinga Kvennaskólans. Farið er í tveimur hópum 24. og 25. september. Hvor hópur mun dvelja í Básum í Goðalandi í sólarhring ásamt stjórn nemendafélagsins, skemmtinefnd og tveimur kennurum. Markmið ferðarinnar er að veita nemendum tækifæri til að kynnast betur í skemmtilegu og fögru umhverfi. Nánar11.09.2007
Fundur fyrir forráðamenn nýnema
Kynningarfundur fyrir forráðamenn nýnema Kvennaskólans í Reykjavík verður haldinn miðvikudaginn 12. september kl. 20:00 í aðalbyggingu skólans, stofum N2-N4. Á dagskrá er meðal annars: námið við skólann, skólareglur, upplýsingakerfið Inna, þjónusta námsráðgjafa og störf umsjónarkennara. Æskilegt er að forráðamenn nýnema mæti á fundinn. Skólameistari Nánar07.09.2007
Jöfnunarstyrkur
Opnað hefur verið fyrir skráningu umsókna um jöfnunarstyrk á vef LÍN, vegna skólaársins 2007-2008. Smellið á Nánar fyrir frekari upplýsingar. Nánar03.09.2007
Kórinn tekur til starfa
Kór Kvennaskólans er í startholunum eftir gott sumarfrí. Kórkynningar hafa farið fram í skólanum undanfarna daga og margir sýnt því áhuga að bætast í hópinn. Raddprufur fyrir nýliða fara fram frá kl. 16.30 mánudaginn 3. september í stofu N4. Æfingar verða héðan í frá í fyrrnefndri stofu kl. 16.30-18.30 á þriðjudögum og fimmtudögum. Þriðjudaginn 4. september verður því fyrsta æfing vetrarins en frí verður gefið fimmtudaginn 6. september vegna busavígslu og -balls. Allir áhugasamir söngelskir nemendur Kvennaskólans eru velkomnir í kórinn. Nánar27.08.2007
Viltu vera góð fyrirmynd?
Mentorverkefnið Vinátta er áfangi sem boðið er uppá hér í Kvennó. Verkefnið sem rekið er af Velferðarsjóði barna er ætlað að veita börnum á aldrinum 7-10 ára uppbyggilegan félagsskap og jákvæða fyrirmynd. Verkefnið er metið til eininga og fá mentorar greiddan útlagðan kostnað vegna dægradvalar með barninu. Nánar27.08.2007
Námsráðgjöf Kvennaskólans
Athygli er vakin á að skólaárið 2007 - 2008 eru námsráðgjafar Kvennaskólans tveir: Hildigunnur Gunnarsdóttir og Ingveldur Sveinbjörnsdóttir. Þær hafa báðar viðtalsherbergi á 2. hæð í Uppsölum. Hægt er að panta tíma hjá námsráðgjafa hjá Önnu Maríu Einarsdóttur (Maju) í Uppsölum eða með því að hringja í skólann, sími 580-7600. Sjá nánar Námsráðgjöf á kvenno.is. Nánar20.08.2007
134. starfsár Kvennaskólans hefst
Þá er komið að því að Kvennaskólinn í Reykjavík hefji sitt 134. starfsár. Skólasetning Kvennaskólans verður í Fríkirkjunni í Reykjavík þriðjudaginn 21. ágúst klukkan 14:00. Að henni lokinni hitta nemendur umsjónarkennarann og bekkjarfélaga sína í skólanum og fá stundatöflu og bókalista. Kennsla hefst samkvæmt stundaskrá miðvikudaginn 22. ágúst. Nánar15.08.2007
Tilkynning til nemenda 2. bekkjar:
