| Námslýsing |
Nemendur lesa ýmsar greinar sem tengjast þýðingum og spreyta sig á því að þýða ólíkar gerðir af textum. Þýðingar eru bornar saman og leitast er við að efla nemendur í að leggja mat á þær með því að bera saman frummál og málið sem þýtt er á (markmál) og þjálfa þá í að nota þau hugtök sem þar eiga við. Verkefni áfangans felast í kynningu á greinum um þýðingar, hópverkefni þar sem hóparnir þýða stutta barnasmásögu auk þýðinga á ólíkum gerðum texta. Nefna má dæmi um stuttar fréttir, matreiðsluuppskriftir, ljóð o.fl. Verkefnin eru ýmist einstaklings-, para- eða hópverkefni. |