Nemendum 2. bekkjar stendur til boða að kaupa tvær námsbækur í íslensku með 25% afslætti hjá Bókaútgáfunni Bjarti, Bræðraborgarstíg 9. Þetta eru Guðirnir okkar gömlu eftir Sölva Sveinsson og Ormurinn langi. Leiftur úr íslenskum bókmenntum 900-1900. Bragi Halldórsson, Knútur Hafsteinsson og Ólafur Oddsson tóku saman. Nemendur þurfa að fara á Bræðraborgarstíg 9 og kaupa bækurnar þar. Nánar14.08.2007
Tilkynning til nemenda 1. bekkjar:
Námsefnið Tungutak sem kennt verður í íslensku er ekki komið í bókaverslanir en er væntanlegt í næstu viku. Nemendum er bent á að bíða með að kaupa bækurnar þar til þeir hafa hitt íslenskukennara sína. Nánar10.08.2007
Bókalisti 2007-2008 tilbúinn
Bókalisti fyrir skólaárið 2007-2008 er kominn á heimasíðu Kvennaskólans. Hægt er að skoða listann t.d. með því að velja Bókalisti af valmyndinni hægra megin á síðunni. Nánar27.06.2007
Sumarleyfi og upphaf haustannar
Skrifstofa Kvennaskólans verður lokuð vegna sumarleyfa frá og með föstudeginum 29. júní og opnar aftur þriðjudaginn 7. ágúst klukkan 9:00. Skólasetning verður í Fríkirkjunni í Reykjavík þriðjudaginn 21. ágúst klukkan 14:00. Að henni lokinni hitta nemendur umsjónarkennarann og bekkjarfélaga sína í skólanum og fá stundatöflu og bókalista. Nánar25.06.2007
Mikil aðsókn að Kvennaskólanum
Mikil aðsókn var að Kvennaskólanum í ár eins og verið hefur undanfarin ár. Um 280 nemendur sóttu um skólann sem aðalskóla en um 650 nemendur höfðu Kvennaskólann sem varaskóla í umsókn sinni. Teknir voru 160 nemendur inn á 1. ár og um 10 nemendur í 2. – 4. bekk. Nánar09.06.2007
Kórinn í Madrid
Kór Kvennaskólans er nú í Madrid og gengur ferðin mjög vel. Veðrið hefur verið með besta móti, sól og blíða alla vikuna. Kórinn hefur sungið víða en hápunktur ferðarinnar var miðvikudagskvöldið 6. júní þegar kórinn hélt tónleika í kirkjunni "San Jerónimo el Real" sem þekkt er fyrir góðan hljómburð. Tónleikarnir gengu mjög vel og var kórnum fagnað innilega af tónleikagestum. Nánar08.06.2007
Kvennaskólinn í Reykjavík - Innritun
Innritun nýnema fyrir skólaárið 2007-2008 stendur til 11. júní. Innritunin er rafræn og fer fram í gegnum www.menntagatt.is. Kvennaskólinn í Reykjavík býður bóknám til stúdentsprófs á þremur brautum: - Félagsfræðabraut - Málabraut - Náttúrufræðibraut Nánar06.06.2007
Skólaslit Kvennaskólans í Reykjavík
Kvennaskólanum í Reykjavík var slitið í 133 sinn við hátíðlega athöfn í Hallgrímskirkju 25. maí síðastliðinn. 144 stúdentar voru brautskráðir að þessu sinni en það er stærsti útskriftarárgangur skólans til þessa. Hæstu meðaleinkunn á stúdentsprófi hlaut Nanna Einarsdóttir 9,58 og hún hlaut einnig hæstu meðaleinkunn á bekkjarprófi sem nokkru sinni hefur náðst við skólann 10.0. Nánar04.06.2007
1NA í pizzuveislu
Hefð er fyrir því að verðlauna þann bekk sem sýnir bestu skólasókn hvers vetrar í Kvennaskólanum með pizzuveislu heima hjá skólameistara. 1NA var með bestu mætingu allra bekkja þennan veturinn eða meðalraunmætingu 95%. Þeim var því boðið til skólameistara ásamt umsjónarkennara þeirra, Ásdísi Ingólfsdóttur. Nánar02.06.2007
Könnun á náms- og starfsvali nemenda í 4. bekk Kvennaskólans 2006-2007
Nemendur hjá Hildigunni Gunnarsdóttur í uppeldisfræði (UPP 303) í vor gerðu athyglisverða könnun á náms- og starfsvali nemenda í 4. bekk veturinn 2006-2007. Þetta var hluti af lokaverkefni í áfanganum UPP 303 sem er rannsóknartengdur áfangi í félagsvísindum. Hægt er að skoða niðurstöðurnar með því að ... Nánar02.06.2007
Kórinn í Madrid
Kór Kvennaskólans verður í söngferð í Madrid dagana 2.-10. júní. Í ferðinni taka þátt 27 kórfélagar, kórstjóri, Margrét Helga Hjartardóttir og fararstjóri, Elva Björt Pálsdóttir sem báðar eru kennarar við skólann. Kórinn mun dvelja í hjarta borgarinnar og vera duglegur við að syngja fyrir borgarbúa og gesti Madridar á torgum og í almenningsgörðum. Nánar30.05.2007
Myndir frá útskriftardegi
Föstudaginn 25. maí voru útskrifaðir stúdentar frá Kvennaskólanum í Reykjavík. Athöfnin fór fram í Hallgrímskirkju og að athöfn lokinni gæddu nýstúdentar, aðstandendur, starfsfólk og afmælisárgangar sér á veitingum í Kvennaskólanum við Fríkirkjuveg. Nánar23.05.2007
Endurtökupróf í 1.-3. bekk
Endurtökupróf í 1.-3. bekk fara fram dagana 30. maí - 1. júní. Prófin hefjast öll kl. 8.30 og eru haldin í stofum N2-N3 nema verklegar íþróttir sem eru í World Class. Hér má sjá hvaða próf eru haldin og hvenær: Nánar22.05.2007
Einkunnaafhending 2007
Í morgun fór fram í Uppsölum einkunnaafhending Kvennaskólans fyrir skólaárið 2006-2007 sem er 133. starfsár skólans. Oddný Hafberg skólameistari hélt stutta tölu þar sem fram kom að í vetur hefðu 570 nemendur verið við nám í skólanum og stúdentar sem útskrifast á föstudag verða 144 talsins. Oddný greindi líka frá því að 23 nemendur hefðu hlotið 1. ágætiseinkunn Nánar15.05.2007
Próflok og útskrift
Nú er prófum í Kvennaskólanum þetta vorið að ljúka, útskrift stúdenta og skólaslit á næstu grösum. Það styttist í að nemendur hverfi til sumarvinnu eða á vit nýrra ævintýra eftir vetur við Tjörnina í Reykjavík sem vonandi hefur reynst öllum gagnlegur og skemmtilegur. Síðustu prófin að þessu sinni eru miðvikudaginn 16. maí og sjúkrapróf föstudaginn 18. maí. Nánar09.05.2007
Vinátta - lokahátíð
Lokahátíð mentorverkefnisins Vináttu var haldin í fjölskyldu- og húsdýragarðinum 29. apríl s.l. Þá hittust öll mentorpör skólaársins 2006-2007 og gerðu sér glaðan dag. Kvennaskólinn býður uppá mentorverkefnið Vináttu sem kjörsviðs- og/eða valáfanga fyrir nemendur á 4. ári í skólanum. Markmið verkefnisins er að framhalds- og háskólanemendar verði jákvæðar fyrirmyndir fyrir grunnskólabörn á aldrinum 7-10 ára. Nánar08.05.2007
Hvað áttu að kjósa?
Margir þeir sem eru að kjósa í fyrsta sinn eiga í töluverðum vandræðum með að gera upp hug sinn. Þeir sem fylgjast ekki því betur með sjá oft ekki mun á milli flokka og oft heyrist þessi söngur, þeir eru allir eins. En því er ekki alveg svo farið. Flokkarnir hafa stefnu sem lesa má úr stefnuskrám og yfirlýsingum. Nemendur í nýrri deild HSH (heimspeki, stjórnmálafræði, hagfræði) við Háskólann á Bifröst gerðu misserisverkefni sitt ... Nánar08.05.2007
4. T heimsækir þjóðdeild Þjóðarbókhlöðu
Á dögunum heimsóttu stúdentsefni á málabraut þjóðdeild Þjóðarbókhlöðu með íslenskukennara sínum en bekkurinn hefur lagt stund á málsögu á vorönn. Tilgangurinn var að sjá frumútgáfu af þýðingu Odds Gottskálkssonar á Nýja testamentinu sem kom út í Hróarskeldu árið 1540. Starfsmennirnir Guðrún Eggertsdóttir og Jökull Sævarsson tóku á móti hópnum og miðluðu af fróðleik sínum. Nánar06.05.2007
Umhverfis- og fegrunarátak í lífsleikni
Í lífsleikni í vetur hafa nemendur fræðst um umhverfið og m.a. verið lögð áhersla á að umgengi okkar skipti máli og hver og einn beri ábyrgð gagnvart eigin umhverfi. Nemendur í 1. bekk fengu tækifæri til að huga betur að umhverfi sínu með því að fara út og hreinsa og snyrta skólalóðirnar og nánasta umhverfi. Nánar03.05.2007
Nemandi Kvennaskólans fær verðlaun í samkeppni F-líf
F-líf – Félag lífsleiknikennara í framhaldsskólum efndi til samkeppni um merki félagsins meðal framhaldsskólanema og Sunna Jónsdóttir, nemandi í Kvennaskólanum hlaut þriðju verðlaun. F-líf, fagfélag lífsleiknikennara í framhaldsskólum var stofnað á síðastliðnu ári. Markmið félagsins er að vinna að framförum og umbótum í kennslu í lífsleikni í framhaldsskólum á Íslandi. Nánar29.04.2007
Vortónleikar kórs Kvennaskólans
Kór Kvennaskólans í Reykjavík heldur sína árlegu vortónleika í Fríkirkjunni þriðjudaginn 1. maí kl. 15.00. Á tónleikunum flytur kórinn hluta af þeirri efnisskrá sem hann er að æfa fyrir væntanlega Madridarferð 2.-10. júní nk. Dagskráin er fyrst og fremst helguð íslenskum lögum frá ýmsum tímum, m.a. þjóðlögum í fjölbreyttum útsetningum íslenskra tónskálda. Nánar29.04.2007
Dimissjón 2007
Útskriftarnemar 2007 kvöddu skólann sinn og kennara í Uppsölum föstudaginn 27. apríl. Það voru víkíngar, prumpublöðrur, brúðir, Super Marioar, bananar, mörgæsir og spákonur sem skemmtu viðstöddum með ýmsu glensi og færðu kennurum gjafir. Nánar26.04.2007
Alþjóðleg umferðaröryggisvika Sameinuðu þjóðanna
Nemendur í 1. bekk í lífsleikni í Kvennaskólanum tóku þátt í alþjóðlegri umferðaröryggisviku með heimsókn í Forvarnarhúsið. Í þessari viku er haldin alþjóðleg umferðaröryggisvika undir merkjum Sameinuðu þjóðanna. Þema vikunnar er í höndum Umferðarstofu og Umferðarráðs og þeirra félagasamtaka sem aðild eiga að því. Í samstarfi við Umferðarstofu stendur yfir forvarnarsýning í Forvarnarhúsinu. Nánar25.04.2007
Njáluferð þriðjudaginn 24.4.2007
Síðastliðinn þriðjudag fór allur annar bekkur í Kvennaskólanum í Njáluferð. Veðrið var framar vonum miðað við árstímann og það var kátur hópur sem hélt af stað um morguninn. Haldið var á helstu sögustaði í Njálu og voru nemendur vel með á nótunum enda búnir að lesa söguna vel og vandlega. Nánar19.04.2007
Vettvangsferð til Þingvalla
Þriðjudaginn 17. apríl fóru nemendur í valfaginu "Umhverfismál og ferðalandafræði" í vettvangsferð til Þingvalla. Þar fengu þeir kynningu á þjóðgarðinum og náttúru hans, í dæmigerðu íslensku vorveðri. Rætt var um framtíð svæðisins sem náttúruverndar- og ferðamannastaðar, forsendur þess að Þingvellir eru á heimsminjaskrá og síðan voru náttúrufar og saga skoðuð. Nánar17.04.2007
Heimsókn frá Kalmar
Seinnipartinn í dag kemur hópur af sænskum nemendum úr CIS skólanum í Kalmar í heimsókn. Hópurinn dvelur hér í vikutíma og mun vinna að verkefnum með nemendum í 3NS sem heimsótti Kalmar sl. haust. Nánar15.04.2007
Rigningin spillti ekki deginum
Hann var dálítið votur þetta árið, Peysufatadagur Kvennaskólans. Veður var þó milt að öðru leyti og enginn vindur og 3. bekkingar létu rigninguna ekkert á sig fá. Dagurinn fór vel fram og verður eflaust nemendum mjög eftirminnilegur. Nánar12.04.2007
Peysufatadagur
Peysufatadagur nemenda á 3. ári verður haldinn hátíðlegur á morgun föstudaginn 13. apríl. Nemendur verða önnum kafnir og allur dagurinn fer í skemmtanir og uppákomur af ýmsu tagi. Nánar29.03.2007
Próftafla vorprófa
Vorpróf hefjast í Kvennaskólanum föstudaginn 4. maí. Próftafla vorprófanna er núna komin á heimasíðuna. Nánar27.03.2007
4NF og 4NS í heimsókn í Læknagarði
Á föstudaginn var fóru 4NFog 4NS í heimsókn í Læknagarð með Þórði Jóhannessyni eðlisfræðikennara. Þar tók Logi Jónsson á móti hópnum og fræddi þau um ýmislegt á sviði lífeðlisfræði, t.d. um rafboð í taugakerfinu, hjartalínurit, blóðþrýsting o.fl. Nemendurnir fengu að framkvæma ýmsar mælingar á sér með sérhæfðum tækjum og höfðu gagn og gaman af. Nánar26.03.2007
Heimsókn frá Danmörku
Í þessari viku eru 14 danskir nemendur og 2 kennarar í heimsókn í Kvennó. Þau eru hjá 2T. Í gær fóru þau á Gullfoss og Geysi og á morgun fara þau til Nesjavalla. Að sjálfsögðu tökum við vel á móti þessum góðu gestum og vonum að dvöl þeirra verði ánægjuleg. Nánar18.03.2007
Opið hús 2007
Opið hús var haldið miðvikudagskvöldið 14. mars frá kl. 18:00 - 22:00. Fjöldi nemenda í 10. bekk og aðstandendur þeirra komu og kynntu sér starfsemi og námsframboð Kvennaskólans og var almenn ánægja með kvöldið. Líklega hafa um 300 manns komið í hús. Nánar16.03.2007
Söngmaraþon
Kór Kvennaskólans í Reykjavík mun þreyta 18 klukkutíma söngmaraþon í skólanum frá kl. 21.00 föstudaginn 16. mars til kl. 15.00 laugardaginn 17. mars. Sungið verður allan tímann, ýmist allur kórinn eða minni hópar. Áheitum hefur verið safnað síðustu daga og enn er hægt að leggja málefninu lið með því að hafa samband við skrifstofu skólans eða kórfélaga. Nánar15.03.2007
21. mars ..
Eiga allir að vera búnir að telja fram.
Í lífsleikni í vetur hafa nemendur í 1. bekk lært námsefnið Fjárann sem er fjármála- og neytendafræðsla og inniheldur m.a. skattskýrslugerð.
Margir nemendur hafa nýtt sér tækifærið í náminu og fært sína eigin skýrslu í fyrsta sinn.
Nánar